রোমীয় 14:14 - Chakma Bible

¹⁴ প্রভু যীশু সমারে মিজেয়োং বিলিনে মুই গমেডালে কোই পারং যে, আজলে কনঅ হানা অসিজি নয়, মাত্তর্ কেঅ যুনি কনঅ হানাগানরে অসিজি মনে গরে সালে সিয়েন তা ইধু অসিজি।

রোমীয় 14:14 ပူးပေါင်းရင်းမြစ်များ

মার্ক 7:2

তারা দেগিলাক্, যীশুর শিচ্চ্যগুনোত্তুন্ কয়েকজনে আঢ্ ন-ধোইনে অসিজিগুরি হেবাত্তে বোচ্চ্যন্।

প্রেরিত্‌ 10:28

সেক্কে তে তারারে কলঅ, “তুমি দঅ কোই পারঅ যে, এক্কো যিহূদীর পক্ষে এক্কো অযিহূদী সমারে মিজেনা বা তা সমারে দেগা গরানা আমা ধর্মর্ রীতি-সুদোমর্ বিরুদ্ধে। মাত্তর্ গোজেনে মরে দেগেই দিয়্যেদে, কাররে অপবিত্র বা অসিজি কনা মর্ উচিত নয়।

রোমীয় 14:2

কেঅ কেঅ মনে গরন্ তে বেক্কানি হেই পারে, মাত্তর্ যে বিশ্বেজদি দুর্বল তে বানা শাক্-পাত্ খায়।

রোমীয় 14:20

কনঅ হানাত্যে গোজেনর্ কাম্ বর্‌বাদ্ ন-গোজ্জ্য। বেক্‌ হানাগানি সিজি, মাত্তর্ কেঅ কিজু হেইনে যুনি অন্য মনত্ সিয়োংচমা গরে সালে সিয়েন হানা তাত্যেই অন্যেয়।

রোমীয় 14:23

মাত্তর্ যুনি কনজনে সন্দেহ গুরিনে কনঅ কিজু খায় সালে তে দুষি, কিয়া তে তার্ বিশ্বেজ্ মজিম কাম্ ন-গরের্। বিশ্বেজ্ বিরুদ্ধে কনঅ কিজু গরানা পাপ।

১ করিন্হীয় 10:25

বাজারত্ যে কনঅ য়েরা বেজা অয় সিয়েনি হেয়ো; বিবেগ্‌কানরে শান্ত থবাত্যে কনঅ কিজু পুযোর্ ন-গোজ্জ্য,

১ করিন্হীয় 8:10

তর্ দঅ জ্ঞান আঘে, মাত্তর্ যিবের্ বিবেক নরম তে যুনি তরে দেবেদা মন্দিরোত্ বৈইনে হাদে দেগে সালে তেয়ো কি মূত্তি ইধু উৎসর্ব-গোজ্জ্যে হানা হেবাত্তে উচ্চোমি ন-পেবঅ?

১ করিন্হীয় 8:7

মাত্তর্ এই জ্ঞানান্ বেক্কুনোর নেই। মূত্তি পূজোর্ অভ্যেস্ এল বিলি মূত্তি ইধু উৎসর্ব-গোজ্জ্যে হানা এজঅ সং কেঅ কেঅ সেই ইজেবে হেই থান্। সেক্কে তারার্ বিবেক নরম বিলি অসিজি অয়।

১ তীমথিয় 4:4

গোজেনর্ বানেয়্যে পত্তি জিনিচ্‌ গম, সেনত্যে কনঅ জিনিচ্ ভান্ন্যেই মনে গুরিনে বাদ দেনা উচিত নয়; মাত্তর্ সিয়েন যেন ভালেদি জানেইনে মানি লুয়ো অয়,

তীত 1:15

যিগুনোর্ মনানি সিজি তারা ইধু বেক্কানি সিজি, মাত্তর্ যিগুনোর্ মনানি কুজুরো আর যিগুনে অবিশ্বেজি তারা ইধু কিচ্চু সিজি নয়; এন্‌ কি, তারার্ মনানি আর বিবেক্‌কান্‌অ কুজুরো‌।