রোমীয় 14:13 - Chakma Bible

¹³ ইয়েনত্তে আমি যেন একজন আরেক্ জনরে দুষ্ ন-ধুরিই, বরং এমন্‌ কনঅ কাম্ ন-গুরিবোং বিলিনে ঠিগ্ গুরিই, যিয়েন দেগিনে কনঅ ভেই মনত্ যাগুলুক্ পায় বা পাপত্ পড়িই পারে।

রোমীয় 14:13 ပူးပေါင်းရင်းမြစ်များ

২ শমূয়েল 12:14

মাত্তর্‌ এ কামান্‌ গুরিনে তুই লগেপ্রভুর শত্রুগুনোরে তারে পিজুং গুরিবার্‌ এক্কান্‌ সুযোগ গুরি দুয়োচ্‌। সেনত্তে তর্‌ যে পূঅবো জোর্মেয়্যে তে হামাক্কায় মুরি যেবঅ।”

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিহিষ্কেল 14:3

ও মান্‌জ্যর্ পুয়োবো, এ মানুচ্চুনে তারার্ মন ভিদিরে মূত্তি থিদেবর্ গুরিনে পাপত্ পড়েদে ধোক্ক্যেন জিনিস তারা মুজুঙোত্ রাগেয়্যে। সেনত্তে মইধু যুনি তারা কনঅ কিজু পুযোর্ গরন সালে মুই তারারে জোব্ ন-দিম।

লেবীয় 19:14

যে কানদি ন-শুনে তারে অভিশাব ন-দিবা বা যে চোগেদি ন-দেগে তার্‌ পদ্থানদি উজোত্‌ খাইদে ধোক্ক্যেন কনঅ জিনিস্ ন-থবা। তুমি তমার গোজেনরে ভোক্তিগুরি দোরেইনে চলিবা। মুই লগেপ্রভু।

মথি লেখ্যে গম্ হবর্ 16:23

যীশু ফিরিনে পিতররে কলঅ, “মঅ কায়-কুরেত্তুন দূর অ, শদান্। তুই মর্ পথ্তানর্ কাদা। যিয়েন গোজেনর্ সিয়েন তুই ন-ভাবর্ মাত্তর্ যিয়েন মান্‌জ্যর্ সিয়েন ভাবর্।”

মথি লেখ্যে গম্ হবর্ 18:7

কদক্ দর্‌গরেপারা এই পিত্‌থিমীগান পাপ পধেদি নেযেবাত্তে তারার্ বিশ্বেজ্‌চানি আরেই ফেলাদন! অবুচ্চ্যই সিয়েনি দঅ ঘুদিবো; মাত্তর্ কত্তমান দর্‌গরেপারা যিবেলোই সিয়েনি ঘদে!

মথি লেখ্যে গম্ হবর্ 7:1

তুমি অন্যগুনোর দুষ্ ধুরিনে ন-বেড়েয়ো যেন তমার্‌অ দুষ্ ধরা ন-অয়,

লূকে লেখ্যে গম্ হবর্ 12:57

“যিয়েন ঠিগ্ সিয়েন তুমি নিজে চিদে গুরিনে কিত্ত্যেই থির্ ন-গরঅ?

লূকে লেখ্যে গম্ হবর্ 17:2

এই চিগোনুনো ভিদিরে যুনি কেঅ পাপ পধেদি নেযায়, সালে তা তদাবোত্ দাঙর্ পাত্তর্ বানিনে তারে সাগরত্ ফেলেই দেনা বরং তাত্যেই গম্।

রোমীয় 11:9

রাজা দায়ূদেয়ো কোইয়্যেদে, তারার্ হানার্ পরব্‌‌পুন্ ফাল্ আর জাল ধোক্ক্যেন্ ওক্‌, সিয়েনি যেন তারার্ উজোত্ হেবার্ কারন অয়, আর তারার্ যিয়েন পাওনা সিয়েন যেন তারা পান্।

রোমীয় 14:10

সালে কিত্ত্যে তুই তর্ ভেইয়ো দুষ্ ধরর্? আর কিত্ত্যেই বা তঅ ভেইবোরে থেঝেরা গরর্? বিচেরত্তে আমি বেক্কুনে দঅ গোজেন মুজুঙোত্ থিয়্যেবং।

রোমীয় 14:3

চোইদ্দ্যে হেইয়্যেবো যেন শাক্-পাত্ হেইয়্যেবোরে ঈচ্ ন-গরে আর শাক্-পাত্ হেইয়্যেবো যেন চোইদ্দ্যে হেইয়্যেবোরে দুষ্ ন-ধরে, কিয়া গোজেনে দঅ সেই দ্বিজনরে আপন গুরি লোইয়্যে।

রোমীয় 14:4

তুই কন্না, যে অন্য চাগরর্ বিচের গরচ্? তে থিয়্যেই আঘে, না পড়ি যেইয়্যে, সিয়েন তা গিরোজ্‌সো বুঝিবো। মাত্তর্ তে থিয়্যেই থেবঅ, কিয়া গোজেনে তারে থিয়্যেই রাগেই পারে।

রোমীয় 16:17

ভেইলগ্, তুমি যে শিক্ষ্যে পেইয়ো সিয়েনির বিরুদ্ধে শিক্ষ্যে দিইনে যিগুনে দলাদলি আর মানা গরন্, সিগুনো উগুরে খিয়েল্ রাগেবাত্তে মুই তমারে বিশেষ্ গুরিনে কোজোলি গরঙর্। তুমি তারাত্তুন্ দূরোত্ থেইয়ো,

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

১ করিন্হীয় 11:13

তুমি নিজেই বিচের্ গুরি চঅ। মাঢাত্ কাবড় ন-দিইনে গোজেন ইধু তবনা গরানা কি মিলেগুনোর্ মানায়?

২ করিন্হীয় 5:14

খ্রীষ্টর্ কোচ্‌পানাগানে আমারে পুচ্ মানিনে চালার্, কিয়া আমি ঘেচ্চ্যেকগুরি বুঝ্‌চেই যে, বেক্কুনোর্ ওইনে একজনে মুরিলো, আর সেনত্যে বেক্কুনে মুরিলাক্।

২ করিন্হীয় 6:3

খ্রীষ্টত্যে আমি যে কাম্ গুরিই সিয়েনর যেন বদ্‌‌নাঙ্ ন-অয় সেনত্তে আমি এমন্‌ কিজু ন-গুরির্ যিয়েনর কারনে কেঅ কনঅ বাবদে মনত্ দুঘ্ ন-পান্।

ফিলিপীয় 1:10

সালে যিয়েন ঘেচ্চ্যেক গুরিনে বেক্কানিত্তুন্ গম সিয়েন তুমি বুঝিনে বেঈ লোই পারিবা। ইয়েন্দোই তুমি যীশু খ্রীষ্টর্ মাধ্যমে গম্ জিংকানির্ ফলে ভর্‌পুনোং ওইনে খ্রীষ্টর্ এবার দিন্নো সং খাটি আর থুদো নেইয়্যে থেই পারিবা; আর ইয়েন্দোই গোজেনর্ বাঈনী আর নাঙ্ গিনেনা অবঅ।

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

যাকোব 2:4

সালে তুমি নিজো ভিদিরে কি চিগোন-দাঙর্ ভাবর্ সৃট্টি ন-গরর্ আর ভান্ন্যেই আজালোই কি বিচের্ ন-গরর্?

যাকোব 4:11

ভেইলগ্, তুমি একজন আরেকজনরে নিন্দে ন-গোজ্জ্য। যে কেঅ ভেইয়ো বিরুদ্ধে কধা কয় বা ভেইয়ো দুষ্ তগায় তে রীদি-সুদোম বিরুদ্ধে কধা কয় আর রীদি-সুদোমর্ দুষ্ তোগেইনে বেড়ায়। যুনি তুই রীদি-সুদোমর্ দুষ্ তোগেইনে বেড়াচ্ সালে দঅ তুই সিয়েন ন-পালর্ বরং সিয়েনর বিচের গরর্।

১ যোহন 2:10

যে তা ভেইবোরে কোচ্‌পায় তে পহ্‌রত্ থায় আর তা ভিদিরে উজোট্ হেবার কনঅ কারণ নেই।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।