রোমীয় 13:9 - Chakma Bible

⁹ উগুম আঘে, “সিনেলী ন-গোজ্জ্য, খুন্ ন-গোজ্জ্য, চুর্ ন-গোজ্জ্য, লুভ্ ন-গোজ্জ্য।” ইয়েনি বেক্কানি আর এবাবোত্যে আরঅ অন্যান্য উগুমানি মিলিনে এক কধায় কুয়ো ওইয়্যেদে, “তুমি পাড়াল্ল্যেগুনোরে নিজো ধোক্ক্যেন্ কোচ্‌পেইয়ো।”

রোমীয় 13:9 ပူးပေါင်းရင်းမြစ်များ

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

লেবীয় 19:34

নিজো জাদর্‌ মানুচ্চুনো সমারে যেধোক্ক্যেন বেবহার্‌ গরা অয় তা সমারে সেধোক্ক্যেন বেবহার্‌ গরা পুরিবো। তারে নিজো ধোক্ক্যেন গুরি কোচ্‌পা পুরিবো, কিত্যে তুমিয়ো মিসরীয়গুনো ভিদিরে অন্য জাদর্‌ মানুচ্‌ এলা। মুই লগেপ্রভু তমার গোজেন।

মথি লেখ্যে গম্ হবর্ 22:39

সে পরেদি দরকারী উগুমান্ পত্তমান ধোক্ক্যেন্- ‘তমা পাড়াল্যেগুনোরে নিজো ধোক্ক্যেন্ কোচ্‌পেবা।’

মার্ক 10:19

তুই দঅ উগুমানি হবর্ পাজ্- ‘খুন্ ন-গোজ্য, বেভিচের্ ন-গোজ্য, চুর্ ন-গোজ্য, মিজে সাক্ষি ন-দুয়ো, ন-ঠোগেয়্য, মা-বাবরে সর্মান গোজ্য।’ ”

মার্ক 12:31

সে পরেদি দরকারী উগুমান্ অলঅ ইয়েন, ‘তঅ পাড়াল্যেগুনোরে নিজো ধোক্ক্যেন কোচ্‌‌পেবা।’ এ দ্বিয়েন উগুমোত্তুন্ দাঙর্ উগুম আর কিচ্চু নেই।”

লূকে লেখ্যে গম্ হবর্ 10:27

সেই ধর্ম-মাষ্টর্‌বো যীশুরে জোব্ দিলো, “তুমি পত্তিজনে তমার্ বেক্ রিবেঙান্, বেক্ পরাণান্, বেক্ বলান্ আর বেক্ মনান্ দিইনে তমা প্রভু গোজেনরে কোচ্‌পেবা; আর তমা পাড়াল্যেগুনোরে নিজো ধোক্ক্যেন্ কোচ্‌পেবা।”

লূকে লেখ্যে গম্ হবর্ 18:20

তুই দঅ উগুমানি কোই পারচ্, ‘বেভিচের্ ন-গুরিচ্, খুন্ ন-গুরিচ্, চুর্ ন-গুরিচ্, মিজে সাক্ষি ন-দিচ্, তঅ মা-বাবরে সর্মান গুরিচ্।’ ”

গালাতীয় 5:13

ভেইলগ্, স্বাধীন অবাত্যে দঅ গোজেনে তমারে ডাক্ক্যে। মাত্তর্ তমার পাপ খাচ্চ্যদর্ আওজ্‌চানি পূরেবাত্যে এই স্বাধীনতাগান্ বেবহার ন-গোজ্জ্য। তাত্তুন্ বরং কোচ্‌পানার মনভাব্‌পোই একজন অারেক্ জনরে সেবা গরঅ,