রোমীয় 13:5 - Chakma Bible

⁵ ইয়েনত্তে তুমি শাসন গুরিয়্যেগুনোর অধীনতা স্বীগের্ গত্তে বাধ্য। গোজেনর্ সাজা দরে বানা তারার্ অধীনতা স্বিগের্ গুরিবা সিয়েন নয়, তমা বিবেক্‌‌কানি সাব্ রাগেবাত্তেয়ো সিয়েন গুরিবা।

রোমীয় 13:5 ပူးပေါင်းရင်းမြစ်များ

উপদেশক 8:1

কন্না জ্ঞানী মান্‌জ্য ধোক্ক্যেন্? যিয়েনি ঘদে কন্না সিয়েনির অত্তগান্ বুঝে? জ্ঞানানে মান্‌জ্যর্ মুয়োনি জোল্‌জোল্যে গরে আর তার মু দরগান্ লারেই দি পারে।

উপদেশক 8:2

মঅ উবদেশ্‌ছান ইয়েন্, তুই রাজার্ উগুমান্ পালঅ, কিত্তে গোজেন মুজুঙোত্ তুই সে শমক্তান্ গোজ্যস্।

প্রেরিত্‌ 24:16

সেনত্তে মুই গোজেন আর মান্‌জ্য ইধু আমিযে মর্ বিবেগরে সাব্ রাগেবার চেষ্টা গরং।

রোমীয় 13:6

আর সেনত্তে দঅ তুমি খাজানা দি থাগঅ, কিয়া খাজানা তুলিয়্যেগুনে তারার্ কামানিলোই গোজেনরে সেবা গত্তন্।

ইব্রীয় 13:18

আমাত্যে তবনা গোজ্জ্য। বেক্কানি পৌইদ্যেনে আমি গমেডালে চলিবাত্যে চেই বিলিনে আমি কোই পারিই, আমা বিবেগ্‌‌কানি সাব্।

১ পিতর 2:19

যুনি কেঅ অন্যেয় গুরিনে দুঘোত্ ভুগোন্ আর গোজেনরে মনত্ থোইনে সিয়েন সোজ্জ্য গরে সালে তে গোজেনর্ চোগোদি নাঙ্ গিনে হেবার যগাজ্জ্যে।

১ পিতর 3:16

তমা বিবেক্ সাব্ রাগঅ, যেন খ্রীষ্টর মানুচ্‌ ইজেবে তমার্ গম্ চালচলনত্ যিগুনে বদ্‌নাঙ্ গরন্ তারা তমারে নিন্দে গোজ্জ্যন বিলিনে লাজান্।