রোমীয় 13:2 - Chakma Bible

² ইয়েনত্যে শাসনগুরিয়্যেবোর্ বিরুদ্ধে যে থিয়্যেই তে গোজেনর্ শাসন-বেবস্থার্ বিরুদ্ধে থিয়্যেই। যিগুনে এবাবোত্যে গরন্ তারা নিজো উগুরে সাজা ডাগি আনন্।

রোমীয় 13:2 ပူးပေါင်းရင်းမြစ်များ

যাত্রা 16:8

মোশি আরঅ কলদে, “সাজোন্যা অক্তত্‌ যেক্কে লগেপ্রভু তমারে য়েরা দিবো আর বেন্যে অক্তত্‌ দিবো নানান্‌ বাবোত্যা পিদে সেক্কেয়ই তুমি বুঝিবাদে, লগেপ্রভুই‌ তমারে মিসর দেজত্তুন্‌ নিগিলেই আন্যে। তাঁর্‌ বিরুদ্ধে তুমি যেদক্কানি কধা কোইয়ো সিয়েনি বেক্কানি তে শুন্যে। আমি কন্না? এদক্কানি কধা তুমি আজলে আমা বিরুদ্ধে ন-কর্‌, কোইয়োদে লগেপ্রভুর্‌ বিরুদ্ধে।”

যিশাইয় 58:2

তারারে দেগিলে মনে অয় দিনকে দিন যেন তারা মঅ আওজ্ মজিম চলদন্ আর মঅ পথ্‌তান জানিবাত্তে তারার আওজ্ আঘে; তারা যেন এমন এক্কো জাদ্ যিগুনে ঠিগ্ কাম গরন্ আর তারার গোজেন উগুমান্ ন-ছাড়ন্; তারা যেন মইদু ন্যায় বিচের পৌইদ্যেনে জানিবাত্তে চান্ আর যেন গোজেন ইদু এবাত্তে আওজি।‌

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মার্ক 12:40

এক কিত্তেদি তারা মানুচ্চুনোরে দেগেবাত্তে লাম্বা লাম্বা তবনা গরন্, অন্য কিত্তেদি রানী মিলেগুনোর সোম্বোত্তিগানি গজক্ গরন্। এ মানুচ্চুনোর বোউত্ বেশ্ সাজা অবঅ।”

লূকে লেখ্যে গম্ হবর্ 20:47

এক কিত্ত্যেদি তারা মানুচ্চুনোরে দেগেবাত্যে লাম্বা লাম্বা তবনা গরন্, অন্য কিত্ত্যেদি রানি মিলেগুনোর্ সোম্বোত্তিগানি গজক্ গরন্। এ মানুচ্চুনোর্ বউৎ বেশ্ সাজা অবঅ।”

রোমীয় 13:1

বেক্কুনে দেজর্ শাসনগুরিয়্যেগুনোরে মানি চোলোদোক্, কিয়া গোজেনে যারে শাসনগুরিয়্যে বানায় তে বাদে আর কনজনে শাসনগুরিয়্যে ওই ন-পারন্। গোজেনে শাসনগুরিয়্যেগুনোরে বেঈ লয়;

রোমীয় 13:3

যিগুনে গম্ কাম্ গরন্ শাসনগুরিয়্যেগুনোরে দোরেবার কনঅ কারন তারার্ ন-থায়, মাত্তর্ যিগুনে অন্যেয় গরন্ তারা দরান্। শাসন গুরিয়্যেগুনোরে ন-দোরেইনে কি তুমি চলিবাত্তে চঅ? সালে যিয়েন গম্ সিয়েন গুরি থাগঅ। সেক্কে তুমি তাত্তুন্ বাঈনী পেবা।

রোমীয় 13:5

ইয়েনত্তে তুমি শাসন গুরিয়্যেগুনোর অধীনতা স্বীগের্ গত্তে বাধ্য। গোজেনর্ সাজা দরে বানা তারার্ অধীনতা স্বিগের্ গুরিবা সিয়েন নয়, তমা বিবেক্‌‌কানি সাব্ রাগেবাত্তেয়ো সিয়েন গুরিবা।

রোমীয় 9:19

অয়ত তমাত্তুন্ কেঅ মরে পুযোর্ গুরিবাক্, “সালে গোজেনে কিত্ত্যে মান্‌জ্যর দুষ্ ধরে? কনজনে কি গোজেনর্ উদ্দেশ্যগানরে মানা গুরি পারন্?”

তীত 3:1

গোজেনর্ মানুচ্চুনোরে মনত্ তুলি দে যেন তারা শাসনগুরিয়্যে আর যিগুনোর্ আঢত্ খেমতা আঘে তারার্ অধিনোত্ থান, বাধ্য অন্ আর মানুচ্চুনোরে যে কনঅ উপকার গুরিবাত্যে যুক্কোল্ থান্।

যাকোব 3:1

মর্ ভেইয়ুন্, তমাত্তুন্ বেক্কুনে মাষ্টর অবাত্যে ন-যেয়ো, কিয়া তুমি দঅ কোই পারঅ, আমি মাষ্টর্ বিলিনে অন্যগুনোত্তুন্ আমারে আরঅ দরমর গুরি বিচের্ গরা অবঅ।

১ পিতর 2:13

তুমি প্রভু উগুরে বাধ্য ওইনে মান্‌‌জ্যর্ বানেয়্যে শাসনগুরিয়্যে গুনোর অধীনতা স্বীগের্ গরঅ। সম্রাটে বেক্কুনোর আজল্ বিলিনে তার অধীনোত্ থাগঅ;