রোমীয় 13:12 - Chakma Bible

¹² রেত্ প্রায় থুম্, বেইন্ন্যে পহ্‌র ওই এজের্; সেনত্তে এজঅ, আমি আন্ধার কামানি বাদ্ দিইনে পহ্‌রর্ অাত্যেরানি তুলি লোই।

রোমীয় 13:12 ပူးပေါင်းရင်းမြစ်များ

পরমগীত 2:17

ও মর্ পরাণ্যে, তুই ফিরি আয়; যেদক্কন্ সং বেন্যে পহ্‌র ন-অয় আর আন্ধারান্ ন-যায় সেদক্কন্ তুই থাক্। অজল্ মুড়োবো উগুরে তুই কৃষ্ণসার ‌ বা উরিঙো ছঅ ধোক্ক্যেন্ অ।

যিশাইয় 2:20

সেদিন্যে মান্‌জ্যে তারার্ পূজোত্তে বানেয়্যে সোনা আর রূবোর্ মুত্তিগুন্ চুজি হেইয়্যে আর বাদোলুনো ইদু ফেলেই দিবাক্।

যিশাইয় 30:22

সেক্কে তুমি তমার্ রূবো আর সোনালোই বেড়েয়্যে মূত্তিগুন্ অসিজি গুরিবা; তুমি সিগুনোরে কজরা কাবড় ধোক্ক্যেন ফেলেই দিইনে কবাদে, “দূর্ অ, দূর্ অ!” ‍

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

১ করিন্হীয় 10:11

অন্য মানুচ্চুনে যেনে দেগিনে শিগি পারন্ সেনত্তে তারা উগুরে ইয়েনি ঘোট্যে। আর আমি যিগুনে যুগোর্ শেষ্ সময়োত্ এইনে লুম্মেয়ি, সিয়েনই আমারে উজিয়ার্ গুরিবাত্তে ইয়েনি বেক্কানি লেগা ওইয়্যে।

১ করিন্হীয় 7:29

ভেইলগ্, যে কধাগান মুই তমারে কবাত্তে চাঙর্ সিয়েন এ-সময়ত্ ভারী কম্। সেনত্তে ইক্কেত্তুন্ ধুরি এমন্‌ গুরিনে চলানা দরকার যে, যিগুনোর্ মোগ্ আঘে তারার্ যেন মোগ্ নেই;

২ করিন্হীয় 10:4

সাধা-সিধে মান্‌জ্যে যেদক্কানি আত্যের্‌লোই যুদ্ধো গরন্ আমি সিয়েনিলোই যুদ্ধো ন-গুরির্, মাত্তর্ গোজেনর্ খেমতালোই আমার্ দরমর দেবাল ঘিজ্যে আত্যেরানি ভাঙি ফেলেই পারে।

২ করিন্হীয় 6:7

সত্যগান্ ফগদাঙত্যে আর গোজেনর্ খেমতালোই আমি প্রমাণ দিত্তে যে, আমি গোজেনর্ সেবাগুরিয়্যে। আরঅ দ্বি আঢে ন্যায়র্ অাত্যের্ তুলি লোইনে আমি প্রমাণ গুরিত্তে, আমি গোজেনর্ সেবাগুরিয়্যে।

ইফিষীয় 4:22

তুমি এ শিক্ষ্যেগান পেয়োদে যে, তমা পুরোণি জিংকানির পুরোণি “মুই” পুরোণ্ কাবড় ধোক্ক্যেন বাদ দিয়্যে পরিবো, কিয়া ছলনার কামনালোই সেই পুরোণি “মুই” বর্‌‌বাদ ওই যার্।

ইফিষীয় 5:11

আন্ধারর্ নিষ্ফল কামর্ লগে তমার যোগ ন-থোক্; তুমি বরং সিয়েনির দুচ্‌ দেগেই দুয়ো,

ইফিষীয় 5:8

কিয়া তুমি আগে আন্ধারত্ থেলেয়ো ইক্কিনে প্রভু সমারে মিজেইনে পহ্‌রত এচ্চ্য। পহ্‌রে ভরা মান্‌জ্যর্ যেধোক্ক্যেন চলানা উচিত তুমি সেধোক্ক্যেন গুরি চলঅ,

ইব্রীয় 10:25

কনঅ কনঅ মান্‌জ্যর যেধোক্ক্যেন অভ্যেস্ আঘে তারা ধোক্ক্যেন আমি যেন তেম্মাঙত্ এক সমারে এগত্তর্ অনা বাদ্ ন-দিই, বরং খ্রীষ্টর্ এবার দিন্নো যেদক্ কায়কুরে এবঅ সেদক্ যেন আমি একজন আরেক জনরে আরঅ উচ্চোমি দেনাত্ থেই।

ইব্রীয় 12:1

সালে দেগা যাত্তে, গোজেন উগুরে বিশ্বেজর্ সাক্ষী ইজেবে বোউত্ মানুচ্‌ আমা চেরোকিত্যেদি ঝাগ্ গুরি আঘন্। ইয়েনত্যে এজঅ, আমি পত্তি ঝাগুলুগ্ জিনিস আর যে পাপ্পানিয়ে সহজে আমারে বেড়েকোরে ধুরিনে সিয়েনিরে দূরোত্ ঠেলি দিইনে মুজুঙেদি জিদেজিত্যে ধাবাদেনাত্ ধৈয্য ধুরিনে ধাবা দিই।

যাকোব 1:21

ইয়েনত্যে বেক্ ফি-বলাগানি আর যেদক্কানি বজং জিনিস এজঅ তমা জিংকানিত্ আঘে সিয়েনি দূর্ গরঅ। গোজেন কধানির্ বীজ্ যিয়েনি তমা মন ভিদিরে লাগা ওইয়্যে সিয়েনি চিদে ওইনে মানি লঅ। পাপত্তুন্ তমারে উদ্ধোর্ গুরিবার্ খেমতা এ কধানির্ আঘে।

যাকোব 5:8

তুমিয়ো সেধোক্ক্যেন গুরিনে ধৈয্য ধরঅ আর মনানি থির্ রাগঅ, কিয়া প্রভু যাদিমাদি এজের্।

১ পিতর 2:1

ইয়েনত্যে অন্যগুনোরে ক্ষতি গুরিবার নানান্ বাবোত্যে আওজ্‌, নানান্ বাবোত্যে ছলনা, ভন্ডামি, ইংসে আর নানান্ বাবোত্যে বদ্‌নাঙর্ কধাবাত্তা তমা মন ভিদিরেত্তুন্ নিগিলেই দুয়ো।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

২ পিতর 3:11

বেক্কানি যেক্কে এবাবোত্যেগুরি ভস্ত অবাত্যে যার্ সেক্কে তমার কিবাবোত্যে মানুচ্‌ অনা উচিত? আওজ্ গুরিনে গোজেন দিন্নোরে বাজ্জেই থেইনে তমার পবিত্র আর গোজেন উগুরে ভোক্তিবলা জিংকানি কাদানা উচিত। সেদিন্ন্যে দাঙর্ আগাজ্‌চান পুড়ি যাদে যাদে ভস্ত ওই যেবঅ আর বেলান-চানান আর তারাগুন আগুনোত্ গলি যেবাক্।

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।

১ যোহন 2:18

পুয়ো-ছা লগ্, ইবেয়ই শেজ্ সময়। তুমি দঅ শুন্ন্য যে, খ্রীষ্ট-শত্রুবো এজের্, মাত্তর্ তার আরঅ ভালোক্কুন্ শত্রু এ ভিদিরে এই যেইয়োন। সেনত্যে আমি বুঝি পারির্, ইবেয়ই শেষ্ সময়।

ফগদাং পেইয়্যে 1:3

গোজেনর্ কধানি যিয়েনি ইয়েনত্ লেগা ওইয়্যে, যিবে সিয়েনি পড়ে তে বর্‌পেইয়্যে আর যিগুনে সিয়েনি শুনোন্ আর পালন গরন সিগুনেয়ো বর্‌পেইয়্যে, কিয়া সময়ান কায়কুরে লুম্মেগি।

ফগদাং পেইয়্যে 22:10

সে পরেদি তে মরে কলঅ, “এ বোইবোর্ বেক্ কধানি, অত্তাৎ গোজেনর্ কধানি তুই গুমুরোত্ ন-থোচ্, কিয়া সময়ান লুম্মেগি। যে অন্যেয় গুরিয়্যেবো, তে ইয়েনর্ পরেদিয়ো অন্যেয় গোরোক্;