রোমীয় 12:13 - Chakma Bible

¹³ গোজেন মানুচ্চুনোর্ অভাব সময় সাহায্য গরঅ। গর্বাগুনোরে সেবা গুরিবাত্যে আয়োজি অ।

রোমীয় 12:13 ပူးပေါင်းရင်းမြစ်များ

২ শমূয়েল 17:29

মধু, দই, গোরু দুধোর পনীর আহ্ ভেড়া আনিলাক্। তারা মনে গোজ্যন্দে, ধূল্যেচর-চাগালাত্‌ সে মানুচ্চুনোর পেট পুরের্‌ আহ্ পানি তিরেজে পেইয়্যে আর তারা বল্‌পোজ্যে ওইয়োন।

২ রাজাবলী 4:10

যেই, আমি চালঅ উগুরে এক্কো চিগোন্‌ গুদি বানেইনে সিদু তাত্তেই এক্কান্‌ খাট আর বিচ্ছোন্‌, এক্কান্‌ টেবিল, এক্কান্‌ চেয়ার্‌ আর এক্কো চেরাগ থগ্‌ রাগেই। সালে তে আমা ইদু এলে সিয়েনত্‌ থেই পারিবো।”

গীতসংহিতা 41:1

বর্‌পেইয়্যে সেই মানুচ্চো, যিবের মনানে নাঢা মানুচ্চুনোত্তে চিদে গরে; দুঘোর্ দিনোত্ লগেপ্রভু তারে উদ্ধোর্ গরে।

গম্ উপদেজ্ 31:20

দুঘি মানুচ্চুনোত্তে তা আঢ্‌‌তান খুলো; তে অভাবীগুনো ইন্দি আঢ্‌‌তান বাবেই দে।

মথি লেখ্যে গম্ হবর্ 25:35

যেক্কে মর্ পেট্ পুজ্যে সেক্কে তুমি মরে হেবাত্তে দুয়ো; যেক্কে পানি তিরেস্ পেইয়্যে সেক্কে পানি দুয়ো; যেক্কে গর্বা ওইয়োং সেক্কে আশ্রয় দুয়ো;

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

১ করিন্হীয় 16:15

ভেইলগ্, তুমি দঅ কোই পারঅ, স্তিফানর্ পরিবার মানুচ্চুনে আখায়া রেজ্যর্ পত্তম বিশ্বেজি। গোজেন মানুচ্চুনোরে সেবা গুরিবাত্যে তারা নিজোরে উৎসর্ব গোজ্জ্যন্।

২ করিন্হীয় 9:1

গোজেন মানুচ্চুনোত্যে দান দিবার্ যে কাম্ চলের্ সে পৌইদ্যেনে তমা ইধু লিগিবার অবুচ্চ্যই কনঅ দরকার নেই,

২ করিন্হীয় 9:12

তমার্ এ কামর ফলে যে বানা গোজেন মানুচ্চুনোর অভাব পূরোণ অবঅ সিয়েন নয়; গোজেন উগুরে বোউত্ মান্‌জ্যে ভালেদি জানেবাক্।

গালাতীয় 6:10

জু পেলে আমি যেন বেক্কুনোর্, বিশেষ গুরিনে গোজেন পরিবারর্ মানুচ্চুনোরে উপকার গুরিই।

১ তীমথিয় 3:2

পরিচালক্‌কো সেনত্যে এমন উয়ো পড়িবো যেন কেঅ তারে দুষ্ দি ন-পারন। তাত্তুন্ বানা এক্কো মোক্ থেবঅ। তে নিজোরে দোঙেই রাগেব আর তার্ গম বিচেরবুদ্ধি থেবঅ। তে ভদ্র অবঅ আর গর্‌বা লবিয়োত্ গত্তে কোচ্‌পেবঅ। অন্যগুনোরে শিক্ষ্যে দান গুরিবার খেমতা তাত্তুন্ থেবঅ।

১ তীমথিয় 5:10

ইয়েনিবাদে গম কামত্যে তার্ সুনাঙ্ থাহ্ পরিবো। এ গম কামানির্ ভিদিরে আঘেদে-পুয়ো-ছা মানুচ্‌ গরানা, গর্‌‌বা লবিয়োত্ গরানা, গোজেন মানুচ্চুনোরে টেং ধোই দেনা, যিগুনে দুঘোত্ পোজ্জ্যন তারারে এজাল্ দেনা, আর অন্য গম কামত্ মিজেনা।

তীত 1:8

সিয়েনর্ বদলে গর্‌‌বা-লবিয়োত্ আর দোয়্যের্ কাম গুরিবাত্যে তে যেন গম্‌ পায়। তার গম্ বিচের বুদ্ধি থেবঅ, তে সৎ আর গোজেনর্ বাধ্য অবঅ আর নিজোরে দোঙেই রাগেব।

তীত 3:14

অন্যগুনোরে উপকার গুরিবার কামত্ নিজোরে লাগি রাগেবাত্যেই আমা মানুচ্চুনোর্ শিগে পরিবো, যেন তারা অন্যগুনোর অভাব্‌ দূর্ গুরি পারন। এবাবোত্যে গুরিলে তারার্ জিংকানিগানি ফলিবো।

ফিলীমন 1:7

ভেই, তর্ কোচ্‌পানাগান দেগিনে মুই অমকদ হুজী ওইয়োং আর উচ্চোমি পেইয়োং, কিয়া তুই গোজেন মানুচ্চুনো মনত্ নূয়ো উচ্চোমি জাগেই তুল্ল্যচ্।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।

ইব্রীয় 13:2

গর্বাগুনোরে আদর-যত্তন্ গত্তে পুরি ন-ফেলেয়ো; কেঅ কেঅ কোই ন-পারিনে এবাবোত্যেগুরি স্বর্গদূত্‌তুনোরে আদর-যত্তন্ গোজ্জ্যন্।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

১ পিতর 4:9

কনঅ বাবোত্যে কাঙেলেত্যে ন-পেইনে তুমি একজন আরেকজনরে গর্বা ইজেবে মানি লঅ।

১ যোহন 3:17

এই জগদত্ হেইনে-উরিনে পিনিনে বাঁজি থাইদ্যে ধোক্ক্যেন অবস্থা যিবের্ আঘে, তে তার্ ভেইয়ুনোর অভাব দেগিনেয়ো যুনি চোগ্‌কুন নাঢি থায় সালে কেধোক্ক্যেন গুরি তা মনভিদিরে গোজেন উগুরে কোচ্‌পানা থেই পারে?

৩ যোহন 1:5

পরাণর্ সমাজ্জ্যেগুন, ন-চিনিনেয়ো বিশ্বেজি ভেইয়ুনোত্যে তুই যিয়েনি গরর্ সিয়েনি বিশ্বেজ্ গুরিনে গরর্।