রোমীয় 11:8 - Chakma Bible

⁸ পবিত্র বোইবোত্ লেগা আঘে, “গোজেনে তারার্ মনানি এমন্‌ অকেজো গুরিলো যে, তারা এজঅ সং তারার্ চোগ্‌কুন্দোই দেগিনেয়ো ন-দেগন্ আর কানানিলোই শুনিনেয়ো ন-শুনোন্।”

রোমীয় 11:8 ပူးပေါင်းရင်းမြစ်များ

২ রাজাবলী 17:34

এচ্ছে সং তারা সে সুদোমানি মানি চলদন্‌। তারা আজলে লগেপ্রভুরে তবনা ন-গরন্‌, কিত্তে লগেপ্রভু যে যাকোব নাঙান্‌ ইস্রায়েল রাগেয়্যে সে যাকোব পুয়োগুনো ইদু লগেপ্রভুর দিয়্যে সুদোম, হুকুম, আইন আর উগুমানি তারা মানি ন-চলন্‌।

২ রাজাবলী 17:41

তারা লগেপ্রভুর তবনায়ো গুরিদাক্‌ আরঅ তারা দেব-দেবেদা পূজোয়ো গুরিদাক্‌। এজঅ তারার ঝি-পুয়োগুনে আর নাদিন্‌-পুদিনুনে তারা পূরোণি মানুচ্চুনো ধোক্ক্যেন চলদন্‌।

যিশাইয় 29:10

কিত্তে লগেপ্রভু তমা উগুরে এক্কান্ ঘুর্‌ঘুজ্যে ঘুম আন্যে; তমা চোগ্‌কুন যে ভাববাদীগুনে, তমার্ সেই চোগ্‌কুন তে নাঢি দিয়্যে আর তমার্ মাঢাগুন যে রিনিচেইয়্যে গুনে, তমার্ সেই মাঢাগুন্ তে ঢাগি দিয়্যে।

যিশাইয় 6:9

তে কলঅ, “তুই যেইনে এ মানুচ্চুনোরে কঅ, ‘তুমি শুনোদে থাগঅ মাত্তর্ ন-বুঝ্‌ছো, রিনি চেই থাগঅ মাত্তর্ হবর্ ন-পেয়ো।’ ” ‌‌‌

যিরমিয় 5:21

ও ভুল্ আর বুদ্ধিনেইয়্যে মানুচ্চুন, তুমি যিগুনে চোগ্ থাগদেয়ো ন-দেগর্, কান থাগদেয়ো ন-শুনোর্, তুমি শুনো।

যিহিষ্কেল 12:2

ও মান্‌‌জ্যর পুয়োবো, তুই এক্কো উল্লোমী জাদ ভিদিরে বজত্তি গরর্। তারার্ চোগ আঘে মাত্তর্ তারা ন-দেগন্, কান আঘে ন-শুনোন্, কিত্যে তারা এক্কো উল্লোমী জাদ্।

যিহিষ্কেল 20:26

পত্তম্ জোর্মেয়্যে এবাবোত্যে পত্তি পুয়োরে তারা আগুনোত্ পুড়িনে উৎসর্ব গোজ্যন্, আর সিয়েনর মাধ্যমে মুই তারারে অসিজি অবাত্তে দিলুং যেন মুই তারারে ভস্ত গুরি পারং। সেক্কে তারা হবর্ পেবাক্ যে, মুয়ই লগেপ্রভু।

লূকে লেখ্যে গম্ হবর্ 8:10

সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।

প্রেরিত্‌ 28:26

এ মানুচ্চুনো ইধু যেইনে কঅ, তুমি শুনিবা মাত্তর্ ন-বুঝিবা; দেগিবা মাত্তর্ কনমতে হবর্ ন-পেবা।

দ্বি’লম্বর বিররণ 29:4

মাত্তর্‌ তুমি লগেপ্রভুত্তুন্‌ এচ্চ্যে সং সিয়েনি বুঝিবার মনান্‌, দেগিবার চোক্কুন আর শুনিবার কানানি ন-পঅ।