রোমীয় 11:28 - Chakma Bible

²⁸ গম্ হবর্ ইন্দিত্তুন্ তমার্ ভালেদিত্তে তারা ইক্কিনে গোজেনর্ শত্রু। মাত্তর্ গোজেনর্ বেঈ লয়দ্যে ইন্দিত্তুন্ পূরোণি মানুচ্চুনোত্তে তারা গোজেনর্ কোচ্‌‌পেইয়্যে মানুচ্।

রোমীয় 11:28 ပူးပေါင်းရင်းမြစ်များ

পত্থম 26:4

মুই তঅ বংশর মানুচ্চুনোরে আগাজ তারা ধোক্ক্যেন ভালোক্কুন্‌ গুরিম আর এ দেজ্‌ছানি তারারে দিম্‌। তঅ বংশর ভিদিরেন্দি পিতথিমীর্‌ বেক্‌ জাদ্‌‌‌তুনে বর্ পেবাক্‌,

পত্থম 28:14

তঅ বংশর মানুচ্চুনে পিত্‌থিমীর ধূল্যেকণা ধোক্ক্যেন গুণি ন-ফুরেইয়্যে অবাক্। পূগ্-পোজিমে আর উত্তোর-দোগিণে তঅ বংশগুন ছিদি পরিবাক। পিত্‌থিমীর বেক্‌ জাদ্‌তুনে তর্‌ আর তঅ বংশবো ভিদিরেন্দি বর্ পেবাক।

যিরমিয় 31:3

সে অক্তত্ ইস্রায়েলীয়গুনে কোইয়োন, লগেপ্রভু দূরোত্তুন্ তারারে দেগা দিয়্যে। সেক্কে লগেপ্রভু তারারে কোইয়্যেদে, “অমকদ কোচ্‌‌পানালোই মুই তমারে কোচ্‌‌পেইয়োং; অমকদ কোচ্‌‌পানালোই মুই তমারে কায়কুরে টান্যং।”

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

লূকে লেখ্যে গম্ হবর্ 1:54

তে আমা পূরোণি মানুচ্চুনো ইধু যে এগেম্ গোজ্যে, সেবাত্যেগুরি তে তার্ চাগর্ ইস্রায়েলরে সাহায্য গোজ্যে। অব্রাহাম আর তা গুট্টির্ মানুচ্চুনো উগুরে জনম্‌ভরা দোয়্যে গুরিবার্ কধা তে মনত্ রাগেয়্যে।”

প্রেরিত্‌ 14:2

মাত্তর্ যে যিহূদীগুনে বিশ্বেজ্ ন-গরন তারা অযিহূদীগুনোরে ভেজেই দিইনে তারার্ মনানি বিশ্বেজি ভেইয়ুনো বিরুদ্ধে রাগেই তুলিলাক্।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

রোমীয় 11:11

সালে যিহূদীগুনে উজোট্ খেইনে কি জনমত্তে পড়ি গেলাক্? নিচ্চোই নয়, মাত্তর্ তারার্ পাপত্যে অযিহূদীগুনে উদ্ধোর্ পেবার্ জু পেলাক্ যেন যিহূদীগুনে আয়োজে জাগি উদোন্।

রোমীয় 11:30

যেধোক্ক্যেন্ তুমি এক সময়োত্ গোজেনর্ অবাধ্য এলা মাত্তর্ যিহূদীগুনোর্ অবাধ্যতার্ কারনে ইক্কিনে গোজেনর্ দোয়্যে পেইয়ো,

রোমীয় 11:7

সালে বুঝো যায়, ইস্রায়েলীয়গুনে যিয়েন্ পেবার চেট্ট্যা গোজ্জ্যন্ সিয়েন তারা ন-পান্, মাত্তর্ গোজেনে যিগুনোরে বেঈ থোইয়্যে সিগুনে সিয়েন পেইয়োন, আর অন্য বেক্কুনোর্ মনানি পাত্তর ধোক্ক্যেন্ দর ওই যেইয়্যে।

রোমীয় 5:10

যেক্কে আমি গোজেনর্ শত্রু এলং সেক্কে তা পুয়োবোর্ মরাণার্ মাধ্যমে তা লগে আমি মিজেয়্যেই। এবাবোত্যেগুরি মিজেয়্যেই বিলি খ্রীষ্টর্ জিংকানিগান্দোই আমি খামাক্কায় পাপত্তুন্ উদ্ধোর্ পেবং।

রোমীয় 9:5

গোজেনর্ দাঙর্ ভক্তগুনে তারার্ পুরোণি মানুচ্ এলাক্ আর মানুচ্ ইজেবে মশীহ তারা গুট্টিত্ জোর্মেয়্যে। তেয়ই গোজেন, যিবে বেক্কুনো উগুরে; বেক্ বাঈনীগান্ তার্। আমেন।

দ্বি’লম্বর বিররণ 10:15

তো তমার্‌ পুরোণি মানুচ্চুনো উগুরে তার্‌ টান্ এলঅ বিলিনে তে তারারে কোচ্‌পেইয়্যে। তে পুরো জাদ ভিদিরেত্তুন্‌ তারার্‌ বংশধরুনোরে, অত্তাৎ তমারে বেঈ লোইয়্যে আর এচ্চ্যেয়ো তুমি সেই বেঈ লোইয়্যে জাদ ইজেবে আগঅ।

দ্বি’লম্বর বিররণ 4:31

তমা গোজেন লগেপ্রভু দোয়্যেবলা; তে তমারে ফেলেইনে ন-যেবঅ বা ভস্ত ন-গুরিবো, বা শমক্‌ খেইনে তমা পুরোণি মানুচ্চুনোত্তে যে সুদোমানি থিদেবর্ গোজ্যে সিয়েনি ভুলি ন-যেবা।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

দ্বি’লম্বর বিররণ 9:5

ধার্মিক বা গম্‌ বিলিনেই যে তুমি তারার্‌ দেজ্‌ছান্‌ গজক্ গুরিবাত্তে যর্‌ সিয়েন্‌ নয়, বরং তমার্‌ গোজেন লগেপ্রভু তমা পুরোণি মানুচ্‌ অব্রাহাম, ইসহাক আর যাকোব ইদু যে কধাগান্‌ এগেম্ গুরিনে কোইয়্যে সিয়েনি ছিড়েবাত্তে তে এ বেক্‌ জাদর্‌ ভান্ন্যেয়ানির্‌ কারনে তমা মুজুঙোত্তুন্‌ তারারে ধাবেই দিবো।