রোমীয় 11:26 - Chakma Bible

²⁶ আর এবাবোত্যেগুরি গোদা ইস্রায়েল জাদ্‌তো উদ্ধোর্ পেবঅ। পবিত্র বোইবোত্ লেঘা আঘে, সিয়োনত্তুন্ উদ্ধোর্ গুরিয়্যেবো এবঅ; তে যাকোব গুট্টির্ মানুচ্চুনো ভিদিরেত্তুন্ মঅ উগুরে ভোক্তি নেইয়্যেগান্ দূর্ গুরিবো।

রোমীয় 11:26 ပူးပေါင်းရင်းမြစ်များ

গীতসংহিতা 106:47

ও লগেপ্রভু, আমা গোজেন, আমারে উদ্ধোর্ গর্; অন্য জাদ ভিদিরেত্তুন্ তুই আমারে এক জাগাত্ লোই আয়, যেনে আমি তর্ পবিত্রতাগান নাঙে ভালেদি জানেই পারিই আর তরে নাঙ্ গিনি পারঙর্ বিলিনে বাড়্‌বো গুরি পারঙর্।

গীতসংহিতা 14:7

ইস্রায়েলীয়গুনোর্ উদ্ধোরান সিয়োন ভিদিরেত্তুন্ এজোক্; লগেপ্রভু যেক্কেনে তা মানুচ্চুনোর্ অবস্থাগান ফিরেব সেক্কেনে যাকোবর বংশগুনে ফুত্তি গুরিবাক্- ইস্রায়েলীয়গুনে হুজি অবাক্।

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিশাইয় 59:20

লগেপ্রভু কোইয়্যেদে, “যাকোবর্ যিগুনে পাপত্তুন মনানি ফিরেয়োন তারাত্তে উদ্ধোর গুরিয়্যেবো সিয়োনত্ এবঅ।

যিরমিয় 31:1

লগেপ্রভু কোইয়্যেদে, “সে অক্তত্ মুই ইস্রায়েলর বেক গুট্টিগুনোর গোজেন ওম্, আর তারা মর্ মানুচ্ অবাক্।”

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

যোয়েল 2:32

রোক্ষ্যে পেবাত্তে যে কনজনে লগেপ্রভুরে ডাগিলে তে রোক্ষ্যে পেবঅ, কিত্যে লগেপ্রভুর কধা মজিম সিয়োন মুড়োবোত্ আর যিরূশালেমত্ কয়েক্কো মানুচ্ রোক্ষ্যে পেবাক্। গোজেনে যিগুনোরে বেঈ নেযেয়্যে তারা সেই রোক্ষ্যে পেইয়্যে মানুচ্চুনো ভিদিরে থেবাক্।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

প্রেরিত্‌ 3:26

তমা পত্তিজনরে ভান্ন্যেই পধত্তুন্ ফিরেইনে বর্ দিবাত্তে গোজেনে তা চাগর্ যীশুরে ঠিগ্ গুরিনে পত্তমে তমা ইধু পাধেয়্যে।”

তীত 2:14

যীশু খ্রীষ্ট আমাত্যে নিজো জিংকানিগান দিয়্যে, যেন বেক্‌ পাপ্‌পানিত্তুন আমারে উদ্ধোর্ গুরি পারে আর সিয়েন্দোই এমন্‌ এক দল মান্‌জ্যরে সিজি গুরি পারে যিগুনে বানা তা মানুচ্ অবাক্ আর যিগুনে অন্যগুনোরে উপকার গুরিবাত্যে আয়োজি অবাক্।