রোমীয় 11:17 - Chakma Bible

¹⁷ যুনি সেই জলপাই গাজর্ কুদুক্কুন্ ডেলা ভাঙি ফেলেইনে সেই জাগানত্ তঅ ধোক্ক্যেন্ ঝার্‌বো জলপাই গাজর্ ডেলা জড়া দিয়্যে অয় আর তুই আজল্ জলপাই গাজর্ গড়াত্তুন্ রচ্‌ টানি লচ্,

রোমীয় 11:17 ပူးပေါင်းရင်းမြစ်များ

গীতসংহিতা 52:8

মাত্তর্ মুই গোজেনর ঘরত্ দাঙর্ ওইয়্যে জলপাই গাজ ধোক্ক্যেন্; মুই নিত্য গোজেনর গভিন্ কোচ্‌পানা উগুরে নির্ভর গুরি থাং।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিশাইয় 6:13

যুনি দেজ ভিদিরে দশভাগর্ একভাগ্ মানুচ্‌‌‌‌‌‌অ থান্, তো তারারে পুড়ি ফেলা অবঅ। মাত্তর্ এলোন গাজ্ কাবি ফেলেলেয়ো যেধোক্ক্যেন্ তা গুড়িগানি থায়, সেধোক্ক্যেন্ গুড়ি ইজেবে দেজত্ পবিত্র বীজ ধোক্ক্যেন্ কয়েক্কো মানুচ্ থেবাক্।”

যিরমিয় 11:16

লগেপ্রভু এ জাদ্‌‍‍‌‌তোরে গুলোগুলিয়ে ভরা দোল্ এক্কো জলপাই গাজ বিলি ডাক্যে। মাত্তর্ জদবদে ঝড়র গুজুরোনিয়ে তে সিয়েনত্ আগুন ধোরেই দিবো আর সিয়েনত্ তা ডেলাগুন ভাঙি পড়িবাক্।

যোনা 1:16

সেক্কে সে মানুচ্চুনে লগেপ্রভুরে অমকদ দরা ধুরিলাক্। তারা লগেপ্রভুর নাঙে য়েমান উৎসর্ব গুরিলাক্ আর তাইদু কয়েক্কান মানত্ গুরিলাক্।

সখরিয় 4:3

সেই চেরাগ টগ ইধু আগেদে দ্বিবে জলপাই গাজ্, ডেনেদি এক্কো আর বাঙেদি আর এক্কো।”

মথি লেখ্যে গম্ হবর্ 21:43

ইয়েনত্তে তমারে কঙর্, গোজেন রেজ্যগান্ তমাত্তুন্ নেযা অবঅ আর এমন্ মানুচ্চুনোরে দিয়্যে অবঅ যিগুনো জিংকানিত্ সেই রেজ্যর্ যগাজ্যে ফল দেগা যেবঅ।

যোহন 15:1

মুয়ই আজল্ আংগুর্ গাজ্ আর মঅ বাপ্পো গিরোজ্।

যোহন 15:2

মর্ যিদুক্কুন্ ডেলাত্ গুলো ন-ধরন্ সিগুন তে কাবি ফেলায়, আর যিদুক্কুন্ ডেলাত্ গুলো ধরন্ সিগুন তে ছাজিনে সাব্ গরে যেন আরঅ ভালোক্কুন্ গুলো ধুরি পারন্।

যোহন 15:6

যুনি কেঅ মঅ সমারে ন-থায় সালে কাপ্প্যে ডেলা ধোক্ক্যেন্ তারে বারেদি ফেলেই দিয়্যে অয় আর সিবে শুগেই যায়। সেক্কে সেই ডেলাগুন্ কুড়েইনে আগুনোত্ ফেলে দিয়্যে অয় আর সিগুন পুড়ি যান্।

প্রেরিত্‌ 2:39

তমাত্যে, তমা পুয়ো-ছাগুনোত্যে আর যিগুনে দূরোত্ আঘন্, এক কধায় আমা প্রভু গোজেনে তা নিজোর্ মানুচ্‌ অবাত্যে যিগুনোরে ডাগিবো, তারা বেক্কুনোত্ত্যে এ উগুমান গরা ওইয়্যে।”

রোমীয় 11:24

আজলে তুই এক্কো ঝার্‌বো জলপাই গাজর্ ডেলা এলে, আর সেই গাজ্‌চোত্তুন্ তরে কাবি লোইনে বাগান জলপাই গাজত্ এনেবাদে জড়া দিয়্যে ওইয়্যে। সালে যিগুনে সেই গাজ্‌চোর্ আজল্ ডেলা এলাক্, কত্তমান্ সহজে তারারে নিজো গাজ ইধু আরঅ জড়া দিয়্যে অবঅ।

গালাতীয় 2:15

আমি যিহূদী, পাপী অযিহূদী ওইনে ন-জোর্মেই।

ইফিষীয় 3:6

সেই গুমুরো উদ্দেচ্চ্যগান অলঅ ইয়েন-গম্ হবরর্ মাধ্যমে অযিহূদীগুনে খ্রীষ্ট যীশু লগে এগত্তর্ ওইনে যিহূদীগুনো লগে একই সুযোগর্ অধিকারি অবাক্, একই কিয়্যে ধোক্ক্যেন অবাক্, আর একই এগেম্ গোজ্জ্যে আশিদ্‌বাদর্ ভাগী অবাক্।

দ্বি’লম্বর বিররণ 8:8

সিদু আগেদে নানান্‌ বাবোত্যে গম আর কেচবিজি, আংগুর আর ডোমোর্‌ গাজ্‌ আর ডালুম, জলপাইয়র তেল আর মধু।

কলসীয় 2:13

তুমি দঅ পাপর ফলে আর চুনু মাঢা-ন-কাবানার ফলে মরা এলা, মাত্তর্ গোজেনে তমারে খ্রীষ্টর্ লগে জেদা গোজ্জ্যে।

ফগদাং পেইয়্যে 11:4

সেই দ্বিজন সাক্ষী অলাক্ দ্বিবে জলপাই গাজ্ আর দ্বিবে চেরাগ টগ্, যিগুনে পিত্‌থিমীর প্রভুর মুজুঙোত্ থিয়্যেই আঘন।