রোমীয় 11:14 - Chakma Bible

¹⁴ ইয়েন্দোই যেন মুই মঅ নিজো জাদর্ মানুচ্চুনোরে আওজ্ জাগেইনে তারাত্তুন্ কয়েক্কো মান্‌জ্যরে উদ্ধোর্ গুরি পারং।

রোমীয় 11:14 ပူးပေါင်းရင်းမြစ်များ

পত্থম 29:14

লাবনে তারে কলঅ, “ঘেচ্চেকগুরি আমা কিয়্যেনিত্‌ একই লো আঘে।” ইয়েন পরেদি যাকোবে লাবন ঘরত্‌ এক মাস্‌ কাদেল।

২ শমূয়েল 19:12

তুমি দঅ তা ভেই, তার্ নিজোর এক য়েরা। সালে রাজারে ফিরেই আনদে কিত্তেই তুমি পিজেন্দি পড়ি রোইয়ো?

রোমীয় 10:19

মুই আরঅ কং, ইস্রায়েলীয়গুনে কি সেই কধানি ন-বুঝোন্? পত্তমে মোশির্ মাধ্যমে গোজেনে কোইয়্যেদে, “যে জাদ্‌‌তো কনঅ জাদ্ নয়, সেই জাদ্‌‌তোরে দিইনে মুই তঅ আওজ্‌‌চান জাগেই তুলিম; এক্কো অবুঝ জাদরে দিইনে তরে রাগ্ তুলি দিম্।”

রোমীয় 11:11

সালে যিহূদীগুনে উজোট্ খেইনে কি জনমত্তে পড়ি গেলাক্? নিচ্চোই নয়, মাত্তর্ তারার্ পাপত্যে অযিহূদীগুনে উদ্ধোর্ পেবার্ জু পেলাক্ যেন যিহূদীগুনে আয়োজে জাগি উদোন্।

রোমীয় 9:3

মঅ ভেইয়ুনো বদলে, অত্তাৎ যিগুনে মঅ জাদর্ মানুচ্‌ তারার্ বদলে যুনি সম্ভব অদঅ সালে মুই নিজেই খ্রীষ্ট কায়-কুরেত্তুন দূর্ ওই যেবার্ অভিশাব্ মানি লোদুং।

১ করিন্হীয় 1:21

গোজেনে তার্ নিজোর্ জ্ঞানে থির্ গোজ্জ্যে বিলিনে জগদ্‌তানে তার্ নিজো জ্ঞান্দোই গোজেনরে হবর্ ন-পায়। ইয়েনত্তে গম্ হবরর্ মূর্খতালোই পাপত্তুন্ বিশ্বেজিগুনোরে উদ্ধোর্ গরানা গোজেনে গম্ বিলি মনে গুরিলো।

১ করিন্হীয় 7:16

মিলেবো, তুই কেধোক্ক্যেন গুরি কোই পারচ্ যে, তঅ নেক্কোরে তুই উদ্ধোর্ গুরি ন-পারিবে? মরত্তো, তুই কেধোক্ক্যেন গুরি কোই পারচ্ যে, তঅ মোক্কোরে তুই উদ্ধোর্ গুরি ন-পারিবে?

১ তীমথিয় 1:15

এ কধাগান বিশ্বেজ্‌বলা আর পুরোপুরি গুরিনে মানি লবার্‌অ যগাজ্জ্যে যে, পাপত্তুন্ পাপীগুনোরে উদ্ধোর্ গুরিবাত্যে খ্রীষ্ট যীশু জগদত্ এচ্চ্যে।

১ তীমথিয় 2:4

তে চায় যেন বেক্কুনে পাপত্তুন্ উদ্ধোর্ পান আর খ্রীষ্ট পৌইদ্যেনে সত্যগানরে মূড়োত্ পুরিনে বুঝি পারন্।

১ তীমথিয় 4:16

তর্ নিজো পৌইদ্যেনে আর তর্ শিক্ষ্যে পৌইদ্যেনে উজিয়ার্ থাক্। ইয়েনি গরানাত্ থাক্, কিয়া সেক্কে তুই নিজোরে রোক্ষ্যে গুরি পারিবে আর যিগুনে তঅ কধা শুনিবাক্ তারারেয়ো রোক্ষ্যে গুরি পারিবে।

২ তীমথিয় 1:9

গোজেনে আমারে পাপত্তুন্ উদ্ধোর্ গোজ্জ্যে আর পবিত্র গুরি জিংকানি কাদেবাত্যে ডাক্ক্যে। আমার কনঅ কামত্যে তে সিয়েন ন-গরে, বরং তার্ উদ্দেচ্য আর দোয়্যের্ কারনে গোজ্জ্যে। জগদ্ সৃট্টি অবার আগে খ্রীষ্ট যীশুরে দিইনে তে তার্ দোয়্যে আমারে দান গোজ্জ্যে,

২ তীমথিয় 2:10

সেনত্যে গোজেনে যিগুনোরে বেঈ লোইয়্যে সিগুনোত্যে মুই বেক্কানি সোজ্জ্য গরঙর্, যেন তারায়ো খ্রীষ্ট যীশুলোই পাপত্তুন্ উদ্ধোর পান্ আর উমরর্ মহিমা লাভ গরন।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

ফিলীমন 1:12

যা ওক্‌, মুই তারে তইধু ফিরেইনে পাধাঙর্; তে মর্ পরাণ ধোক্ক্যেন কোচ্‌পেইয়্যে।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 2:3

সালে পাপত্তুন্ উদ্ধোর্ পেবাত্যে গোজেনে ইয়েন যে দাঙর্ বেবস্থা গোজ্জ্যে সিয়েন যুনি আমি য়েলাফেলা গুরিই সালে কেধোক্ক্যেন গুরিনে আমি উদ্ধোর্ পেবং? পাপত্তুন্ উদ্ধোর পেবার কধা পত্তমে প্রভু যীশুই কোইয়্যে আর যিগুনে সিয়েনি শুন্ন্যন্ তারা আমা ইধু সেই উদ্ধোরর্ সত্যগান প্রমাণ গুরি দেগেয়োন।

যাকোব 5:20

মাত্তর্ এ কধাগান ইদোত্ রাগেয়ো-যুনি কেঅ এক্কো পাপীরে ভুল্ পধত্তুন্ ফিরেই আনে সালে তে তারে মরণত্তুন্ বাজেল আর বোউত্ পাপ নাঢি রাগায়।