রোমীয় 10:20 - Chakma Bible

²⁰ সে পরেদি যিশাইয়র্ মাধ্যমে গোজেনে আরঅ জোর্ গুরিনে কোইয়্যেদে, “মুই তারা ইধু এলুং, মাত্তর্ তারা কনঅ সাহায্যত্তে মইধু ন-এজন্। মুই এ মানুচ্চুনোরে মইধু কোজোলী গুরিবার্ সুযোগ্ দুয়োং, মাত্তর্ তারা মইধু কনঅ কোজোলী ন-জানান্।”

রোমীয় 10:20 ပူးပေါင်းရင်းမြစ်များ

গম্ উপদেজ্ 28:1

কনজনে ন-লোড়েলেয়ো পাজি মান্‌‌জ্যে ধেই যান, মাত্তর্ গোজেন ভক্ত মান্‌‌জ্যে সিংহ ধোক্ক্যেন্ ন-দোরেয়্যেগুরি বজত্তি গরে।

যিশাইয় 49:6

তে কোইয়্যেদে, “বানা যাকোবর্ বংশবোরে উদ্ধোর্ গুরিবাত্তে আর ইস্রায়েলর বাঁজি থেইয়্যে মানুচ্চুনোরে ফিরেই আনিবাত্তে যে তুই মর্ চাগর্ অবে সিয়েন নয়; সিয়েন খুব সামান্য বেপার। ইয়েন বাদেয়ো মুই অন্য জাদ্‌তুনো ইদু তরে পহ্‌‍‍‍র ধোক্ক্যেন গুরিম যেন তঅ মাধ্যমে সংসারর বেগ্ মানুচ্চুনে পাপত্তুন্ উদ্ধোর পান‍।”

যিশাইয় 52:15

মাত্তর্ পরেদি তে ভালোক্ জাদর মান্‌জ্যরে শুজি গুরিবো, আর সেনত্তে রাজাগুনে মুয়োনি নাঢি রাগেবাক্, কিত্তে যিয়েনি তারারে কুয়ো ন-অয় সিয়েনি তারা দেগিবাক্, আর যিয়েনি তারা ন-শুনোন্ সিয়েনি তারা বুঝিবাক্।”

যিশাইয় 58:1

লগেপ্রভু কত্তে, দাঙর্ দাঙর্ গুরি রঅ ছাড়অ, বেক্ বলান্দোই রঅ ছাড়অ; শিংগা রঅ ধোক্ক্যেন দাঙর্ দাঙর্ গুরি রঅ ছাড়অ। মঅ মানুচ্চুনো ইদু তারার্ অন্যেয়র্ কধানি আর যাকোবর্ বংশগুনো ইদু তারার্ পাপ কধানি জানঅ।

মথি লেখ্যে গম্ হবর্ 20:16

কিত্ত্যবোর্ শেজদি যীশু কলঅ, “সেনত্যে যিগুনে বেগ যেরেদি আগন্ তারা পত্তম্ অবাক্, আর পত্তমে যিগুনে তারা বেগ যেরেদি পড়িবাক্।”

লূকে লেখ্যে গম্ হবর্ 14:23

সেক্কে গিরোজ্‌সো চাগর্‌বোরে কলঅ, ‘শঅরর্ বারেদি পধে পধে আর গলিয়ে গলিয়ে যাহ্ আহ্ ইধু এবাত্যে মানুচ্চুনোরে জোর্ গর্, যেন মঅ ঘরান্ ভুরি যায়।

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 9:30

সালে আমি এ কধাগান্ কবংগে, অযিহূদীগুনে যুনিয়ো গোজেনর্ যগাজ্যে অবার্ চেট্ট্যায়ো ন-গরন্ তো তারার্ বিশ্বেজর্ মাধ্যমে তারা গোজেনর্ যগাজ্যে ওইয়োন্।

রোমীয় 9:31

মাত্তর্ ইস্রায়েলীয়গুনে রীদি-সুদোম পালানার্ মাধ্যমে গোজেনর্ যগাজ্যে অবার্ চেট্ট্যা গোজ্জ্যন্, মাত্তর্ তারা সিয়েন ওই ন-পারন্।

১ যোহন 4:19

তে পত্তমে আমারে কোচ্‌পেইয়্যে বিলিনে আমি কোচ্‌পেই।