রোমীয় 10:17 - Chakma Bible

¹⁷ সালে দেগা যায়, গোজেনর্ কধানি শুনোনার্ পরেদি বিশ্বেজ্ এজে, আর যীশু খ্রীষ্ট পৌইদ্যেনে প্রচারর্ মাধ্যমে সেই কধানি শুনিবাত্তে পাহ্ যায়।

রোমীয় 10:17 ပူးပေါင်းရင်းမြစ်များ

ইয়োব 42:5

আগেদি মঅ কানানে তঅ পৌইদ্যেনে শুন্যে, মাত্তর্ ইক্কিনে মঅ চোখকুনে তরে দেগিলাক্।

মার্ক 4:24

ইয়েনর্ পরেদি যীশু কলঅ, “তুমি যিয়েনি শুন্ন্য সে পৌইদ্যেনে মনযোগ্ দুয়ো। তুমি যেবাবোত্যেগুরি মাবি দুয়ো তমাত্তে সেবাবোত্যেগুরি মাবা অবঅ; এমন্ কি, বেশ্ গুরি মাবা অবঅ।

লূকে লেখ্যে গম্ হবর্ 11:28

মাত্তর্ যীশু কলঅ, “ইয়েনত্তুন্ বেশ্ বরং তারা বর্‌পেইয়্যে যিগুনে গোজেনর্ কধা শুনোন্ আর সেবাবোত্যেগুরি কাম্ গরন্।”

লূকে লেখ্যে গম্ হবর্ 8:11

হিত্ত্যেবোর্ অত্তগান্ ইয়েন: বীজ্ অলঅ গোজেনর্ কধা।

লূকে লেখ্যে গম্ হবর্ 8:21

যীশু বেক্ মানুচ্চুনোরে কলঅ, “যিগুনে গোজেনর্ কধা শুনিনে সেবাবোত্যেগুরি পালান্ তারা মর্ মা আর ভেই।”

যোহন 1:37

যোহনরে এ কধাগান্ কধে শুনিনে সে দ্বিজন্ শিচ্চ্য যীশুর্ পিজে পিজে যাহ্ ধুরিলাক্।

রোমীয় 1:16

যীশু খ্রীষ্ট পৌইদ্যেনে এই যে গম্ হবর্ সিয়েনত্ মর্ কনঅ লাজ নেই, কিত্যেই এ গম্ হবরানই অলঅ গোজেনর্ খেমতা যিবের্ মাধ্যমে তে বেক্ বিশ্বেজি গুনোরে পাপত্তুন্ উদ্ধোর্ গরে-পত্তমে যিহূদীগুনোরে, সে পরেদি অযিহূদীগুনোরে।

রোমীয় 10:14

মাত্তর্ যিবে উগুরে তারা বিশ্বেজ্ ন-গরন্ তারে কেধোক্ক্যেন্ গুরি ডাগিবাক্? যিবে পৌইদ্যেনে তারা ন-শুনোন্ তা উগুরে কেধোক্ক্যেন গুরিনে বিশ্বেজ্ গুরিবাক্? প্রচারক ন-থেলে তারা কেধোক্ক্যেন্ গুরিনে শুনিবাক্?

২ করিন্হীয় 2:17

নিজোর্ লাভত্যে যিগুনে গোজেনর্ কধালোই বেবসা গরন্ আমি সেবাবোত্যে মানুচ্চুনো ধোক্ক্যেন নয়; বরং খ্রীষ্ট সমারে মিজেইনে গোজেন মুজুঙোত্ গোজেনর্ পাদেয়্যে মানুচ্ ইজেবে আমি খাটি রিবেঙত্তুন্ কধা কোই।

গালাতীয় 3:2

মুই বানা তমাত্তুন্ জানিবাত্যে চাং, তুমি রীতি-সুদোম্ পালেইনে কি পবিত্র আত্মারে পেইয়ো, না গম হবর্ শুনিনে বিশ্বেজ্ গুরিনে পেইয়ো?

গালাতীয় 3:5

গোজেনে কিত্যে তমারে পবিত্র আত্মা দিয়্যে আর তমা ইধু এদক্ আমক্ অবার কাম্ গোজ্জ্যে সিয়েন ভাবি চঅ। তুমি রীতি-সুদোম্ পালর্ বিলিনে কি তে ইয়েনি বেক্কানি গোজ্জ্যে, নাহি গম্ হবর্ শুনিনে বিশ্বেজ্ গোজ্জ্য বিলিনে গোজ্জ্যে?

কলসীয় 3:16

গোজেনর্ কধানিরে তুমি রিবেঙত্ গমেডালে বজত্তি গুরিবাত্যে দুয়ো। গোজেনর্ দিয়্যে জ্ঞানে একজন আরেকজনরে শিক্ষ্যে আর সল্লা দুয়ো আহ্ রিবেঙদি কৃতজ্ঞতার্ লগে গোজেন নাঙে গীতসংহিতার গীদ্ আর আত্মিক আহ্ বাঈনী গুরিবার গীদ্ গঅ।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

ইব্রীয় 4:2

ইস্রায়েলীগুনো ইধু যেধোক্ক্যেন গম হবর্ ফগদাং গরা ওইয়্যে সেধোক্ক্যেন গুরি আমা ইধুয়ো গরা ওইয়্যে। মাত্তর্ সেই গম হবরত্ ইস্রায়েলীগুনোর্ কনঅ লাভ ন অয়, কিয়া তারা সিয়েনি শুনিনে বিশ্বেজ্ ন-গরন।

১ পিতর 1:23

যে বীজ্ ভস্ত ওই যায় এমন কনঅ বীজত্তুন্ তমার নুয়ো জর্ম ন-অয়, বরং যে বীজ্ কনদিন্অ ভস্ত ন-অয় সিয়োত্তুন্ তমার জর্ম ওইয়্যে। সেই বীজ্ অলঅ গোজেনর্ জেদা আর উমর কধা।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।