রোমীয় 1:23 - Chakma Bible

²³ উমর জিংকানিবর্, মহিমাবলা গোজেনর্ উবোসনা ছাড়িনে তারা খানক্কোন্যে মানুচ্, পেগ্, য়েমান আর বুগেদি-আঢি বেড়েইয়্যেগুনোরে মূত্তি পূজো গত্তন্।

রোমীয় 1:23 ပူးပေါင်းရင်းမြစ်များ

গীতসংহিতা 106:20

তারার্ বাঈনীবলা গোজেনরে ফেলেইনে তারা ঘাস হেইয়্যে গোরুর মূত্তিবোরে মানি নেযেলাক্।

যিশাইয় 40:18

মাত্তর্ কা সমারে তুমি গোজেনর্ তুলনা গুরিবে? তুলনা গুরিবে কিয়োর্ লগে?

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 44:13

গাজ মিস্ত্রী সুদোলোই মাবে আর কলম্বোই নক্‌শা বানাই; তে মিশিন্দোই কাবিনে বানায় আর কমপাস্‌ছোই সিয়েন সাইজ্‌চান ঠিগ্ গরে। তে সিয়েনত্ এক্কো দোল্ মান্‌জ্য সাইজ দে যেন সিবে ঘর ভিদিরে রাগেই পারে।

যিরমিয় 2:11

যুনিয়ো জাদ্‌‍‍তুনোর দেব-দেবেদাগুনে গোজেন নয় তো কনঅ জাদে নিজোর্ দেব-দেবেদাগুনোর পরিবত্তন্ ন-গরন; মাত্তর্ মঅ মানুচ্চুনে তারার বাঈনী গরেদে গোজেনর বদলে অপদাত্ত দেবেদাগুনোরে মানি লোইয়োন্। ‍

যিহিষ্কেল 8:10

সেনত্তে মুই ভিদিরে যেইনে রিনি চেলুং আর দেবালর্ বেক্ জাগানিত্ নানান্ বাবোত্যে বুগেদি-আঢি বেড়েয়্যে প্রাণি আর অসিজি এ্যামানর চেঙেরা আর ইস্রায়েলীয়গুনোর বেক মূত্তির চেঙারানি খোদাই গরা আগেদে দেগিলুং।

প্রেরিত্‌ 10:12

সেই কাবড়ান ভিদিরে আঘে নানান্ বাবোত্ত্যে য়েমান্, বুগ্‌‌কোই আঢি বেড়েইয়্যে প্রাণি আর পেগ্।

প্রেরিত্‌ 17:29

সালে আমি যেক্কে গোজেনর্ পুয়ো সেক্কে গোজেনরে মান্‌জ্য আঢ্‌তোই আর চিন্তেশক্তিলোই বানেয়্যে সনা, রূবো বা পাত্তর মূত্তি মনে গরানা আমার্ উচিত্ নয়।

রোমীয় 1:25

গোজেনর্ সত্যগানরে ফেলেইনে তারা মিজেগানরে মানি লোইয়োন। গোজেনরে বাদ দিইনে তার্ বানেয়্যে জিনিজোর্ পূজো গোজ্যন, মাত্তর্ বেক্ বাঈনী পানা জিংকানিবর্ সেই গোজেনর্। আমেন।

১ করিন্হীয় 12:2

তুমি কোই পারঅ, যেক্কে তুমি গোজেনর্ উবোসনা ন-গুরিদা সেক্কে এমন মূত্তিগুনো ইন্দি তমারে টানি নেযা অদঅ যিগুনে কধা কোই ন-পারন্।

দ্বি’লম্বর বিররণ 5:8

পূজোর্‌ নাঙে তুমি কনঅ মূত্তি ন-বানেবা, সিবে আগাজর্‌ কনঅ কিজু ধোক্ক্যেন ওক্‌ বা মাদি উগুরে কনঅ কিজু ধোক্ক্যেন ওক্‌ বা পানি উগুরে কনঅ কিজু ধোক্ক্যেন ওক্‌।

১ পিতর 4:3

যিগুনে গোজেনরে ন-জানন্ তারা ধোক্ক্যেন তুমিয়ো আগে পর্‌‌পাগোল্যে ওইনে, ভান্ন্যেই কামনা-বাসনালোই থেইনে, মাত্তল্ গুরিনে, হৈ-হল্লা গুরি মদ খেইনে আর হানা-দানা গুরি আর জঘন্য মুত্তি-পূজো গুরিনে বোউত্ সময় কাদেয়ো।

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।