রোমীয় 1:22 - Chakma Bible

²² যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

রোমীয় 1:22 ပူးပေါင်းရင်းမြစ်များ

গম্ উপদেজ্ 25:14

যে মানুচ্চো দান গুরিবার পৌইদ্যেনে দাঙর্ দাঙর্ কধা কয় অদচ্ সিয়েন ন-গরে, তে এমন্ হুয়ো আর বোইয়্যের ধোক্ক্যেন যিয়েন সমারে কনঅ ঝড় ন-এজে।

গম্ উপদেজ্ 26:12

তুই কি এমন্ মান্‌জ্যরে দেখ্যচ্ যে তার নিজো চোগেদি জ্ঞানী? তাত্তুন্ বরং বিবেচনা নেইয়্যেবো পৌইদ্যেনে আজা আঘে।

যিশাইয় 44:20

তে ছেই হাইদ্যে ধোক্ক্যেন গুরি কাম্ গরে আর তার ঠগাইদ্যে মনানে তারে দজাত্ ফেলায়। তে নিজোরে উদ্ধোর্ গুরি ন-পারে বা নয়ো কয়, “মঅ ডেন্ আঢর্ এ জিনিস্‌‍‍ছান কি মিজে নয়?”

যিশাইয় 47:10

তর্ সেই পাজিগান উগুরে তুই বিশ্বেজ্ গরর্ আর কোইয়োচ্চ্যে, কনজনে মরে ন-দেগদন্। তর্ জ্ঞান আর বুদ্ধিগানে তরে ভান্ন্যেই পধেদি নেযেয়্যে; তুই মনে মনে কোইয়োচ্চ্যে, বানা মুয়ই আগং, মুই বাদে আর কনজন নেই।

যিরমিয় 10:14

বেক্ মানুচ্চুন জ্ঞান নেইয়্যে আর ভুল্; পত্তি সনাবান্যে তা মূত্তিগুনোত্তে লাজ্ পায়। তার ছাজনিলোই ঢাল্যে মূত্তিগুন মিজে, সিগুনো ভিদিরে নিজেস্ নেই।

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

মথি লেখ্যে গম্ হবর্ 6:23

মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

রোমীয় 11:25

ভেইলগ্, তুমি যেন নিজোরে জ্ঞানী মনে ন-গরঅ সেনত্তে মুই এক্কান গুমুরো সত্য তমারে জানেই রাগেবাত্তে চাং। সেই সত্যগান্ ইয়েন-অযিহূদীগুনোরে গুণীনে ন-পুরোনা সং বেচ্‌ ভাগ্ ইস্রায়েলীগুনোর মনানি দরমর ওই থেবঅ।