রোমীয় 1:17 - Chakma Bible

¹⁷ গোজেনে কেধোক্ক্যেন্ গুরি মান্‌জ্যরে নিদ্দুজি বিলিনে মানি লয় সে কধাগান্ এ গম্ হবর্ ভিদিরে ফগদাং গরা ওইয়্যে। পৌইল্যাত্তুন্ ধুরি থুম্ সং বানা বিশ্বেজর্ মাধ্যমে মান্‌জ্যরে নিদ্দুজি বিলিনে মানি লুয়ো অয়। পবিত্র বোইবোত্ লেগা আঘে, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।”

রোমীয় 1:17 ပူးပေါင်းရင်းမြစ်များ

যিহিষ্কেল 18:9

তে মর্ সুদোম্ মজিম চলে আর বিশ্বেজ্ গুরিনে মর্ সুদোমানি পালায়। এ মানুচ্চো ঘেচ্চেকগুরি গম্; তে হামাক্কায় বাঁজিবো। মুই প্রভু লগেপ্রভু এ কধাগান কঙর্।

হবক্‌‌‌‌কূক 2:4

বাড়্‌‌‌‌বো গুরিয়্যে বাবিলান্ গম্ নয়, মাত্তর্ যিবেরে নিদ্দুজি বিলিনে মানি লুয়ো অর্ তে তার বিশ্বেজ্‌‌‌চান্দোই বাঁজি থেবঅ।

গণাণা 21:9

সেক্কে মোশি এক্কো পিদোলর সাপ বানেইনে এক্কো তুনি উগুরে থলঅ। কাররে সাপে কামেড়েলে তে উই পিদোলর্ সাপ্পোন্দি রিনি চেদঅ আর সেক্কে তে বাঁজিদো।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।

রোমীয় 3:21

গোজেনে মান্‌জ্যরে ইক্কিনে রীদি-সুদোম বাদে কেধোক্ক্যেন্ গুরি নিদ্দুজি বিলি মানি লোইয়্যে সিয়েন ফগদাং ওইয়্যে। মোশির রীদি-সুদোম আর ভাববাদীগুনে সে পৌইদ্যেনে সাক্ষ্য দি যেইয়োন।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

রোমীয় 3:3

খালিক্ তারাত্তুন্ কয়েক্কো মানুচ্‌ অবিশ্বেজি ওইয়োন্, মাত্তর্ সিয়েন্দোই কি অবঅ? তারা অবিশ্বেজি ওইয়োন্ বিলি কি গোজেনেয়ো অবিশ্বেজি অবঅ?

রোমীয় 9:30

সালে আমি এ কধাগান্ কবংগে, অযিহূদীগুনে যুনিয়ো গোজেনর্ যগাজ্যে অবার্ চেট্ট্যায়ো ন-গরন্ তো তারার্ বিশ্বেজর্ মাধ্যমে তারা গোজেনর্ যগাজ্যে ওইয়োন্।

২ করিন্হীয় 3:9

যে বেবস্থাগান্দোই মান্‌জ্যরে দুষী বিলিনে থির্ গরা অয় তার্ কামান যুনি এদক্ মহিমাভরা, মাত্তর্ যে বেবস্থাগান্দোই মান্‌জ্যরে নিদ্দুজি বিলিনে মানি লুয়ো অয় তার্ কামান্ আরঅ কত্তমান্ বেশ্ মহিমাভরা!

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।

গালাতীয় 3:11

সিয়েন বাদে ইয়েন্অ গমেদালে দেগা যাত্তে যে, রীতি-সুদোম্ পালেবাত্যে গোজেনে কাররে নিদ্দুজি বিলিনে মানি ন-লয়, কিয়া পবিত্র বোইবোর্ কধামজিম, “যিবেরে নিদ্দুজি বিলিনে মানি লুয়ো অয় তে বিশ্বেজর্ মাধ্যমে জিংকানি পেবঅ।” বিশ্বেজ্ লগে রীতি-সুদোমর্ কনঅ মিল্ নেই।

ইব্রীয় 10:38

আর যে মানুচ্চোরে মুই নিদ্দুজি বিলিনে মানি লোইয়োং তে বিশ্বেজর্ মাধ্যমে জিংকানি পেবঅ; মাত্তর্ কেঅ যুনি ফিরি যায় সালে তা উগুরে মুই হুজি ন-ওম্।”