রোমীয় 1:10 - Chakma Bible

¹⁰ মর্ তবনাগান ইয়েন্, গোজেনর্ আয়োজে মুই যেন এবারত্ কনঅ বাবদে তমা ইধু যেই পারং।

রোমীয় 1:10 ပူးပေါင်းရင်းမြစ်များ

প্রেরিত্‌ 18:21

সালে সিয়োত্তুন যেবার্ অক্তত্ তে কলঅ, গোজেনর্ আওজ্ অলে মুই আরঅ ফিরি এইম্। সে পরেদি তে ইফিষত্তুন্ জাহাজত্ গুরি লদ্ দিলো।

প্রেরিত্‌ 19:21

এ বেক্কানি ঘুদিবার পরেদি পৌলে ঠিগ্ গুরিলো তে ম্যাসিডোনিয়া আর আখায়া ওইনে যিরূশালেমত্ যেবঅ। তে কলঅ, “যিরূশালেমত্ যেবার্ পরেদি মত্তুন্ রোম শঅরত্অ যাহ্ পরিবো।”

প্রেরিত্‌ 21:14

তারে থামেই ন-পারিনে আমি জুরো অলং আর যেরেদি কলং, “প্রভুর্ আওজ্ মজিম্ ওক্‌।”

রোমীয় 15:29

মুই কোই পারং যেক্কে মুই তমা ইধু যেম্ সেক্কে খ্রীষ্টর্ পুরোপুরি আশিদ্‌বাদ লোইনে যেম্।

১ করিন্হীয় 1:1

গোজেনর্ আওজে তার্ ভাত্যেনালোই মুই পৌল যীশু খ্রীষ্টর্ এক্কো প্রচারক্ ওইয়োং। মুই আর ভেই সোস্থিনি করিন্থ শঅরর্ গোজেন মন্ডলীর্ মানুচ্চুনো ইধু, অত্তাৎ তমা ইধু লেগঙর্। খ্রীষ্ট যীশু সমারে মিজেনার্ মাধ্যমে গোজেনে তা নিজোর্ নাঙে তমারে যুদো গুরি রাগেয়্যে আর তা নিজো মানুচ্ অবাত্তে ডাক্ক্যে। তমা ইধু আর অন্য বেক্‌ জাগানিত্ যিগুনে আমা প্রভু যীশু খ্রীষ্টরে প্রভু বিলিনে স্বিগের্ গরন্ তারা ইধু আমি এ চিধিগান্ লিগির্। তে তারার্-অ প্রভু, আমার্-অ প্রভু।

১ করিন্হীয় 4:19

মাত্তর্ প্রভুর আওজ্ অলে মুই সবরে তমা ইধু এম্। যিগুনে দেমাগে ফুলি উত্ত্যন্ তারার কধাবাত্তানি শুনিবাত্যে ন-এম্, মাত্তর্ তারার্ খেমতাগান কত্তমান সিয়েন চেবাত্যে এম্।

ফিলিপীয় 4:6

কনঅ বেপার্‌লোই চিন্তিত ন-ওইয়ো, বরং তমার বেক্‌ মাগানার্ বেপারানি ভালেদি জানেইনে গোজেনরে জানঅ।

১ থিষলনীকীয় 2:18

সেনত্যে আমি, বিশেষ গুরিনে মুই পৌল ভালোক্ বার্ তমা ইধু এবাত্যে চেইয়োং, মাত্তর্ শদানে আমারে মানা গোজ্জ্যে।

ফিলীমন 1:22

আর এক্কান কধা কঙর্-গর্‌বাগুনো ঘরান মত্যে যুক্কোল্ থঅ, কিয়া মুই আজা গরঙ্ যে, তমা তবনা গরানার ফলে মরে তমা ইধু ফিরেই দিয়্যে অবঅ।

ইব্রীয় 13:19

মাত্তর্ মুই তমারে বিশেষ গুরি তবনা গুরিবাত্যে কোজোলি গরঙর্, যেন মুই আরঅ যাদিমাদি তমা সমারে এগত্তর্ ওই পারং।

যাকোব 4:15

তাত্তুন্ বরং তমার এ কধাগান্ কনা উজিত্, “প্রভু যুনি আওজ্ গরে সালে আমি বাঁজি থেবং আর ইয়েন বা উবোন্ গুরিবোং।”