ফগদাং পেইয়্যে 9:17 - Chakma Bible

¹⁷ জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।

ফগদাং পেইয়্যে 9:17 ပူးပေါင်းရင်းမြစ်များ

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

১ বংশধর 12:8

গাদীয়গুনোর্‌ কিজু মানুচ্‌ নিজো দল্ ছাড়িনে ধূল্যেচর-চাগালাত্‌ তাম্বুলো ধোক্ক্যেন জাগানত্‌ দায়ূদো ইদু এচ্ছ্যন্‌। তারা এলাক্‌ যুদ্ধোর্‌ শিক্ষ্যে-পেইয়্যে বোলী যোদ্ধা। তারা ঢাল আর সেল্‌ মারানা জানিদাক্‌। তারা মুয়োনি সিংহ ধোক্ক্যেন দর্‌গরেপারা এলঅ আর মুড়ো উরিঙো ধোক্ক্যেন তারা জদবদে দাবা দি পারিদাক্‌।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিহিষ্কেল 33:22

মানুচ্চো লুমিবার আগেদি সাজোন্যে অক্তত্ লগেপ্রভুর আঢ্‌‌‌‌‌‌‌‌তানি মঅ উগুরে এলঅ আর বেন্যে অক্তত্ মানুচ্চো মইধু এবার্ আগেদি তে মর্ মুয়োন খুলি দিলো। সেনত্তে মুই কধা কুয়ো ধুরিলুং, আর অলর্ গুরি ন-রলুং।

দানিয়েল 8:2

সেই দর্শনানত্ মুই নিজোরে এলম রেজ্যর্ শূশন তাম্বুলোত্ দেগিলুং। সেই দর্শনান ভিদিরে মুই ঊলয় গাঙ পারত্ এলুং।

দানিয়েল 9:21

মুই সেক্কেয়ো তবনা গরঙর্ এমন সময়োত্ আগ দর্শনত্ মুই যিবেরে দেখ্যং সেই গাব্রিয়েল দূতে সাজোন্যে উৎসর্বর সময়োত্ জোরে উরিনে মইদু এলঅ।

ফগদাং পেইয়্যে 11:5

কেঅ যুনি তারারে ক্ষোতি গুরিবাত্যে চায় সালে তারার্ মুয়োত্তুন্ আগুন নিগিলিনে সেই শত্রুগুনোরে পুড়ি ফেলেবাক্। যে কেঅ তারারে ক্ষোতি গুরিবাত্যে চেবাক্ তারাত্তুন্ এবাবোত্যেগুরি মরা পড়িবো।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 21:20

পাচ্ লম্বরান সূর্যকান্তমণির, ছয় লম্বরান সার্দীয়মণির, সাত লম্বরান পোখরাজর, আস্‌তো লম্বরান বৈদুর্যমণির, নয় লম্বরান পীতমণির, দশ লম্বরান উপলের, এগার লম্বরান ফিরোজামণির আর বার লম্বরান পদ্মরাগর।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 9:18

আগুন, ধূমো আর গন্ধক-এই তিনেন্ আঘাত্‌তোই তিন ভাগর্ এক ভাগ মান্‌জ্যরে মারে ফেলা অলঅ।

ফগদাং পেইয়্যে 9:9

তারার্ বুগোত্ বুগ রোক্ষ্যে গুরিবার লুয়ো পজাক্ এলঅ। ভালোক্কুন ঘোড়া একসমারে যুদ্ধোর রথ্‌তানি টানিনে দাবা দিলে যেধোক্ক্যেন রঅ অয়, তারার্ ডুয়োগানির রঅগুন ঠিগ্ সেধোক্ক্যেন এলঅ।