ফগদাং পেইয়্যে 8:8 - Chakma Bible

⁸ ইয়েনর পরেদি দ্বি-লম্বর স্বর্গদূত্‌তো তা তুরীবো বাজেল। সেক্কে দাঙর্ জ্বোল্‌জোল্ল্যে মুড়ো ধোক্ক্যেন এক্কো জিনিচ্‌ সাগরত্ ফেলা অলঅ। সেক্কে সাগরর্ তিন ভাগর এক ভাগ পানি লো ওই গেলঅ,

ফগদাং পেইয়্যে 8:8 ပူးပေါင်းရင်းမြစ်များ

যিরমিয় 51:25

লগেপ্রভু কোইয়্যেদে, ও ভস্তগুরিয়্যে মুড়ো, তুই বেক্ পিত্‌‌‌থিমীগানর ভস্তগুরিয়্যে; মুই তঅ বিরুদ্ধে। মঅ আঢ্‌তান মুই তঅ বিরুদ্ধে বাবেইনে অজল্ মুড়োত্তুন্ তরে গোজ্যেই দিম আর তরে এক্কো পুড়ি যেইয়্যে মুড়ো বানেম্।

যিহিষ্কেল 14:9

“‘যুনি সেই ভাববাদীবো তারে কনঅ জোব্ দে সালে হবর্ পেবাদে যে, মুই লগেপ্রভু জোব্ দিবাত্তে তারে ভুলেয়োং। সে পরেদি সেই ভাববাদীবোর বিরুদ্ধে মুই আঢ্ বাবেম্ আর মঅ মানুচ্চো ইস্রায়েলীয়গুনো ভিদিরেত্তুন্ তারে ভস্ত গুরিম।

আমোষ 7:4

সে পরেদি প্রভু লগেপ্রভু মরে আর এক্কান দর্শন দেগেল। প্রভু লগেপ্রভু সাজা দিবাত্তে আগুনানরে ডাগিলো। সেই আগুনানে দাঙর্ সাগরানরে শুগেই ফেলেল আর ভূইয়ানরে গজক্ গরা ধুরিলো।

সখরিয় 13:8

গোদা দেজ্‌‌‌‌‌‌ছানর তিন ভাগর্ দ্বিভাগ মান্‌‌‌‌‌‌জ্যরে মারে ফেলা অবঅ, মাত্তর্ মুই লগেপ্রভু কঙর্, তিন লম্বর্ ভাগ্‌‌‌‌‌‌কো সে ভিদিরে বাঁজি থেবঅ।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

মার্ক 11:23

মুই তমারে ঘেচ্চেক্‌গুরি কঙর্, কেঅ মনত্ কনঅ সন্দেহ ন-গুরিনে এই মুড়োবোরে কঅ, ‘উদিনে সাগরত্ যেইনে পড়্,’ মাত্তর্ যে বিশ্বেজ্ গরে সিয়েনই অবঅ, সালে তাত্তে সিয়েনই গরা অবঅ।

ফগদাং পেইয়্যে 11:6

এ মানুচ্চুনে যেদক বিলোন ভাববাদী ইজেবে কধা কবাক্ সেদক বিলোন যেন ঝড় ন-অয় সেনত্যে আগাজ্‌চান নাঢি দিবার খেমতা তারার্ থেবঅ। পানিগানরে লো বানেবার আর যেদকবার আওজ্ সেদকবার যে কনঅ আঘাত্‌তোই পিত্‌থিমীগানরে ক্ষোতি গুরিবার খেমতায়ো তারার্ থেবঅ।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।

ফগদাং পেইয়্যে 9:15

সেক্কে সেই চেরজন দূতোরে ইরি দিয়্যে অলঅ। এই বজরর্ এই মাস, এই দিন্নোত্ আর এ ঘন্টাবোত্যে সেই দুত্‌তুনোরে যুক্কোল্ গুরি থুয়ো ওইয়্যে যেন তারা তিন ভাগর এক ভাগ মান্‌জ্যরে মারে ফেলান।

ফগদাং পেইয়্যে 9:18

আগুন, ধূমো আর গন্ধক-এই তিনেন্ আঘাত্‌তোই তিন ভাগর্ এক ভাগ মান্‌জ্যরে মারে ফেলা অলঅ।