ফগদাং পেইয়্যে 8:11 - Chakma Bible

¹¹ সে তারাবোর নাঙান্ এলঅ সোমরাজ। তিন ভাগর এক ভাগ গাঙ্ আর পয়নালা উগুরে তারাবো পড়িলো। সেক্কে তিন ভাগর এক ভাগ পানি তিদে ওই গেলঅ আর সেই তিদে পানিত্যে বোউত্ মানুচ্‌ মুরি গেলাক্।

ফগদাং পেইয়্যে 8:11 ပူးပေါင်းရင်းမြစ်များ

যাত্রা 15:23

পরেদি তারা মারা নাঙে এক্কো ধূল্যেচর চাগালা ইধু লুমিলাক্‌, মাত্তর্‌ তিদে বিলিনে সিধুগোর্‌ পানিগান তারা হেই ন-পারিলাক্। সেনত্তে সেই জাগানর্‌ নাঙ্‌ ওইয়্যেদে মারা (যিয়েনর্ ভেদ্‌তান্ “তিদে”)।

গম্ উপদেজ্ 5:4

মাত্তর্ সিয়েনর শেজ্ ফল অয় বিষো ধোক্ক্যেন্ তিদে, দ্বিকিত্তেদি ধার্ দিয়্যে ছুরি ধোক্ক্যেন ধারেয়্যে।

যিরমিয় 23:15

“সেনত্তে মুই বেগত্তুন্ খেমতাবলা লগেপ্রভুর ভাববাদীগুনো পৌইদ্যেনে কঙর্, মুই তারারে তিদে হানা আর বিষবলা পানি হাবেম, কিত্তে যিরূশালেমর ভাববাদীগুনো ইত্তুন গোজেন উগুরে ভোক্তিনেইয়্যে বেক্ দেজ্‌চান ছিদি যেইয়্যে‍‍‍‍‍‍‍।”

যিরমিয় 9:15

সেনত্তে মুই ইস্রায়েলর গোজেন বেগত্তুন খেমতাবলা লগেপ্রভু এ কধাগান কঙর্, ‘চঅ, মুই এ মানুচ্চুনোরে তিদে হানা আর বিষবলা পানি হেবাত্তে বাধ্য গুরিম।

আবিলেচ্ 3:19

মর্ দুঘ্‌‌কান আর ঘুরি বেড়েবার কধানি ইদোত্ তুল্; তিদে আর বিষে ভরা জিংকানিগানর কধানি ইদোত্ তুল্।

আবিলেচ্ 3:5

তে মনত্ দুঘ্ আর কষ্টলোই মরে আক্‌‌‌সোনে ঘিরি রাগেয়্যে।

আমোষ 5:7

তুমি দঅ ন্যায়বিচেরানরে তিদে গুরি তুল্য আর সততাগানরে মাদিত্ ফেলেয়ো।

আমোষ 6:12

খামা মুড়োত্ কি ঘোড়াগুন দাবা দুয়োন্? কনজনে কি সিদু বলদ গোরুলোই চাষ গরন্? মাত্তর্ তুমি ন্যায়বিচেরানরে বিষ ধোক্ক্যেন গোজ্য আর তিদে ধোক্ক্যেন গোজ্য সততার ফলানরে।

সখরিয় 13:8

গোদা দেজ্‌‌‌‌‌‌ছানর তিন ভাগর্ দ্বিভাগ মান্‌‌‌‌‌‌জ্যরে মারে ফেলা অবঅ, মাত্তর্ মুই লগেপ্রভু কঙর্, তিন লম্বর্ ভাগ্‌‌‌‌‌‌কো সে ভিদিরে বাঁজি থেবঅ।

সখরিয় 13:9

এই তিন লম্বর্ ভাগ্‌‌‌‌‌‌কো মুই আগুনো ভিদিরেদি নেযেম; রূবো খাটি গরেদে ধোক্ক্যেন্ গুরি মুই তারারে খাটি গুরিম আর সনা যাচাই গরেদে ধোক্ক্যেন্ তারারে যাচাই গুরিম। তারা মরে ডাগিবাক্ আর মুই তারারে জোব্ দিম; মুই কোম্, ‘ইগুনে মঅ মানুচ্,’ আর তারা কবাক্, ‘লগেপ্রভুই আমা গোজেন।’ ”

দ্বি’লম্বর বিররণ 29:18

তুমি চেই নেযঅ যেনে তমা ভিদিরে এচ্চ্যে এমন্‌ কনঅ মরদ বা মিলে বা কনঅ বংশ বা গুট্টি ন-থান্‌ যিবের্‌ মনান তমার গোজেন লগেপ্রভুরে ফেলেইনে সেই বেক্‌ জাদর দেব-দেবেদাগুনোরে পূজো গুরিবাত্তে আওজী। যুনি সেধোক্ক্যেন কনজন থান্‌ সালে তমা ভিদিরে তে অবদে এমন্‌ এক্কো শিঙর ধোক্ক্যেন যিবে পরেন্দি বিষ ধোক্ক্যেন তিদে গাজ্‌ ওই উদিবো।

ইব্রীয় 12:15

চঅ, কেঅ যেন গোজেনর্ দোয়্যেত্তুন্ বাদ্ ন-পড়ন্। চঅ, বিষ্‌বলা তিদে গাজ শিঙোর ধোক্ক্যেন্ গেজেই উদিনে কেঅ যেন দুঘ্ বাড়েইনে ভালোক্ জনরে অসিজি ন-গরন্।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।

ফগদাং পেইয়্যে 9:15

সেক্কে সেই চেরজন দূতোরে ইরি দিয়্যে অলঅ। এই বজরর্ এই মাস, এই দিন্নোত্ আর এ ঘন্টাবোত্যে সেই দুত্‌তুনোরে যুক্কোল্ গুরি থুয়ো ওইয়্যে যেন তারা তিন ভাগর এক ভাগ মান্‌জ্যরে মারে ফেলান।

ফগদাং পেইয়্যে 9:18

আগুন, ধূমো আর গন্ধক-এই তিনেন্ আঘাত্‌তোই তিন ভাগর্ এক ভাগ মান্‌জ্যরে মারে ফেলা অলঅ।

রূত 1:20

নয়মী কলঅ‌, মরে নয়মী (যিয়েনর্ ভেদ্‌তান্ আজি-হুজি) বিলি আর ন-ডাক্কো, বরং মারা (যিয়েনর্ ভেদ্‌তান্ “তিদে”) নাঙে ডাগঅ, কিত্তেই দিন দুনিয়ের্‌ গিরোজ্‌ গোজেনে মর্‌ জীংকানিগানরে তিদে গুরি দিয়্যে।