ফগদাং পেইয়্যে 6:9 - Chakma Bible

⁹ যেক্কে তে পাঁচ-লম্বর সীলমহ্‌রবো ভাঙিলো সেক্কে মুই এক্কো ডালিপূজো তলে এমন্‌ বেক্‌ মানুচ্চুনোর আত্মাগানি দেগিলুং যিগুনোরে গোজেনর্ কধানিত্যে আর সাক্ষ্য দিবাত্যে মারে ফেলা ওইয়্যে।

ফগদাং পেইয়্যে 6:9 ပူးပေါင်းရင်းမြစ်များ

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

যাত্রা 29:12

পরেদি কিজু লো নেযেইনে তুই আঙুল্লোই ডালিপূজোবো শিঙুনোত্‌ লিবি দিবে আর বাদবাগি লো-গান ডালিপূজোর্‌ গোড়াত্‌ ঢালি দিবে।

লেবীয় 4:7

ইয়েন পরেদি তে কিজু লো নেযেইনে মিলন-তাম্বুল ভিদিরে লগেপ্রভুর্ মুজুঙোত্ যে তুম্বাজ্‌ ধূপোর্ পূজোবো আঘে তার্‌ শিঙুনোত্‌ লিবি দিবো। বাগি লো-গান্‌ লোইনে তে মিলন-তাম্বুলো দোরান মুুজুঙোত্ যে পুজ্যে-উৎসর্বর্ পূজোবো আঘে সিবে গড়াত্‌ ঢালি দিবো।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

২ করিন্হীয় 5:8

আমাত্তুন্ সাহচ্‌ আঘে আর আমি কিয়্যেগানি ঘরত্তুন্ দূর্ ওইনে প্রভু সমারে বজত্তি গরানা গম্ মনে গুরিই।

ফিলিপীয় 1:23

দ্বিয়োকিত্ত্যেদি মরে টানদন্। মুই মুরি যেইনে খ্রীষ্ট সমারে থেবাত্যে চাং, কিয়া সিয়েন বোউত্ গম।

ফিলিপীয় 2:17

যে বিশ্বেজর্ উৎসর্বলোই তুমি গোজেনর্ সেবা গরর্ সিয়েন উগুরে যুনি মঅ লোগান উৎসর্ব ইজেবে ঢালি দিয়্যে অয় তো মুই সুগী আর তমা লগে হুজী।

২ তীমথিয় 1:8

সেনত্যে আমা প্রভু পৌইদ্যেনে সাক্ষি দেদে ন-লাজেচ্, আর তাত্যেই যে মুই বন্দী, মত্যেয়ো ন-লাজেচ্। সিয়েনর বদলে গোজেনে তরে যে খেমতা দিয়্যে সেই খেমতা মজিম তার্ গম হবর্ প্রচারত্যে মঅ লগে দুঘ্ গর্।

২ তীমথিয় 4:6

মরে ইক্কিনে উৎসর্ব ইজেবে ঢালি দিয়্যে অর্; মর্ মরণর্ সময় এচ্চ্যে।

ইব্রীয় 12:23

পত্তম পুয়োর্ অধিকার পেইয়্যে মানুচ্‌ ইজেবে যিগুনোর্ নাঙানি স্বর্গত্ লেগা আঘে তারারে দিইনে বানেয়্যে মন্ডলী ইধু এচ্চ্য; যিবে বেক্‌ মানুচ্চুনোর্ বিচেরক্ সেই গোজেন ইধু এচ্চ্য; যিদুক্কুন মান্‌জ্যে পরিপূরোণান্ পেইয়োন সেই বেক্ নিদ্দুজি মানুচ্চুনোর্ আত্মার্ ইধু এচ্চ্য;

ফগদাং পেইয়্যে 1:2

গোজেনর্ কধানি আর যীশু খ্রীষ্টর সাক্ষ্যগানি পৌইদ্যেনে যোহনে যিয়েনি দেক্ক্যে, সিয়েনি বেক্কানি পৌইদ্যেনে তে ইয়েনত্ সাক্ষ্য দিয়্যে।

ফগদাং পেইয়্যে 1:9

মুই তমার ভেই যোহন; যীশু লগে মিজেইনে মুই তমা লগে একই দুঘ্, একই রেজ্য আর একই ধৈজ্জ্যর্ ভাগী ওইয়োং। গোজেনর্ কধানি আর যীশুর সাক্ষ্যগানি ফগদাং গোজ্জ্যং বিলিনে মরে পাট্‌ম দ্বীবোত্ নেযেইনে থুয়ো ওইয়্যে।

ফগদাং পেইয়্যে 14:18

সে পরেদি পূজোবোত্তুন্ আর এক্কো স্বর্গদূত্ নিগিলি এলঅ। আগুনো উগুরে তার্ খেমতা এলঅ। যে স্বর্গদূত্‌তো ইধু ধার্‌বলা চারি এলঅ তারে এ স্বর্গদূত্‌তো জোরে ডাগিনে কলঅ, “তর্ ধার্‌বলা চারিগান্ বাজা আর পিত্‌থিমীর আঙ্গুর গাজত্তুন্ আঙ্গুরো থুপ্পুন্ কাবিনে থুবো, কিয়া আঙ্গুরুন পাগি যেয়োন।”

ফগদাং পেইয়্যে 16:7

মুই পূজোবোত্তুন্ একজনরে এ কধাগান কধে শুনিলুং: “বেগত্তুন্ খেমতাবলা প্রভু গোজেন, তর বেক্‌ বিচেরানি সত্য আর ন্যায়ে ভরা।”

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 2:13

তুই কুধু বজত্তি গরর্ সিয়েন মুই হবর্ পাং; সিয়েনত্ শদানর্ সিংহাসনান্ আঘে। তো তুই মঅ উগুরে বিশ্বেজি আঘচ্ আর মঅ উগুরে তর্ বিশ্বেজ্‌চানরে অস্বীগের্ ন-গরচ্। এন্‌ কি, যিয়েনত্ শদানে বজত্তি গরে সিয়েনত্ যেক্কে মর্ বিশ্বেজি সাক্ষী আন্তিপাসে তমা মুজুঙোত্ খুন ওইয়্যে সেক্কেয়ো তুই তঅ বিশ্বেজ্‌চানরে অস্বিগের্ ন-গরচ্।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

ফগদাং পেইয়্যে 8:3

ইয়েনর্ পরেদি আর এক্কো স্বর্গদূত এইনে ডালি পূজোবো মুজুঙোত্ থিয়্যেল। তা আঢত্ এক্কো সনার ধূব্ টগ্ এলঅ। তারে বেশ্ গুরিনে ধূব্ দিয়্যে অলঅ যেনে তে সিংহাসন মুজুঙোত্ সনার ডালি পূজোবো উগুরে গোজেনর্ বেক্‌ মানুচ্চুনোর তবনার সমারে সেই ধূব্‌‌পুন্ উৎসর্ব গরে।

ফগদাং পেইয়্যে 9:13

সে পরেদি ছ'লম্বর স্বর্গদূত্‌তো তা তূরীবো বাজেল। গোজেন মুজুঙোত্ যে সনার পূজোবো আঘে সেই পূজোবোর্ চের্‌বো শিংঅ কুরেত্তুন্ মুই একজনরে কধা কধে শুনিলুং। যিবে ইধু তূরী এলঅ সেই ছ'লম্বর স্বর্গদুদ্‌তোরে তে কলঅ,