ফগদাং পেইয়্যে 6:15 - Chakma Bible

¹⁵ পিত্‌থিমীর বেক্‌ রাজাগুনে আর বেগ দাঙর্ নেতাবো, সেনাপতি, থাগোইয়্যে আর খেমতাবলা মানুচ্‌, পত্তি চাগর আর চাগর নয়দে মানুচ্‌ মোন্‌মুড়ো হুলুঙে হুলুঙে আর পাত্তর আন্দলে আন্দলে নিজোরে লুগেলাক্।

ফগদাং পেইয়্যে 6:15 ပူးပေါင်းရင်းမြစ်များ

পত্থম 3:8

যেক্কে সাজোন্যে বোইয়্যের ভানা আরাম্ভ অলঅ সেক্কে তারা লগেপ্রভু গোজেন রঅবো শুনিলাক্‌। তে বাগান ভিদিরে আদা-উদো গরের্‌। সেক্কে আদমে আর তা মোক্কো বাগান গাজঅ আন্দলত্‌ পোল্যে থেলাক্‌ যেনে লগেপ্রভু গোজেন মুজুঙোত্‌ তারা ধরা ন-পড়ন্‌।

গীতসংহিতা 76:12

শাজন্‌গুরিয়্যেগুনোর সাহস্‌ছানি তেয়ই দোঙেই দে; পিত্‌থিমীর রাজাগুনে তারে দরান্।

যিশাইয় 2:10

লগেপ্রভুর দর্‌বুগ্‌কান আর তার মহিমার জ্বলেত্যে আঢত্তুন্ রোক্ষ্যে পেবাত্তে তুমি দাঙর্ দাঙর্ শিলো ভিদিরে চমগোই, মাঢি ভিদিরে লুগি থাগঅ।

যিশাইয় 2:19

লগেপ্রভু যেক্কে পিত্‌থিমীর মানুচ্চুনোরে দর্‌বুক্ দেগেবাত্তে এবঅ সেক্কে তার্ দর্‌গরেপারা আর মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে সেদিন্যে মোন্-মুড়ো সেরে সুরুঙোত্ আর মাঢি গাদত্ ধেই যেবাক্।

যিশাইয় 2:21

লগেপ্রভু যেক্কে পিত্‌থিমীর মানুচ্চুনোরে দর্ জিনিস্‌ছান দেগেবাত্তে এবঅ সেক্কে তার দর্‌গরেপারা আর তার মহিমার্ জোল্‌জোল্যেগান আঢত্তুন্ রোক্ষ্যে পেবাত্তে মান্‌জ্যে দাঙর্ দাঙর্ শিলো ফাগত্ আর মোন-মুড়ো ফাদা সেরে ধেই যেবাক্।

যিশাইয় 42:22

মাত্তর্ এ মানুচ্চুনোর্ বেক্কানি নেযা ওইয়্যে আর লুদো ওইয়্যে, তারারে বেক্কুনোরে গাদত্ ফেলা ওইয়্যে আর জেলখানাত্ লুগেই রাগা ওইয়্যে। তারা কাড়ি লোইয়্যে জিনিজো ধোক্ক্যেন ওইয়্যে, তারারে উদ্ধোর্ গুরিয়্যে কনজন নেই। তারা লুদেয়্যে মাল্ ওইয়োন্; কনজনে ন-কন্, “তারারে ফিরেই দুয়ো।”

মীখা 7:17

তারা সাপ আর অন্য বুগেদি-আদন্দে পরাণবলাগুনো ধোক্ক্যেন ধূল্যে খাদোক্। তারা তাম্বুলানিত্তুন্ গির্‌গিরে গির্‌গিরে তমা ইধু, আমা গোজেন লগেপ্রভু ইধু নিগিলি এত্তোক্ আর তরে দরাদোক্।

ইব্রীয় 11:38

তারা ধূল্যেচড়ত্তুন্ ধূল্যেচড়ত, মুড়োত্তুন্ মুড়োত, সুরুঙোত্তুন্ সুরুঙোত আর গাঢত্তুন্ গাঢত্ ধেই ধেই বেড়েদাক্। এ মানুচ্চুনোরে জাগা দেনার্ খেমতা জগদর্ ন-এলঅ।

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।

বিচের গুরিয়্যেগুন 6:2

ইস্রায়েলীয়গুনো উগুরে মিদিয়নীয়গুনোর অত্যেচার এদক্‌ বাড়িলোদে, ইস্রায়েলীয়গুনে মুড়োবোর ফাদা জাগানত্‌, গাদত্‌ আর মুড়োবো উগুরে তাম্বুলানিত্‌ আশ্রয়র্‌ জাগা গুরিলাক্‌।

১ শমূয়েল 13:6

ইস্রায়েলর সৈন্যগুনে যেক্কে দেগিলাক্, তারা অমহদ চাপর্‌ মুয়োত্‌ পুরিনে দযাদ্‌ পড়ি যেইয়োন সেক্কে তারা যেইনে চুরুঙোত্‌, ঝুব-ঝাড়ত্‌, মুড়ো-মুড়ির ফাদা জাগাত, খাত্তো আর গাদত্‌ লুগিই রলাক্।