ফগদাং পেইয়্যে 6:10 - Chakma Bible

¹⁰ তারা দাঙর্ দাঙর্ রঅ ছাড়িনে কলাক্, “ও পবিত্র আর সত্যময় প্রভু, যিগুনে এ পিত্‌থিমীর, তারারে বিচের্ গত্তে আর তারা উগুরে আমার লোর্ হেনা শুজোধে তুই আর কদক্ দেরি গুরিবে?”

ফগদাং পেইয়্যে 6:10 ပူးပေါင်းရင်းမြစ်များ

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

গীতসংহিতা 119:84

তর্ এ চাগর্‌বো আয়ুগান আর কয়দিন? মরে যিগুনে অত্যেচার গরন্ কমলে তুই তারারে বিচের্ গুরিবে?

গীতসংহিতা 13:1

ও লগেপ্রভু, আর কয়দিন? জনমত্তে কি তুই মরে ভুলিনে থেবে? মঅ মুজুঙোত্তুন্ আর কয়দিন তুই তর্ মুয়োন্ ফিরেই রাগেবে?

গীতসংহিতা 35:17

ও প্রভু, আর কয়দিন তুই ইয়েনি দেগেবে? তারার্ অত্যেচারত্তুন্ মরে রোক্ষ্যে গর্; এ সিংহগুনো আঢত্তুন্ মর্ মূল্যবান জিংকানিগান বাঁজা।

গীতসংহিতা 79:10

অন্য জাদ্‌তুনে কিত্তে কবাক্, “কুদু গেলঅ তারার গোজেনে?” তুই আমা মুজুঙোত্ তারারে জানেই দে, তঅ চাগরুনোর লো ঝড়ানার হেনাগান তুই নিবে।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

যিশাইয় 61:2

যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং;

আবিলেচ্ 3:64

ও লগেপ্রভু, তারার্ কাম মজিম্ তুই তারারে ফল দে।

দানিয়েল 12:6

মসীনার কাবড়-উজ্যে যিবে গাঙ পানি উগুরে এলঅ তারে সেই দ্বিজন ভিদিরে একজনে কলঅ, “এই বেক্ আমক্ অবার বেপারানি শেজ্ অদে কয়দিন লাগিবো?”

দানিয়েল 8:13

সে পরেদি মুই এক্কো পবিত্র স্বর্গদুতোরে কধা কদে শুনিলুং আর এক্কো পবিত্র স্বর্গদূতে তারে পুযোর্ গুরিলো, “এই দর্শনানত্ যিয়েন দেগা অলঅ সিয়েন কয়দিন ধুরি চলিবো? কয়দিন ধুরি পত্তিদিনোর্ উৎসর্বর অনুষ্ঠানর বদলে সর্বনাশ পাপর জিনিস থেবঅ? কয়দিন ধুরি উবোসনা-ঘর আর তারাগুনোরে টেঙোই উরো অবঅ?”

সখরিয় 1:12

সেক্কে লগেপ্রভুর দূত্‌‌তো কলঅ, “ও বেগত্তুন খেমতাবলা লগেপ্রভু, তুই যিরূশালেম আর যিহূদার অন্য শঅরানি উগুরে এই যে সত্তুর বজর্ সং বেজার্ ওই রোইয়োচ্ তারা উগুরে আর কয়দিন তুই মেয়্যে ন-গুরি থেবে?”

লূকে লেখ্যে গম্ হবর্ 2:29

“প্রভু, তুই তর্ কধা মজিম্ তঅ চাগর্‌বোরে ইক্কিনে সুগে শান্দিয়্যে বিদেয় দুয়োর্,

লূকে লেখ্যে গম্ হবর্ 21:22

কিয়া এ দিনুন্ অবঅ সাজা পেবার্ দিন, আর ইয়োত্ পবিত্র বোইবোত্ যিয়েনি লেগা আঘে সিয়েনি পূরোণ্ অবঅ।

রোমীয় 12:19

কোচ্‌পেইয়্যে ভেইয়ুন, তুমি নিজে হেনা ন-শুজিবা, বরং গোজেনরে সাজা দিবাত্তে দুয়ো। পবিত্র বোইবোত্ প্রভু কয়, “অন্যেয়র্ সাজা দিবার্ অধিকার বানা মত্তুনই আঘে; যার্ যিয়েন পাওনা মুই তারে সিয়েনই দিম্।”

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

২ পিতর 2:1

মাত্তর্ ইস্রায়েলীয়গুনো ভিদিরে যেধোক্ক্যেন ফক্কর্ ভাববাদী এলাক্ সেধোক্ক্যেন তমা ভিদিরেয়ো ফক্কর্ মাষ্টর থেবাক্। তারা চুবেচুবে এন্‌ ভুল শিক্ষ্যে আনিবাক্ যিয়েনি মান্‌জ্যরে ভস্ত গুরি দিবো; এন্‌ কি, যিবে তারারে কিন্ন্যে সেই প্রভুরেয়ো তারা অস্বীগের্ গুরিবাক্। এবাবোত্যে গুরি তারা যাদিমাদি নিজো উগুরে ভস্ত অনাগান ডাগি আনিবাক্।

ফগদাং পেইয়্যে 11:18

বেক্‌ জাদ্‌তুনে রাগ গোজ্জ্যন্, আর তর্ রাগ ফগদাং গুরিবার সময় ওইয়্যে। মরাগুনোরে বিচের্ গুরিবার সময় এচ্চ্যে, আর তর্ চাগরুনোর্, অত্তাৎ ভাববাদীগুনোর আর তঅ মানুচ্চুনোর আর চিগোন-দাঙর্ যিগুনে তরে ভোক্তি গরন্ তারারে বক্‌শিজ্ দিবার সময় এচ্চ্যে। ইয়েনিবাদে যিগুনে পিত্‌থিমীর ক্ষোতি গোজ্জ্যন্, সিগুনোরে ভস্ত গুরিবার সময় এচ্চ্যে।”

ফগদাং পেইয়্যে 18:20

সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 18:24

ভাববাদীগুনোর, গোজেন মানুচ্চুনোর আর যিদুক্কুন মান্‌‌জ্যরে এ পিত্‌থিমীত মারে ফেলা ওইয়্যে, সিগুনোর্ লো-নি এই বাবিলোত্ পাহ্ যেয়্যে।”

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”

ফগদাং পেইয়্যে 3:10

ধৈয্য ধুরিবার যে উগুমান যে মুই দুয়োং সিয়েন তুই পালেয়োচ্; সেনত্যে এ পিত্‌থিমীগান উগুরে যে দুঘোর্ সময় এজের্ সেই সময়ত্তুন্ ধুরি মুই তরে রোক্ষ্যে গুরিম। যিগুনে এ পিত্‌থিমীর তারারে যগা চেবাত্যে এ দুঘোর্ সময়ান এবঅ।

ফগদাং পেইয়্যে 3:7

ফিলাদিল্‌ফিয়া শঅরর্ মন্ডলী দূত্‌তো ইধু এ কধাগান লেগ- যিবে পবিত্র আর সত্য, যাইধু দায়ূদোর চাবি আঘে, যিবে খুলিলে কেঅ বানি ন-পারে আর বানিলে কেঅ খুলি ন-পারে,

বিচের গুরিয়্যেগুন 16:28

সেক্কে শিম্‌শোনে লগেপ্রভুর্‌ ইদু তবনা গুরিনে কলদে, “ও প্রভু লগেপ্রভু, মঅ কধানি একবার ইদোত্‌ তুল্। ও গোজেন, দোয়্যে গুরিনে আর একপল্লা বানা মরে খেমতাগান্ দে যেনে মর্‌ দ্বিবে চোগোত্তেই এক্কুবারেই মুই পলেষ্টীয়গুনো উগুরে হেনা সুজি পারং।”

১ শমূয়েল 24:12

লগেপ্রভুই যেনে মর্‌ আর তর্‌ বিচের্‌ গরে আর মঅ উগুরে তুই যে অন্যেয় গোজ্যচ্‌ সিয়েনর ফল দে; তো মুই তঅ বিরুদ্ধে আঢ্ ন-তুলিম।