ফগদাং পেইয়্যে 4:11 - Chakma Bible

¹¹ “আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”

ফগদাং পেইয়্যে 4:11 ပူးပေါင်းရင်းမြစ်များ

পত্থম 1:1

পত্তমে গোজেনে দেবাবো আরঅ পিত্‌থিমীগান বানেল।

২ শমূয়েল 22:4

লগেপ্রভুরে নাঙ্ গিনিবা, মুই তারে ডাগং; সেক্কে মঅ শত্রুগুনোর আঢত্তুন্ মুই রোক্ষ্যে পাং।

নহিমিয় 9:5

পরেন্দি লেবীয়গুনো ভিদিরেত্তুন্‌ যেশূয়, কদ্‌মীয়েল, বানি, হশব্‌নিয়, শেরেবিয়, হোদিয়, শবনিয় আর পথাহিয় কলদে, “তুমি উদিনে তমার্‌ গোজেন্‌ লগেপ্রভুর বাঈনী গরঅ, যিবে পুরোণিকালত্তুন্‌ ধুরিনে জীংকানিবর্‌ আঘে।” সে পরেন্দি তারা ইয়েন্‌ কোইনে তবনা গুরিলাক্‌, ও লগেপ্রভু, তর্‌ মহিমাবলা নাঙর্‌ বাঈনী ওক্‌; আমার্‌ দিয়্যে বেক্‌ ভালেদিগানি আর নাঙ্ গিনেনাত্তুন্‌ তুই দাঙর্।

ইয়োব 36:3

মুই বোউত্ দূরোত্তুন জ্ঞান লাভ গোজ্যং; মঅ সৃট্টিগুরিয়্যেবো যে ন্যায়বলা সিয়েন মুই ফগদাং গুরিম।

গীতসংহিতা 18:3

লগেপ্রভুরে নাঙ্ গিনিবার, মুই তারে ডাগং; সেক্কে মর্ শত্রুগুনো আঢত্তুন্ মুই রোক্ষ্যে পাং।

গীতসংহিতা 68:34

ফগদাং গরঅ, গোজেনে খেমতাবলা; তার মহিমাগান্ ইস্রায়েল উগুরে আঘে আর দেবাবো সং তা খেমতাগান আঘে।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

গম্ উপদেজ্ 16:4

লগেপ্রভু বেক্কানি বানেয়্যে তারার যার্ যার্ উদ্দেশ্য মজিম্; পাজিগুনোরেয়ো তে দুদ্দশা-দিনোত্তে ঠিগ্ গুরি রাগেয়্যে।

যিশাইয় 40:26

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

যিশাইয় 40:28

তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

যিরমিয় 10:11

তুমি মানুচ্চুনোরে কঅ, এই দেব-দেবেদাগুনে আগাজ্‌‌‍‌‍চান আর পিত্‌‌‍‌‍‍‍থিমীগান ন-বানান; তারা আগাজ্‌চানত্তুন আর পিত্‌থিমীর বেক্ জাগানত্তুন্ ভস্ত ওই যেবাক্।‌‍‌‍‍‌‍‌‍‍

যিরমিয় 32:17

‘ও প্রভু লগেপ্রভু, তুই তর্ দাঙর্ বল্লোই আর খেমতাবলা আঢ্‌তোই দেবাবো আর পিত্‌‌‌থিমীগান বানেয়োচ্। তঅ তপ্পে অাগাত্যে বিলিনে কিচ্চু নেই।

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 17:24

গোজেন, যিবে এ পিত্‌থিমীগান্ আর সিয়েন ভিদিরে যিয়েনি আঘে বেক্কানি বানেয়্যে, তেয়ই স্বর্গ আর পিত্‌থিমীর্ গিরোজ্। তে আঢ্‌‌‌তোই বানেয়্যে কনঅ মন্দিরোত্ বজত্তি ন-গরে।

রোমীয় 11:36

বেক্কানি দঅ তাত্তুন্ আর তা মাধ্যমে এজে আর বেক্কানি তা নাঙে। উমরত্তে তার্ বাঈনী ওক্। আমেন।

ইফিষীয় 3:9

ইয়েন বাদে তার গুমুরো উদ্দেচ্চ্যগান যে কিবাবোত্যেগুরি কামত্ লাগা অবঅ সিয়েন ফগদাং গুরিবার্ ভারান্‌অ তে মঅ উগুরে দিয়্যে। বেক্কানির্ সৃট্টিগুরিয়্যে গোজেনে এদক্ বিলোন ধুরি তার্ সেই উদ্দেচ্চ্যগান গুমুরোত্ থোইয়্যে।

দ্বি’লম্বর বিররণ 32:4

তেয়ই জিরেবার-মুড়ো, তার কামানি তেল্‌তেল্যে; তার বেক পথ্‌তানি ন্যায়র পথ। তে নির্ভরযোগ্য গোজেন, তে কনঅ অন্যায় ন-গরে; তে ন্যায়বলা আর গম্‌।

ইব্রীয় 1:10

গোজেনে আরঅ কোইয়্যেদে, “প্রভু, তুই বোউত্ দিন আগে পিত্‌থিমীর গড়াগান গাড়েয়োচ্, দাঙর্ আগাজ্‌‌চান তঅ আঢে বানেয়োচ্।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।

ফগদাং পেইয়্যে 10:6

যিবে উমর সং জেদা আঘে আর আগাজ্, পিত্‌থিমী, দোজ্জ্যে সাগর আর সিয়েনি ভিদিরে যিয়েনি আঘে সিয়েনি সৃট্টি গোজ্জ্যে, তা নাঙে শমক্ খেইনে সেই স্বর্গদূত্‌তো কলঅ, “আর দেরি ন-অবঅ।

ফগদাং পেইয়্যে 14:7

তে জোরে জোরে এ কধাগান কত্তে, “গোজেনরে দরঅ আর তারে বাঈনী গরঅ, কিয়া বিচের্ গুরিবার সময়বো লুম্মেগি। যিবে আগাজ্, পিত্‌থিমী, সাগর আর পয়নালাগুন সৃট্টি গোজ্জ্যে সিবের্ উবোসনা গরঅ।”

ফগদাং পেইয়্যে 19:1

ইয়েন পরেদি মুই স্বর্গত্ ভালোক্কুন মান্‌জ্যর ঝাগঅ রঅ শুনিলুং। তারা কধন্দে “হাল্লেলূয়া! উদ্ধোর্, বাঈনী আর খেমতা, বেক্কানি আমা গোজেনর্,

ফগদাং পেইয়্যে 5:12

তারা জোরে জোরে এ কধাগান কদন্: “যে ভেড়া-ছবোরে মারে ফেলা ওইয়্যে, তেয়ই খেমতা, ধন, জ্ঞান, বল্, সম্মান, বাঈনী আর নাঙ্ গিনে হেবার যোগ্য।”

ফগদাং পেইয়্যে 5:2

যেরেদি মুই এক্কো খেমতাবলা স্বর্গদূতরে জোরে এই কধাগান কধে শুনিলুং, “কন্না এ সীলমহ্‌রুন ভাঙিনে বোইবো মেলিবার যোগ্য?”

ফগদাং পেইয়্যে 5:9

তারা এ নুয়ো গান্নো গাদন্: “তুয়ই সে বোইবো লোইনে তার্ সীলমহ্‌রুন খুলিবার যোগ্য, কিয়া তরে মারে ফেলা ওইয়্যে। তুয়ই তর্ লো-গান্দোই পত্তি বংশ, ভাযা, দেশ আর জাদ ভিদিরেত্তুন্ গোজেনত্যে মানুচ্চুনোরে কিন্ন্যচ্।