ফগদাং পেইয়্যে 22:9 - Chakma Bible

⁹ মাত্তর্ তে মরে কলঅ, “থামা মুই তর্ আর তঅ বিশ্বেজি ভেইয়ুনোর, অত্তাৎ ভাববাদীগুনোর্ আর যিগুনে এ বোইবোর্ বেক কধানি পালান্ তারার্ চাগর সমাজ্যে। গোজেনরে সালাম গর্।”

ফগদাং পেইয়্যে 22:9 ပူးပေါင်းရင်းမြစ်များ

২ রাজাবলী 17:36

মাত্তর্‌ লগেপ্রভু, যিবে আত্‌ বাবেইনে দাঙর্‌ বল্লোই মিসরত্তুন্‌ তমারে নিগিলে আন্যে তুমি তারে তবনা গুরিবা, তাইদু মাধা লোঙেবা আর তা নাঙে বেক্‌ উৎসর্বগুন্‌ গুরিবা।

গীতসংহিতা 45:11

সালে রাজা তর্ দোলানিলোই ধরা দিবো; তেয়ই তর্ গিরোজ, তারে মাঢা নিগিরিনে জু জু গর্।

যাত্রা 34:14

তুমি কনঅ‌ দেবেদার্‌ উবোসনা ন-গুরিবা, কিত্তে লগেপ্রভুর্‌ নাঙান্‌ অলঅ পাইদে ভোক্তি পেবার্‌ আওজি গোজেন; তে তার্‌ পাইদে ভোক্তিগানি চায়্‌।

মথি লেখ্যে গম্ হবর্ 4:9

“তুই যুনি মাদিত্ পড়িনে মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি মুই তরে দিম্।”

লূকে লেখ্যে গম্ হবর্ 4:7

ইক্কিনে তুই যুনি মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি তর্ অবঅ।”

দ্বি’লম্বর বিররণ 4:19

আগাজ মোক্কে রিনি চেইনে বেলান্‌, চাঁন্নো আর তারাগুন, এক্কু কধায় আগাজত্‌ সাজেই রাগেয়্যে বেক্‌ পহর্‌ দিয়্যেগুন্‌ যেক্কে তমার চোগোত্‌ পুরিবো সেক্কে পিত্‌থিমীর বেক্‌ জাদ্‌তুনোরে দিয়্যে তমা গোজেন লগেপ্রভুর্‌ এ বেক্‌ জিনিস্‌ছানিরে সালাম আর পূজো গুরিনে তুমি ভান্ন্যেই পদথ্‌ ন-যেয়ো।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।

ফগদাং পেইয়্যে 1:1

এ বোইবো ভিদিরে যিয়েনি লেগা ওইয়্যে সিয়েনি যীশু খ্রীষ্টই ফগদাং গোজ্জ্যে। ইয়েনি বেক্কানি গোজেনে খ্রীষ্ট ইধু ফগদাং গোজ্জ্যে, যেন যেদক্কানি ঘটনা কয়েকদিনো ভিদিরে খামাক্কায় ঘুদিবাত্যে যার্ সিয়েনি তে তার চাগরুনোরে জানায়। খ্রীষ্ট তার দূত্‌তো পাধেইনে তার চাগর যোহনরে ইয়েনি বেক্কানি জানেয়্যে।

ফগদাং পেইয়্যে 1:11

তে মরে কলঅ, “যিয়েন দেগিবে সিয়েন এক্কো বোইয়োত্ লেখ্, আর সিয়েন ইফিষ, স্মুর্ণা, পর্গাম, থুয়াতীরা, সার্দ্দি, ফিলাদিল্‌ফিয়া আর লায়দিকেয়া-এ সাত্‌টো শঅরর্ সাত্‌টো মন্ডলী ইধু পাধেই দে।”

ফগদাং পেইয়্যে 14:7

তে জোরে জোরে এ কধাগান কত্তে, “গোজেনরে দরঅ আর তারে বাঈনী গরঅ, কিয়া বিচের্ গুরিবার সময়বো লুম্মেগি। যিবে আগাজ্, পিত্‌থিমী, সাগর আর পয়নালাগুন সৃট্টি গোজ্জ্যে সিবের্ উবোসনা গরঅ।”

ফগদাং পেইয়্যে 15:4

প্রভু, কন্না বা তরে ন-দোরেব? কন্না বা তর্ নাঙানর্ বাঈনী ন-গুরিবো? বানা তুয়ই দঅ পবিত্র। বেক্‌ জাদ্‌তুনে তইধু এবাক্, বেক্কুনে তর্ উবোসনা গুরিবাক্; কিয়া তর্ ন্যায় বিচেরানি ফগদাং ওইয়্যে।”

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 22:10

সে পরেদি তে মরে কলঅ, “এ বোইবোর্ বেক্ কধানি, অত্তাৎ গোজেনর্ কধানি তুই গুমুরোত্ ন-থোচ্, কিয়া সময়ান লুম্মেগি। যে অন্যেয় গুরিয়্যেবো, তে ইয়েনর্ পরেদিয়ো অন্যেয় গোরোক্;

ফগদাং পেইয়্যে 22:18

যে মানুচ্চো এ বোইবোর্ বেক্ কধানি, অত্তাৎ গোজেনর্ কধা শুনিনে মুই তা ইধু এ সাক্ষ্যগান দোঙত্তে, কেঅ যুনি ইয়েন সমারে কিজু মিজেয় সালে গোজেনেয়ো এ বোইবোত্ লেখ্যে বেক্ আঘাত্‌‌তানি তা জিংকানিত্ যোগ গুরিবো।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 4:10

সেক্কে সেই চব্বিচ্‌জন নেতা সিংহাসনর অধিকারী, অত্তাৎ যিবে উমরত্যে জেদা আঘে তারে মাঢা নিগুরিনে সালাম গরন্। এই নেতাগুনে সেক্কে সেই সিংহাসনান মুজুঙোত্ তারার মুকুট্‌তুন খুলি থোইনে কদন্দে,

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।