ফগদাং পেইয়্যে 22:5 - Chakma Bible

⁵ রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।

ফগদাং পেইয়্যে 22:5 ပူးပေါင်းရင်းမြစ်များ

গীতসংহিতা 36:9

তইদু জিংকানির উইফুদ্ আঘে; তর্ পহ্‌‌রে আমি পহ্‌‌র দেগিই।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

যিশাইয় 24:23

চানানে আমক্ অবঅ আর বেলানে লাজেব, কিত্তে বেগত্তুন্ খেমতাবলা লগেপ্রভু সিয়োন মুড়োবোত্ আর যিরূশালেমত্ রাজাগিরি গুরিবো, আর তার বুড়ো নেতাগুনে তার মহিমাগান দেগিবাক্।

যিশাইয় 30:26

যেদিন্যে লগেপ্রভু তা মানুচ্চুনোর্ আঘাত পেইয়্যে জাগানি বানি দিবো আর তার গোজ্যে ঘা গানি গম্ গুরি দিবো সেদিন্যে চানানে পহর্ দিবো বেলান ধোক্ক্যেন্, আর বেলান পহ্‌রান অবঅ পুরো সাত দিনোর পহ্‌‍‌‍‌র ধোক্ক্যেন সাতগুন বেশ্।

দানিয়েল 7:18

মাত্তর্ শেজদি দাঙর্ গোজেনর মানুচ্চুনে শাজন্‌ পেইনে উমরত্যে, অয়, উমরত্যে রাজাগিরি গুরিবাক্।

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

সখরিয় 14:7

সেদিন্নো অন্য কনঅ দিনো ধোক্ক্যেন ন-অবঅ-দিন্‌অ ন-অবঅ, রেত্অ ন-অবঅ; দিনুনোর কধা বানা লগেপ্রভু হবর্ পায়। সেদিন্নোর্ পরেদি পহ্‌র অবঅ।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

রোমীয় 5:17

এক্কো মান্‌জ্যর্ পাপত্যে মরণান্ সেই একজনর্ মাধ্যমে রাজাগিরি গরানা আরাম্ভ গোজ্যে। মাত্তর্ যিগুনে জদবদে গোজেনত্তুন্ দোয়্যে আর নিদ্দুজি বিলি তার্ মনপুত অবার্ দান পান্, তারা সেই একজন মান্‌জ্যর, অত্তাৎ যীশু খ্রীষ্টলোই জিংকানির্ ভর্‌পুনোং ওইনে খামাক্কায় রাজাগিরি গুরিবাক্।

২ তীমথিয় 2:12

আমি যুনি ধৈজ্জ্য ধুরিনে সোজ্জ্য গুরিই, সালে তা সমারে রাজাগিরিয়ো গুরিবোং। যুনি তারে আমি অস্বীগের্ গুরিই, সালে তে-য়ো আমারে অস্বীগের্ গুরিবো।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 18:23

চেরাগ পহ্‌রান্ আর কনদিনঅ তমা ইধু ন-জ্বলিবো। নুয়ো বৌ-জামেয় মুয়োত্তুন্ আবাজ্অ আর তমা ভিদিরে কনদিনঅ শুনো ন-যেবঅ। তর্ বেবসায়ীগুনে পিত্‌থিমীত্ নাঙ্‌‌গিনেপারা এলাক্, আর বেক্‌ জাদ্‌‌তুনে তর্ যাদুর ছলনায় ভুলিদাক্।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।

ফগদাং পেইয়্যে 21:11

সেই শঅরানর্ চোক্‌চোক্ক্যেকান্ ভারী বেশ্ পাত্তরর্ চোক্‌চোক্ক্যে ধোক্ক্যেন, ফুদিগো ধোক্ক্যেন তেল্‌তেল্যে হীরা ধোক্ক্যেন।

ফগদাং পেইয়্যে 3:21

“মুই জিদিনেই যেধোক্ক্যেন গুরি মঅ বাবা সমারে তা সিংহাসনানত্ বোস্যং, ঠিগ্ সেধোক্ক্যেন যে জিদিবো তারে মুই মঅ সমারে মঅ সিংহাসনানত্ বুজিবার্ অধিকার দিম।