ফগদাং পেইয়্যে 21:25 - Chakma Bible

²⁵ দিনোত্ সেই গেইট্‌তুন কনদিনঅ বন্ধ ন-থেবঅ আর সিয়েনত্ রেত্‌অ ন-অবঅ।

ফগদাং পেইয়্যে 21:25 ပူးပေါင်းရင်းမြစ်များ

যিশাইয় 60:11

তঅ গেট্‌তুন নিত্য খুলো থেবঅ,‌‌‌ দিনে-রেদে কনদিন্অ সিগুন বন্ধ ন-থেবাক্ যেন জাদ্‌তুনোর ধন-সোম্বোত্তিগানি মান‌্‌জ্যে তইদু আনি পারন্;‌‌‌ তারার রাজাগুনোরেয়ো আনা অবঅ।

যিশাইয় 60:20

তঅ বেলানে আর কনদিন্অ ন-ঢুবিবো, তঅ চানানেয়ো আর চিগোন ওই ন-যেবঅ। লগেপ্রভু অবঅ তর্ জিংকানিবরর্ পহ্‌র;‌‌‌‌‌‌‍‍ তর্ আবিলেচর দিনুন্ থুম্ অবঅ।

সখরিয় 14:7

সেদিন্নো অন্য কনঅ দিনো ধোক্ক্যেন ন-অবঅ-দিন্‌অ ন-অবঅ, রেত্অ ন-অবঅ; দিনুনোর কধা বানা লগেপ্রভু হবর্ পায়। সেদিন্নোর্ পরেদি পহ্‌র অবঅ।

ফগদাং পেইয়্যে 21:12

সেই শঅরানর্ এক্কান দাঙর্ অজল্ দেবাল এলঅ আর সেই দেবালানিত্ বারজন স্বর্গদূত্ এলাক্। ইস্রায়েল জাদর্ বার গুট্টির নাঙ্ সেই গেট্‌তুনো উগুরে লেগা এলঅ।

ফগদাং পেইয়্যে 21:15

যিবে মঅ লগে কধা কোইয়্যে তা আঢত্ এক্কো সনার্ মাবেদে লুদিক্ এলঅ, যেন তে সেই শঅরান্, তার্ গেট্‌তুন আর তার দেবালান্ মাবি পারে।

ফগদাং পেইয়্যে 21:23

সেই শঅরানরে পহ্‌র দিবাত্যে বেলান্ বা চানানর্ কনঅ দরকার নেই, কিয়া গোজেনর্ মহিমাই সিয়েনত্ পহ্‌র দে আর ভেড়া-ছবো সিয়েনত্ চেরাগ;

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।