ফগদাং পেইয়্যে 21:17 - Chakma Bible

¹⁷ যেরেদি তে দেবালান্ মাবিলে পরেদি সিয়েন অজলদি অলঅ একশ চৌচোল্লিশ্ আঢ্। মান্‌জ্যে যেধোক্ক্যেন গুরি মাবন্ সেই স্বর্গদূত্‌তো সেধোক্ক্যেন গুরি মাপ্প্যে।

ফগদাং পেইয়্যে 21:17 ပူးပေါင်းရင်းမြစ်များ

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।

ফগদাং পেইয়্যে 13:18

ইয়েনি বুঝোদে বুদ্ধির্ দরকার। যিবের্ বুদ্ধি আঘে তে সেই য়েমান্নোর্ লম্বর্‌বো গুণি চোক্, কিয়া সিবে এক্কো মান্‌জ্যর নাঙর্ লম্বর্। আর সেই লম্বর্‌বো অলঅ ছয়শ ছয়ষট্টি।

ফগদাং পেইয়্যে 14:3

সেই সিংহাসনান্ আর সেই চের্‌বো জেদা প্রাণী আর সেই নেতাগুনো মুজুঙোত্ তারা এক্কো নুয়ো গীদ্ গাদন্। কনজনে সেই গীদ্‌তো শিগি ন-পারিলাক্; বানা সেই একশ চৌচল্লিশ্ আজার মানুচ্‌, যিগুনোরে পিত্‌থিমীর্ মানুচ্চুনো ভিদিরেত্তুন্ কিনি নেযা ওইয়্যে তারা শিগি পারিলাক্।

ফগদাং পেইয়্যে 21:16

শঅরান্ চেরকিত্যে-লাম্বা আর পাধাজ্জ্যেদি সং। যেরেদি তে সেই মাবিবার লুদিক্কোলোই শঅরান্ মাবিলে পরেদি দেগা গেলঅ সিয়েন লাম্বা, পাধাজ্জ্যে আর অজলদি দ্বি আজার চের্‌শ কিলোমিটার।

ফগদাং পেইয়্যে 21:9

যে সাতজন স্বর্গদূতো আঢত্ শেজ্ সাত্‌তান আঘাত-ভরা সাত্‌টো কদরা এলঅ তারাত্তুন্ একজনে মইধু এইনে কলঅ, “আয়, মুই তরে বৌ, অত্তাৎ ভেড়া-ছবোর্ মোগ্‌কোরে দেগাং।”

ফগদাং পেইয়্যে 7:4

সে পরেদি মুই সেই সীলমহ্‌র গোজ্জ্যে মানুচ্চুনোর সোংখ্যেগুন শুনিলুং। ইস্রায়েলীয়গুনোর বেক্‌ গুট্টিগুনোত্তুন্ বেক্কুনে একশঅ চৌচোল্লিশ্ আজার মান্‌জ্যরে সীলমহ্‌র গরা ওইয়্যে: