ফগদাং পেইয়্যে 21:11 - Chakma Bible

¹¹ সেই শঅরানর্ চোক্‌চোক্ক্যেকান্ ভারী বেশ্ পাত্তরর্ চোক্‌চোক্ক্যে ধোক্ক্যেন, ফুদিগো ধোক্ক্যেন তেল্‌তেল্যে হীরা ধোক্ক্যেন।

ফগদাং পেইয়্যে 21:11 ပူးပေါင်းရင်းမြစ်များ

ইয়োব 28:17

সনা বা মংগা আনা সমারেয়ো সিয়েনর তুলনা ন-অয়, সনার্ পিলের্ বদলেয়ো সিয়েন পাহ্ ন-যায়।

যিশাইয় 4:5

লগেপ্রভু সেদিন্যে সিয়োন মুড়োবোর্ বেক জাগায়ান উগুরে আর যিগুনে সিদু এগত্তর্ অবাক্ তারা উগুরে দিনোত্ ধূমো আর রেদোত্ জোল্‌জোল্যে আগুনো পহ্‌র গুরি দিবো; সিয়েন অবদে বেক্ ইস্রায়েলর মহিমাগান উগুরে যেন এক্কো চান্।‍‍‍‍‍

যিহিষ্কেল 1:22

সেই জেদা প্রাণিগুনোর্ মাঢা উগুরে কিজু এক্কান বিজেয়্যে এলঅ; সিয়েন বরফ ধোক্ক্যেন ঝিমিত্ ঝিমিত্ গরের্ আর দর্‌‌গরেপারা এলঅ।

যিহিষ্কেল 1:26

সিয়েনত্ নীলকান্তমণির সিংহাসন ধোক্ক্যেন কিজু এক্কান দেগা গেলঅ। সেই অজলত্ থেইয়্যে সিংহাসন উগুরে মান্‌‌জ্য সাইজো ধোক্ক্যেন একজনরে দেগা গেলঅ।

যিহিষ্কেল 28:16

তর্ বোউত্ বেবসার কারনে তুই অত্যেচারি ওইনে পাপ গুরিলে। সেনত্তে গোজেনর মুড়োবোত্তুন্ মুই তরে অসিজি অবস্থায় ধাবেই দিলুং। ও রোক্ষ্যেগুরিয়্যে করূব, মুই তরে আগুনো ধোক্ক্যেন চক্‌‌‌‌‌‌চক্ গোজ্যে পাত্তর ভিদিরেত্তুন্ সোরেই দিলুং।

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 48:35

শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”

ফগদাং পেইয়্যে 15:8

গোজেনর্ মহিমা আর খেমতাগানত্তুন যে ধূমোগান নিগিলের্ সেই ধূমোগান্দোই উবোসনা-ঘরান ভুরিলো। সেই সাতজন স্বর্গদূতোর্ সাত্‌তান আঘাত থুম্ ন-অনা সং কেঅ সেই উবোসনা-ঘরত সোমেই ন-পারিলাক্।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:5

রেত্ আর ন-থেবঅ আর তারার্ আর চেরাগ পহ্‌র বা বেল পহ্‌রর্ দরকার ন-অবঅ, কিয়া প্রভু গোজেনে নিজেই তারার পহ্‌র অবঅ। তারা উমর্ সং রাজাগিরি গুরিবাক্।

ফগদাং পেইয়্যে 4:3

তা চেঙারাগান্ ঠিগ্ হীরা আর সার্দীয় মণি ধোক্ক্যেন। সিংহাসনানর চেরোকিত্ত্যেদি এক্কান রান্‌‌জনী এলঅ; সিয়েন দেগদে ঠিগ্ এক্কান পান্না ধোক্ক্যেন।

ফগদাং পেইয়্যে 4:6

সেই সিংহাসনান মুজুঙোত্ যেন ফুদিগো ধোক্ক্যেন পোত্‌পোত্যে এক্কান কাচ ধোক্ক্যেন সাগর এলঅ। সেই সিংহাসনান সংমধ্যে সিংহাসনানর চেরোকিত্যেদি চেরজন জেদা পরাণবলা এলাক্। সিগুনোর্ মুজুঙেদি আর পিজেদি চোগ্‌কোই ভরণ এলাক্।