ফগদাং পেইয়্যে 20:13 - Chakma Bible

¹³ যিদুক্কুন মরা মানুচ্ সাগরত্ এলাক্, সাগরানে তারারে তুলি দিলো। ইয়েন বাদে মরণ আর চিদাখলাত্ যিদুক্কুন মরা মানুচ্ এলাক্, মরণ আর চিদাখলাগানিয়ে তারারে ফিরেই দিলো। পত্তিজনরে তার্ কাম মজিম বিচের্ গরা অলঅ।

ফগদাং পেইয়্যে 20:13 ပူးပေါင်းရင်းမြစ်များ

যিশাইয় 26:19

মাত্তর্ তঅ মরা মানুচ্চুনে বাঁজিবাক্; তারার্ কিয়্যেনি জেদা অবঅ। তুমি যিগুনে ধূল্যেত্ বজত্তি গরর্, তুমি জাগি উদো আর হুজিয়ে রঅ ছাড়। বেন্যে শিরো পানিয়ে যেধোক্ক্যেন্ পিত্‌থিমীগানরে পোত্‌পোত্যে গরে সেধোক্ক্যেন্ গুরি তুই মরাগুনোরে জিংকানি দিবে।

হোশেয় 13:14

“মরণ জাগানর্ খেমতাত্তুন্ মুই মূল্য দিইনে তারে ছাড়েই আনিম। মরণত্তুন্ মুই তারে উদ্ধোর্ গুরিম। ও মরণান্, মর্ ভানাগানি বেক্কানি কুত্তুন্? ও মরণ জাগায়ান, কুদু তর্ ভস্ত? মুই কনঅ মেয়্যে ন-গুরিম। ‌ ‌

মথি লেখ্যে গম্ হবর্ 11:23

আর তুই কফরনাহূম! তুই নাকি স্বর্গয়ান সং অজলত্ উদিবে? কনদিন্অ নয়, তরে তলেদি নরগত্ ফেলেই দিয়্যে অবঅ। যেদক্কানি আমক্ অবার্ কাম্ তঅ ভিদিরে গরা ওইয়্যে সিয়েনি যুনি সদোম শঅরত্ গরা অদঅ সালে সদোমান্ এজঅ ঠিগি থেদঅ।

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

১ করিন্হীয় 15:26

শেষ শত্রুবো যে মরণান্, তারেয়ো ভস্ত গরা অবঅ।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 20:14

যেরেদি মরণ আর চিদাখলাগানরে আগুনো পুয়োরত্ ফেলেই দিয়্যে অলঅ। এই আগুনো পুয়োরত্ পড়ানা অলঅ দ্বি পল্লা মরানা। যিগুনোর নাঙান্ সেই জিংকানি-বোইবোত্ পাহ্ ন-গেলঅ, তারারেয়ো আগুনো পুয়োরত্ ফেলেই দিয়্যে অলঅ।

ফগদাং পেইয়্যে 21:4

তে তারার্ চোগো পানি পুজি দিবো। মরণ আর ন-অবঅ; দুঘ্, কানানা, আর পীড়ে আর্ ন-থেবঅ, কিয়া আগর্ বেক্কানি থুম্ ওই যেয়্যে।”

ফগদাং পেইয়্যে 6:8

সেক্কে মুই এক্কো য়্যেল্ রঙর্ ঘোড়া দেগিলুং। যিবে সেই ঘোড়াবো উগুরে বৈ এলঅ তা নাঙান্ মরণ; আর মরণর্ জাগায়ান ঠিগ্ তা পিজে পিজে আদের্। পিত্‌থিমীর চের্ ভাগর এক ভাগ উগুরে তারারে খেমতা দিয়্যে অলঅ, যেন তারা ছুরি, ভাদরাদ্, মরণ আর পিত্‌থিমীর ঝার্‌বো য়েমান্দোই মানুচ্চুনোরে মারে ফেলান।