ফগদাং পেইয়্যে 20:10 - Chakma Bible

¹⁰ যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 20:10 ပူးပေါင်းရင်းမြစ်များ

দানিয়েল 7:11

মুই দেগিলুং উই শিঙো সেক্কেও বাড়্‌‌‌‌‌‌বো গুরিনে কধা কর্। সেই য়েমান্নোরে যেদক্কন সং কাবি ফেলা ন-অলঅ সেদক্কন সং মুই রিনি চেই রলুং। তা কিয়্যেগান ভস্ত গুরিনে জ্বোল্‌‌‌‌‌‌জোল্যে আগুনোত্ ফেলেই দিয়্যে অলঅ।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 25:46

সে পরেদি যীশু কলঅ, “এই মানুচ্চুন্ উমরত্তে সাজা পেবাক্, মাত্তর্ সেই গোজেন্ ভক্ত মানুচ্চুনে উমর জিংকানি ভোগ্ গুরিবাত্তে যেবাক্।”

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

ফগদাং পেইয়্যে 16:13

সেক্কে মুই বেঙ ধোক্ক্যেন তিন্নো ভান্ন্যেই আত্মা দেগিলুং। সিগুন সেই দানব, সেই য়েমান্নো আর সেই ফক্কর ভাববাদীবো মুয়োত্তুন্ নিগিলি এত্তন্।

ফগদাং পেইয়্যে 19:20

সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 20:8

তে সেক্কে যেইনে গোদা পিত্‌থিমীর জাদ্‌তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।

ফগদাং পেইয়্যে 9:17

জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।