ফগদাং পেইয়্যে 2:20 - Chakma Bible

²⁰ তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

ফগদাং পেইয়্যে 2:20 ပူးပေါင်းရင်းမြစ်များ

১ রাজাবলী 16:31

নবাটর পূঅবো যারবিয়ামে যেদক্কানি পাপ গোজ্যে সিয়েনিরে তে সামান্য বেপার্‌ বিলিনে মনে গুরিদো। বানা সিয়েনি নয়, তে সীদোনীয়গুনোর রাজা ইৎবালর ঝি ঈষেবলরে লল আর বাল দেবেদার সেবা আর পূজো গরা ধুরিলো।

১ রাজাবলী 17:13

এলিয় তারে কলঅ, “ন-দোরেচ্‌। যিয়েন্‌ কলে ঘরত্‌ যেইনে সিয়েন গর্‌। মাত্তর্‌ তর্‌ যিয়েনি আঘে সিয়োত্তুন্‌ আগে আমাত্তে এক্কান্‌ চিগোন রুটি বানেইনে আন। সে পরেন্দি তর্‌ আর তর্‌ পূঅবোত্তে রুটি বানা।

১ রাজাবলী 17:4

তুই সে গঙার্‌ পানিগান হেবে আর সিদু তরে হানা দিবাত্তে মুই কবাগুনোরে ঠিগ্‌ গুরি রাগেয়োঙ্‌।”

২ রাজাবলী 9:22

যোরামে যেহূরে দেগিনে পূযোর্‌ গুরিলো, “যেহূ, তর্ এজানার্‌ উদ্দেশ্যগান্‌ গম্‌ দঅ?” জোবত্‌ যেহূ কলঅ, “তর্‌ মাবো ঈষেবলর মূত্তিপূজো আর যাদুবিদ্যের কামানি যেক্কে এদক্‌ বেশ্‌ চলের্‌ সেক্কে মর্‌ এজানার্‌ উদ্দেশ্যগান কেন্‌জানগুরিনে গম্‌ ওই পারে?”

২ রাজাবলী 9:7

তর্‌ গিরোজ্‌ আহাবর বংশবোরে তুই ভস্ত গুরিবে। ঈষেবলে মঅ চাগরুনোরে, অত্তাৎ ভাববাদীগুনোরে আর লগেপ্রভুর অন্য বেক্‌ চাগরুনোরে যে লো ঝোরেয়্যে সিয়েনর হেনাবো মুই সুজিম্‌।

যাত্রা 34:15

যিগুনে সেই দেজত্‌ বজত্তি গত্তন্‌ তারা লগে কনঅ‌ চুক্তি ন-গুরিবা, কিত্তে তারা যেক্কে ভান্ন্যেই মনভাব্‌পোই তারার্‌ দেবেদা পূজোত্‌ নিজোরে তুলি দিবাক্‌ আর সিগুনোর্‌ নাঙে য়েমান্‌ ডালি দিবাক্‌ সেক্কে তারা তমারে বাত্যেবাক্‌ আর তুমি তারার্‌ ডালি দিয়্যে য়েরানি হেবা।

যিহিষ্কেল 13:17

সে পরেদি লগেপ্রভু মরে কলঅ, ও মান্‌জ্যর্ পুয়োবো, তঅ জাদর্ যে মিলেগুনে ভাববাদী ইজেবে নিজোরে মনেমনজক্কা কধা কন্ ইক্কিনে তুই তারা বিরুদ্ধে থিয়্যে। তুই তারা বিরুদ্ধে এ কধানি কঅ,

প্রেরিত্‌ 15:20

সিয়েনত্তুন্ বরং আমি তারা ইধু এ কধাগান লিগিই যে, তারা যেন মূত্তি সমারে এগত্তর্ বেক্কানিত্তুন্ আর বেক্‌ সিনেলিত্তুন্ দূরোত্ থান্, আর তদা চিবিনে মাজ্যে য়েমান য়েরা আর লো যেন তারা ন-খান্।

প্রেরিত্‌ 15:29

সেই দরকারী বেপারানি অলঅ-তুমি মূর্ত্তি ইধু উৎসর্ব গোজ্যে হানা ন-হেবা, লো ন-হেবা, তদা চিবিনে মাজ্যে য়েমান য়েরা ন-হেবা আর কনঅ বাবোত্যে সিনেলী ন-গুরিবা। ইয়েনি গরানাত্তুন্ দূরোত্ থেলে তুমি গম্ গুরিবা। বিদায়।”

১ করিন্হীয় 10:28

মাত্তর্ যুনি কেঅ তমারে কয়, ইয়েন মূত্তিবো ইধু উৎসর্ব গরা ওইয়্যে, সালে যে সিয়েন কোইয়্যে তাত্যে আর বিবেগত্যে সিয়েন ন-হেইয়ো।

ফগদাং পেইয়্যে 2:14

মাত্তর্ তো তঅ বিরুদ্ধে মর্ কিজু কবার আঘে। তইধু এমন্‌ মানুচ্চুন আঘন যিগুনে বিলিয়মর শিক্ষ্যে মজিম চলন্। বালাক রাজারে বিলিয়মে শিক্ষ্যে দিয়্যে যেনে তে মূত্তি মুজুঙোত্ উৎসর্ব গোজ্জ্যে হেবার হানা আর পর্‌পাগোল্যে অনালোই ইস্রায়েলীয়গুনোরে পাপ পধেদি নেযায়।

ফগদাং পেইয়্যে 2:4

তো তঅ বিরুদ্ধে মর্ এ কধাগান কবার্ আঘে, মঅ উগুরে পত্তমে তর্ যেবাবোত্যে কোচ্‌পানাগান এলঅ সিয়েন তুই আযেই ফেলেয়োচ্।