ফগদাং পেইয়্যে 19:20 - Chakma Bible

²⁰ সেই য়েমান্নোরে ধরা অলঅ আর যে ফক্কর্ ভাববাদীবো তার্ ওইনে আমক্ কাম গত্ত তারেয়ো ধরা অলঅ। যিগুনে সেই য়েমান্নোর্ চিহ্নোগান মানি লোইয়োন আর তা মূত্তিবোর পূজো গুরিদাক্ সেই ভন্ড ভাববাদীবো সেই আমক্ কামানিলোই তারারে ভুলেই রাগেয়্যে। জ্বোল্‌‌‌জোল্যে গন্ধক আগুনো হ্রদত্ জেদাবাদে এ দ্বিজনরে ফেলেই দিয়্যে অলঅ।

ফগদাং পেইয়্যে 19:20 ပူးပေါင်းရင်းမြစ်များ

পত্থম 19:24

সে পরেদি লগেপ্রভু স্বর্গর লগেপ্রভুত্তুন্‌ সদোম্‌ আর ঘমোরা উগুরে গন্ধক আর আগুনো ঝড় আরাম্ভ গুরিলো।

ইয়োব 18:15

তা তাম্বুলোত্‌ তার্‌ নিজোর কিচ্ছু ন-থেবঅ; তা থেবার্‌ ঘরান উগুরে জোল্‌জোল্যে গন্ধক ছিদি দিয়্যে অবঅ।

গীতসংহিতা 11:6

তে পাজিগুনোরে দজা পাদেব; তারার্ ভাগ্যত্ আগেদে আগুন, ধোক্‌‌‌ধোক্যে‌ আঙারা আর আগুনো ধোক্ক্যেন্ বোইয়্যের্।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

যিশাইয় 34:9

ইদোমর্ পানি গঙারুন্ মাত্যে তেল্‌লোই ভুরি যেবঅ, সিয়েনর্ ধূল্যেগানি অবঅ গন্ধক্‌‌‌কোই ভরা, সেনত্তে দেজর্ মাদিগান অবঅ জোল্‌জোল্যে মাত্যেতেল্।‌

যিহিষ্কেল 24:5

পালত্তুন্ সেরা ভেড়াবো নেযা; পিলেবো তলে দার্‌‌‌বো সাজা; সিবে গমেডালে উজিনে আড়ুন্ রান্।

যিহিষ্কেল 38:22

মুই ভানা আর লো ঝোরেইনে গোগরে সাজা দিম্; মুই অমকদ ঝড়, শিল্ আর জ্বোল্ জোল্যে গন্ধক তা উগুরে, তা সৈন্যগুনো উগুরে আর তা লগে বেক্ জাদ উগুরে ঢালি দিম।

দানিয়েল 11:45

সাগর আর দোল্ সুদ্ধো-সাংগ মুড়োবোর্ সংমোধ্যে তে তার্ রাজ-তাম্বুলান্ টাঙেব। তো তার শেজ্ আজিলান্ অবঅ, কনজনে তারে বল্ ন-দিবাক্।

দানিয়েল 8:24

তে অমকদ বোলী অবঅ, মাত্তর্ নিজো বল্লোই নয়। তে জদবদে ভস্ত গুরিবো আর তে যিয়েনি গুরিবো সিয়েনিত্ ফোলেব। তে খেমতাবলা মানুচ্চুনোরে আর গোজেনর মানুচ্চুনোরে ভস্ত গুরিবো।

দানিয়েল 8:26

“তরে সাজোন্যে আর বেন্যেমাদান্ উৎসর্বর পৌইদ্যেনে যে দর্শনান্ দেগা ওইয়্যে সিয়েন সত্য, মাত্তর্ এ দর্শনান্ সীলমহ্‌‌‌র গুরি রাগা, কিত্যে সিয়েন ভবিচ্চদে বোউত্ পরেদি অবঅ।”

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

দ্বি’লম্বর বিররণ 29:23

পুরো দেজ্‌ছান নুন্দোই আর গন্ধরক্‌কোই পড়ি থেবঅ। সেক্কে কিচ্চু লাগা ন-অবঅ, কিচ্ছু ন-উদিবো আর কনঅ ঘাস বা ঝুপ্‌-ঝাড় সিয়েন উগুরে ন-থেবঅ। এ দেজর অবস্থা অবঅ সদোম, ঘমোরা, অদ্‌মা আর সবোয়িমো ধোক্ক্যেন, যিয়েন লগেপ্রভু তার অমকদ রাগে জুলি উদিনে ভস্ত গুরি দিয়্যে।

যিহোশূয় 8:23

মাত্তর্ অয় শঅরর্‌ রাজাবোরে তারা জেদা অবস্থায় ধুরিনে যিহোশূয় ইদু নেযেলাক্‌।

ফগদাং পেইয়্যে 14:10

সালে তাত্তুন্ গোজেনর্ রাগর্ মদ হা পড়িবো। এই মদ সমারে পানি ন-মিজেইনে গোজেনর্ রাগর্ গলজত্ ঢালি দিয়্যে ওইয়্যে। পবিত্র স্বর্গদুত্‌তুনোর্ আর ভেড়া-ছবোর্ মুজুঙোত্ আগুন আর গন্ধক্‌কোই সেই মানুচ্চোরে যস্ত্রণা দিয়্যে অবঅ।

ফগদাং পেইয়্যে 17:12

“যে দোচ্চো শিং তুই দেখ্যচ্ সিগুন অলাক্ দশজন রাজা। তারা এজঅ রাজাগিরি গরানা আরাম্ভ ন-গরন, মাত্তর্ তারা সেই য়েমান্নো সমারে কানক্কনত্যে রাজা ইজেবে রাজাগিরি গুরিবার খেমতা পেবাক্।

ফগদাং পেইয়্যে 19:19

সে পরেদি মুই দেগিলুং, যিবে সেই ঘোড়াবো উগুরে বৈ এলঅ তার আর তা সৈন্যগুনোর বিরুদ্ধে যুদ্ধো গুরিবাত্যে সেই য়েমান্নো আর পিত্‌থিমীর রাজাগুনে তারার্ সৈন্যগুন লোইনে এক সমারে থুবেইয়োন।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।

ফগদাং পেইয়্যে 9:17

জ্ঞানেদি যে ঘোড়াগুন আর সিগুনো উগুরে যিগুনোরে মুই দেগিলুং তারার চেঙারাগানি এবাবোত্যে এলঅ-তারার্ বুক্ রোক্ষ্যে গুরিবার পজাক্ এলঅ আগুনো ধোক্ক্যেন রাঙা, য়্যেল্ আর গন্ধক ধোক্ক্যেন ওলোত্যে রঙর্। ঘোড়াগুনোর মাঢাগুন এলদে সিংহ মাঢা ধোক্ক্যেন আর সিগুনোর্ মুয়োত্তুন্ আগুন, ধূমো আর গন্ধক নিগিলের্।