ফগদাং পেইয়্যে 18:8 - Chakma Bible

⁸ সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”

ফগদাং পেইয়্যে 18:8 ပူးပေါင်းရင်းမြစ်များ

ইয়োব 9:19

ইয়েন্‌ যুনি বল্ বেপার্‌ অয় সালে তে দঅ খেমতাবলা; যুনি বিচেরর্‌ বেপার অয় সালে কন্না তা বিরুদ্ধে সময়ান্‌ ঠিগ্‌ গুরি দিবো?

গীতসংহিতা 62:11

বেক্ বলান গোজেনর আঢত্- এ কধাগান তে ভালোক্‌বার কোইয়্যে, আর মুইয়ো সিয়েন ভালোক্‌বার শুন্যং।

যিশাইয় 27:1

সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

যিশাইয় 9:14

সেনত্তে লগেপ্রভু ইস্রায়েলর খাজোর্ গাজ ডেলা আর নল-খাগড়া, অত্তাৎ মাঢা আর লেজ্‌চান একই দিনোত্ কাবি ফেলেব।

যিরমিয় 50:31

মুই বেগত্তুন্ খেমতাবলা প্রভু লগেপ্রভু কঙর্, ও বাড়্‌‌বোগুরিয়্যে, চাহ্, মুই তঅ বিরুদ্ধে, কিত্তে তর্ সাজা পেবার সময় এচ্চ্যে।‌‌

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

যিরমিয় 51:58

বাবিল দাডঅ দেবালান্ ভাঙিনে সং গুরি ফেলা অবঅ আর তার অজল্ গেট্‌‌‌‌‌‌‌‌‌‌‌তুনোত্ আগুন ধুরি দিয়্যে অবঅ। মানুচ্চুনে মিজে মিজে নিজোরে বল্‌পোজ্যে গুরিবাক্, জাদ্‌‌‌‌‌‌‌‌‌‌‌তুনোর কামর্ ফল আগুনোত্ পড়ি যেবঅ।”

যিরমিয় 51:6

তুমি বাবিলত্তুন্ ধেই যঅ। তুমি পত্তিজনে নিজো নিজো জিংকানিগানি রোক্ষ্যে গরঅ। তা পাপত্তে তুমি ভস্ত ওই ন-যেয়ো। লগেপ্রভুর হেনা সুজিবার্ অক্ত ওইয়্যে; তার যিয়েন পেবার্ তারে তে সিয়েন দিবো।

যোয়েল 2:11

লগেপ্রভু তা সৈন্যদলর্ আগে আগে থেইনে রঅ ছাড়িনে তা মুয়োর্ রবো শুনোই; তা সৈন্যদলর সোংখ্যে গুণো ন-যায় আর যিগুনে তা উগুমান পালান্ তারা খেমতাবলা। লগেপ্রভুর দিন্নো মহৎ আর দর্‌গরেপারা; কন্না সিবে সোজ্য গুরি পারে?

১ করিন্হীয় 10:22

ইয়েন গুরিনে কি আমি ঘেচ্চ্যেকগুরি প্রভুর মনর্ জ্বালা জাগেই তুলিবাত্তে চেইর্? আমি কি তাত্তুন্ বেশ্ খেমতাবলা?

ফগদাং পেইয়্যে 11:17

“বেগত্তুন্ খেমতাবলা প্রভু গোজেন, তুই আঘচ্ আর তুই আগে এলে। আমি তরে ভালেদি জানেই, কিত্যেই তুই তর্ দাঙর্ খেমতালোই রাজাগিরি গত্তে আরাম্ভ গোজ্জ্যস্।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।

ফগদাং পেইয়্যে 17:18

যে মিলেবোরে তুই দেখ্যচ্ তে অলঅ সেই নাঙ্-গোজ্জ্যে শঅরান্, যে জগদর্ বেক্ রাজাগুনো উগুরে রাজাগিরি গরের্।”

ফগদাং পেইয়্যে 18:17

এদক্ কম সময়ো ভিদিরে তর্ এমন বেক ধন-সোম্বোত্তিগানি বর্‌বাদ্ ওই যেইয়্যে!” জাহাজর্ আজল্ ধর্মগুরুগুন, পানি পধেদি যেইয়্যেগুন, নাবিক্কুন আর সাগরত্ যিগুনে বেবসা-বানিজ্য গরন তারা বেক্কুনে দূরোত্ থিয়্যেই থেলাক্।

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”

ফগদাং পেইয়্যে 19:3

তারা দ্বিবার্ কলাক্, “হাল্লেলূয়া! তা ভিদিরেত্তুন্ উমর সং ধূমো উদোনাত্ থেবঅ।”