ফগদাং পেইয়্যে 18:7 - Chakma Bible

⁷ তে নিজো পৌইদ্যেনে যেদক্ বেশ্ দেমাগ্ গোজ্জ্যে, যেদক্ বেশ্ উবোল্‌পাল্ গুরি বজত্তি গোজ্জ্যে, ঠিগ্ সেত্তমান যন্ত্রণা আর দুঘ্ তারে দে; কিয়া তা মনভিদিরে সেবাবোত্যেগুরি, ‘মুই দঅ রাণী ওইনে বৈ আঘং, মুই রানি মিলে নয়; কনঅ বাবদে মুই দুঘ্ ভুগি ন-পারিম।’

ফগদাং পেইয়্যে 18:7 ပူးပေါင်းရင်းမြစ်များ

ইষ্টের 6:10

সেক্কে রাজা হামনরে উগুম দিলো, “তুই ইক্কিনে যেইনে রাজপোজাক্‌ আর ঘোড়াবো নেযেইনে যেধোক্কেন্‌ কলে রাজঘরর্‌ গেদোত্‌ বোস্যে সেই যিহূদী মর্দখয়র উগুরে সেধোক্কেন্‌ গর্‌। তুই যিয়েনি যিয়েনি কলে সিয়েনির কনগান্ যেনে য়েলাফেলা গরা ন-অয়।”

গীতসংহিতা 10:6

তে মনে মনে কয়দে, “এমন্ কিজু নেই যিয়েনে মরে লারেই পারে; মর্ দজা কনঅ কালত্ ন-অবঅ।”

গীতসংহিতা 45:9

তর্ সর্মানিত মিলেগুনো ভিদিরে রাজার্ ঝিগুনে আগন, আর রাজার-বৌগুনে ওফীর দেজর সনালোই সাজিনে তর্ ডেনেন্দি আগন্।

যিরমিয় 13:18

লগেপ্রভু মরে কলঅ, তুই রাজা আর তা মাবোরে কঅ, “তুমি সিংহাসনত্তুন্ লামি এজঅ, কিত্তে তমার দোল্ মুকুট্‌‌‍‍‍‍টো তমা মাঢাত্তুন্ পড়িবো।

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

যিহিষ্কেল 23:34

তুই সিবেত্ হেবে, লেই-লেই হেবে; তুই সিবে ভাঙিনে কট্টা কট্টা গুরিবে আর নিজো বুক্কো ফাদি ফেলেবে। ইয়েন অলঅ মর্ বিচেরর্ রায়।

ওবদিয় 1:3

তুই পাত্তরর্ মুড়ো ফাদা সেরে বজত্তি গর্ আর অজল্ অজল্ জাগাত্ থাগ্ আর মনে মনে কঅ, কন্না মরে মাদিত্ লামেই পারিবো? মাত্তর্ তঅ মনর্ অহংকারানে তরে ঠোগেয়্যে।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

১ তীমথিয় 5:11

গাবুজ্জ্যে রানি মিলেগুনোর্ নাঙানি রানিমিলে লিষ্টিত্ ন-লেখ্য, কিয়া যেক্কে তারার্ বো যেবার মন থেলে খ্রীষ্ট উগুরে তারার্ ভোক্তি কুমি এজে সেক্কে তারা নেগ্ লবাত্যে চান্।

ফগদাং পেইয়্যে 18:3

কিয়া তে তার্ বেভিচারর্ দর্‌গরেপারা মদ্‌তান বেক জাদ্‌তুনোরে হেবাত্যে দিয়্যে। পিত্‌থিমীর রাজাগুনে তা সমারে বেভিচের গোজ্জ্যন, আর পিত্‌থিমীর বেবসায়ীগুনে তার্ লাগাম-নেইয়্যে কামনালোই থাগোইয়্যে ওইয়োন।”

ফগদাং পেইয়্যে 18:9

পিত্‌থিমীর্ যিদুক্কুন্ রাজা তা সমারে বেভিচের্ গোজ্জ্যন আর উবোল্‌পাল্ গুরি তা সমারে বজত্তি গোজ্জ্যন তারা তারে পুড়ি ফেলেবার্ সময়োত্ ধূমো দেগিনে কানিবাক্ আর তাত্যে দুঘ্ পেবাক্।