ফগদাং পেইয়্যে 18:20 - Chakma Bible

²⁰ সেক্কে সেই স্বর্গদূত্‌‌তো কলঅ, “ও স্বর্গগান, সেই শঅরানর্ ভস্ত অনাত্যে হুজি অ। গোজেনর্ মানুচ্চুন, দ্বিপাদেয়্যেগুন আর ভাববাদীগুন, হুজী অ। তমা বিরুদ্ধে তে যাহ্ গোজ্জ্যে সিয়েনত্যে গোজেনে তা বিচেরান গোজ্জ্যে।”

ফগদাং পেইয়্যে 18:20 ပူးပေါင်းရင်းမြစ်များ

গীতসংহিতা 107:42

গোজেন ভক্ত মানুচ্চুনে সিয়েনি দেগিনে হুজি অন, মাত্তর্ অন্যেয়গুরিয়্যেগুনে মুয়োন ন-খুলোদে বাধ্য অন্।

গীতসংহিতা 109:28

তারা অভিশাব্ দেদোক্, মাত্তর্ তুই বর্ দে; তারা মঅ বিরুদ্ধে লাগিলে লাজত্ পড়িবাক্, মাত্তর্ তঅ চাগর্‌বো হুজি অবঅ।

গীতসংহিতা 18:47

তেয়ই অন্য জাদ্‌তুনোরে মঅ অধীনোত্ আনে আর মঅ পক্ষেদি তারার্ পাওনা সাজা দে।

গীতসংহিতা 48:11

তর্ ন্যায়বিচের্ দেগিনে সিয়োন মুড়োবো হুজি ওক্ আর যিহূদার আদামানিয়ে ফুত্তি গোরোক্।

গীতসংহিতা 58:10

তারা উগুরে হেনা শুজো অলে গোজেন ভক্তগুনে হুজি অবাক্; তারা পাজিগুনোর লো-লোই টেং ধবাক্।

গীতসংহিতা 94:1

ও লগেপ্রভু, অন্যেয়র্ সাজা দিবার অধিকারী গোজেন, ও অন্যেয়র্ সাজা দিবার অধিকারী গোজেন, তর্‌ পহ্‌রান ফগদাং ওক্।

গম্ উপদেজ্ 11:10

গোজেন ভক্তগুনোর্ ভালেদি অলে শঅরত্ রঙ্গফুত্তি অয়, আর পাজিগুনে ভস্ত অলে মান্‌জ্যে হুজিয়ে রঅ ছাড়ন্।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিশাইয় 44:23

ও আগাজ্‌চান, হুজিয়ে গিদ্ গাহ্, ‍‍ কিত্তে লগেপ্রভু ইয়েন গোজ্যে। ও পিত্‌থিমীর গভিন্ জাগায়ানি, জয় ধুনি দে।‍‍‍ ও মুড়ো-মুড়িগুন্, ও ঝার্ আর সিয়েনর গাজ্-বাজ্‌চুন্, তুমি হুজিয়ে-গানে ফুত্তি গরঅ, কিত্তে লগেপ্রভু যাকোবরে উদ্ধোর্ গোজ্যে আর ইস্রায়েলর্ মাধ্যমে তার বাঈনী গরানা ফগদাং গুরিবো।

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

সফনিয় 3:15

লগেপ্রভু তঅ সাজাগান দূর্ গুরি দিয়্যে, তে তর্ শত্রুগুনোরে ধাবেই দিয়্যে। ইস্রায়েলর রাজা লগেপ্রভু তঅ ভিদিরে আঘে; তুই আর কনদিন্‌অ অমংগলত্তে ন-দোরেবে।

ইফিষীয় 2:20

প্রচারক আর ভাববাদীগুনে অলাক্ গড়াগান্ আর সেই গড়াগানর্ আজল্ পাত্তর্‌বো খ্রীষ্ট যীশু নিজে। সেই গড়াগান উগুরে তমারে তুল ওইয়্যে।

ইফিষীয় 3:5

সেই গুমুরো উদ্দেচ্চ্যগান পবিত্র আত্মালোই ইক্কিনে যেবাবোত্যেগুরি তার্ পবিত্র প্রচারক আর ভাববাদীগুনো ইধু ফগদাং ওইয়্যে, আগদি বেক্‌ যুগোর্ মানুচ্চুনো ইধু সেবাবোত্যেগুরি ফগদাং ন-অয়।

ইফিষীয় 4:11

তে কুদুক্কুন মান্‌জ্যরে দূত, কুদুক্কুন মান্‌জ্যরে ভাববাদী, কুদুক্কুন মান্‌জ্যরে গম হবর্ প্রচার গুরিয়্যে আর কুদুক্কুন মান্‌জ্যরে পালক আর মাষ্টর ইজেবে নেযেল।

দ্বি’লম্বর বিররণ 32:42

মারে ফেলেইয়্যে আর বন্দী মানুচ্চুনোর লো হেইয়্যে মর্‌ সেলুনোরে মুই মাত্তল্‌ গুরি তুলিম্‌; মর্‌ তলোয়ারানে য়েরা হেবঅ, লাম্বা-চুলবলাবো শত্রুর মাদাবোর যেরা হেবঅ।”

২ পিতর 3:2

পবিত্র ভাববাদীগুনে যেদক্কানি কধা আগেদি কোই যেইয়োন সিয়েনি আর তমার দিপাধেয়্যেগুনোরে দিইনে আমার প্রভু আর উদ্ধোর্ গুরিয়্যেবো যে উগুমানি দি যেইয়্যে, মুই চাং যেন তুমি সিয়েনি মনত্ রাগঅ।

যিহূদা 1:17

মাত্তর্ কোচ্‌পেইয়্যে ভেইয়ুন, যেদক্কানি কধা আমা প্রভু যীশু খ্রীষ্টর্ দূত্‌তুনে আগেদি কোইয়োন সিয়েনি তুমি ইদোত্ গুরি চঅ।

ফগদাং পেইয়্যে 12:12

“সেনত্যে ও স্বর্গগান, হুজী অ; তুমি যিগুনে সিধু বজত্তি গরঅ, হুজী অ। মাত্তর্ পিত্‌থিমী আর দোজ্জ্যে সাগরান, অভিশাব্ দুয়োং তমারে! কিয়া শদানে তমা উগুরে লামি এচ্চ্যে। শদানে রাগে ফুলি উত্ত্যে, কিয়া তে কোই পারে তা সময়ান আর্ বেশ্ নেই।”

ফগদাং পেইয়্যে 18:6

তে অন্যগুনো সমারে যেবাবোত্যে বেবহার গোজ্জ্যে তা সমারেয়ো সেবাবোত্যে বেবহার গর্; তা কামানির্ পুরোপুরি ফল তারে দে। যে গলজ ভিদিরে তে অন্যগুনোত্যে ভান্ন্যেই মিজেদ, সিয়েনত্ তার পুরোপুরি সাজা মিজেইনে তারে হেবাত্যে দে।

ফগদাং পেইয়্যে 6:10

তারা দাঙর্ দাঙর্ রঅ ছাড়িনে কলাক্, “ও পবিত্র আর সত্যময় প্রভু, যিগুনে এ পিত্‌থিমীর, তারারে বিচের্ গত্তে আর তারা উগুরে আমার লোর্ হেনা শুজোধে তুই আর কদক্ দেরি গুরিবে?”

বিচের গুরিয়্যেগুন 5:31

ও লগেপ্রভু, তর্‌ শত্রুগুনে বেক্কুনে এধোক্কেন্‌ গুরিনে শেজ্‌ ওই যাদোক্‌; মাত্তর্‌ যিগুনে তরে কোচ্‌পান তারা যেনে বেলান ধোক্কেন্‌ পহ্‌র ওই উদোন্‌। ইয়েনর্ পরেন্দি দেজত্‌ চোল্লিশ বজর সং সুখ-শান্দি এলঅ।