ফগদাং পেইয়্যে 18:14 - Chakma Bible

¹⁴ সেই বেবসায়ীগুনে কবাক্, “যে ফল তুই লাভ গুরিবাত্যে চেইয়োচ্ সিয়েন তত্তুন্ দূরোত্ সুরি যেইয়্যে; তর বেক্‌ ধন আর সয়সাগোজ্জ্যেগানি ভস্ত ওই যেইয়্যে। মান্‌জ্যে আর কনদিনঅ সিয়েনি ন-পেবাক্।”

ফগদাং পেইয়্যে 18:14 ပူးပေါင်းရင်းမြစ်များ

গীতসংহিতা 106:14

ধূল্যেচর-চাগালাত্ তারা লুভ্ গুরিনে গোজেনরে যগা চেলাক্।

গীতসংহিতা 78:18

তারার আওজ্ মজিম হানা দাবি গুরিনে মনে মনে তারা গোজেনরে জগা চেলাক্।

গণাণা 11:34

সেনত্তে সেই জাগায়ানর্‌ নাঙ্‌ দিয়া অলঅ কিব্রোৎ-হত্তাবা (যিয়েনর্ ভেদ্‌তান্ “লুভী মানুচ্চুনোর্‌ ছবাশাল্‌”), কিত্যে মানুচ্চুনে সিয়েনত্‌ লুভীগুনোরে গারেয়োন।

গণাণা 11:4

ইস্রায়েলীয়গুনো লগে অন্য জাদর্‌ যে মানুচ্চুনে এলাক্‌ তারা আরেক বাবোত্যে হানার্‌ লুভে পাগল্‌ ওই উদিলাক। তারার্‌ মজুঙো-মুজুঙি ইস্রায়েলীয়গুনে আরঅ‌ কানাকুদি গুরিনে কুয়ো ধুরিলাক, “হায়, যুনি আমি য়েরা হেই পেদং!

মথি লেখ্যে গম্ হবর্ 11:8

সিয়েন ন-অলে কি চেবাত্তে যেইয়ো? দোল্ কাবড় উজ্যে কনঅ মান্‌জ্যরে চেবাত্তে নাকি? আজলে যিগুনে দোল্ কাবড় উরোন্ তারা রাজঘরত্ থান্।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।

১ করিন্হীয় 10:6

আমি যেনে দেগিনে শিগি পারিই সেনত্তে ইয়েনি বেক্কানি ঘোট্ট্যে, যেন তারা যেবাবোত্যে ভান্ন্যেয় পৌইদ্যেনে লুভ্ গোজ্জ্যন আমি সেবাবোত্যে ন-গুরিই।

যাকোব 4:2

তুমি আশা গরঅ মাত্তর্ ন-পঅ, তুমি খুন্ গরঅ আর লুভ্ গরঅ, মাত্তর্ যিয়েনি চঅ সিয়েনি ন-পঅ। তুমি কোল্-কোজ্যে আর মারামারি গরঅ তো তমার কিচ্চু ন-থায়, কিয়া তুমি গোজেনত্তুন্ ন-মাগঅ।

ফগদাং পেইয়্যে 18:13

দারচিনি, এলাচ, আগর্‌বাট্টি, আতর আর তুম্বাজ্ রস; আংগুর-রস, জলপাইয়র্ তেল, মোয়দ্যে আর গম; গরু আর ভেড়া, ঘোড়া আর গাড়ী আর কিন্যে চাগর্।

ফগদাং পেইয়্যে 18:15

যিগুনে এ জিনিস্‌চানির বেবসা গুরিনে থাগোইয়্যে ওইয়োন সেই বেবসায়ীগুনে তার্ যন্ত্রণাগান দেগিনে দরে দূরোত্ থিয়্যেই থেবাক্।