ফগদাং পেইয়্যে 17:16 - Chakma Bible

¹⁶ তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।

ফগদাং পেইয়্যে 17:16 ပူးပေါင်းရင်းမြစ်များ

ইয়োব 31:31

মঅ ঘরর্ মানুচ্চুনে দঅ এ কধানি কদাক্, ইয়োবর্ দিয়্যে য়েরানিলোই কন্না পেট ভোরেই ন-পারে?

গীতসংহিতা 27:2

পাজি মানুচ্চুনে মরে গিলি হেবাত্তে যেক্কেনে উজেই এজন্ সেক্কে মর্ সেই শত্রু আর বিপক্ষগুনে উজোত্ হেইনে পড়ন্।

দানিয়েল 7:5

সে পরেদি মুই দ্বিলম্বর য়েমান্নো দেগিলুং। সিবে রিনি চাদে এলদে ভালুগো ধোক্ক্যেন্। তার এক কিত্তেত্তুন্ অন্য কিত্তেদি অজল্ এলঅ আর তা মুয়ো ভিদিরে ডাগ আড়র্ তিন্নো আড়্ এলঅ। তারে কুয়ো অলঅ, তুই যেইনে পেদা টিং টিং গুরি য়েরা হাঃ।

লেবীয় 21:9

কনঅ ধর্মগুরুর্‌ ঝি যুনি বেশ্যেগিরির্‌ কারনে তলে পড়ে সালে তে তার্‌ বাপ্পোরে ফারগ্ গোজ্যে অবস্থাত্তুন্‌ সাধারণ অবস্থাত্‌ লামেই আনে। সে ঝিবোরে আগুনোত্‌ পুড়ি ফেলা পুরিবো।

ফগদাং পেইয়্যে 12:3

সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।

ফগদাং পেইয়্যে 16:12

সে পরেদি ছ লম্বর স্বর্গদূত্‌তো বড়্‌গাঙ ইউফ্রেটিস উগুরে তা কদরাবো উবোত্ গুরিলো। সেক্কে পুগেদি দেজর্ রাজাগুনোর যেবার পধ্‌তান যুক্কোল অবাত্যে সেই গাঙান পানিগান শুগেই গেলঅ।

ফগদাং পেইয়্যে 17:10

সেই রাজাগুনো ভিদিরে পাঁচজন আগেই শেজ্ ওই যেয়োন্, একজন এজঅ আঘে আর অন্যজন এজঅ ন-এজে। সেই রাজাবো এজানার্ পরেত্তুন্ ধুরি তাত্তুন্ কিজু দিন থা পরিবো।

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”

ফগদাং পেইয়্যে 18:8

সেনত্যে এক দিনে বেক্‌ আঘাত্‌তানি তা উগুরে পড়িবো; সিয়েনি অলঅ মরণান্, দুঘ্ আর ভাদরাদ্। আগুন্দোই তারে পুড়ি ফেলা অবঅ, কিয়া যিবে তার্ বিচের্ গুরিবো সেই প্রভু গোজেনে খেমতাবলা।”

ফগদাং পেইয়্যে 19:18

যেন তুমি রাজা, সেনাপতি, বোলী মানুচ্‌, ঘোড়া আর সেই ঘোড়াত্ চোজ্জ্যে মানুচ্চুনোরে, গিরোজ্ আর চাগরুনোর আর চিগোন-দাঙর বেক্‌ মানুচ্চুনোর য়েরানি হেই পারঅ।”