ফগদাং পেইয়্যে 17:12 - Chakma Bible

¹² “যে দোচ্চো শিং তুই দেখ্যচ্ সিগুন অলাক্ দশজন রাজা। তারা এজঅ রাজাগিরি গরানা আরাম্ভ ন-গরন, মাত্তর্ তারা সেই য়েমান্নো সমারে কানক্কনত্যে রাজা ইজেবে রাজাগিরি গুরিবার খেমতা পেবাক্।

ফগদাং পেইয়্যে 17:12 ပူးပေါင်းရင်းမြစ်များ

দানিয়েল 7:20

তা মাঢাত্ দোশ্‌‌‌‌‌‌‌‌‌‌চো শিং পৌইদ্যেনে আর অন্য যে শিঙো উঠ্যে, যিবের মুজুঙোত্ তিন্নো শিং পড়ি যেইয়্যে, যিবের্ চোগ আর বাড়্‌‌‌‌‌‌‌‌‌‌বো গোজ্যে মু এলঅ আর যিবে অন্যগুনোত্তুন্ দাঙর্ ওই উঠ্যে, সেই শিঙুনো পৌইদ্যেনে জানিবাত্তে চেলুং।

দানিয়েল 7:24

সেই দোশ্‌‌‌‌‌‌‌‌‌‌‌চো শিং অলঅ দশজন রাজা যিগুনে এ রেজ্যত্ রাজাগিরি গুরিবাক্। তারার পরেদি আর এক্কো রাজা উদিবো, তে আগ রাজাগুনোত্তুন্ অন্যবাবোত্যে অবঅ; তে তিনজন রাজারে ওদেই দিবো।

ফগদাং পেইয়্যে 10:11

সে পরেদি মরে এ কধাগান কুয়ো অলঅ, “তরে আরঅ ভালোক্কানি দেশ্, জাত্, ভাযা আর রাজা পৌইদ্যেনে ভবিচ্চদর্ কধা কুয়ো অবঅ।”

ফগদাং পেইয়্যে 12:3

সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।

ফগদাং পেইয়্যে 13:1

ইয়েন পরেদি মুই এক্কো য়েমানরে দোজ্জ্যে সাগর ভিদিরেত্তুন্ উদি এত্তে দেগিলুং। সেই য়েমান্নোর্ দোশ্‌চো শিং আর সাত্‌টো মাঢা এলাক্। সেই শিঙুনো উগুরে দোশ্‌চো মুকুট এলঅ আর মাঢাগুনো উগুরে গোজেনরে অগমান গুরিবাত্যে নানান্ বাবোত্যে নাঙ্ লেগা এলঅ।

ফগদাং পেইয়্যে 17:16

তুই যে দোচ্চো শিং দেখ্যচ্ সিগুনে আর সেই য়েমান্নো সেই বেশ্যেবোরে ঘিনেবাক্। তারা তারে ভস্ত আর লাংদা গুরিবাক্ আর তা য়েরাগান্ হেবাক্; সে পরেদি তারে আগুন্দোই পুড়ি ফেলেবাক্।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”

ফগদাং পেইয়্যে 18:17

এদক্ কম সময়ো ভিদিরে তর্ এমন বেক ধন-সোম্বোত্তিগানি বর্‌বাদ্ ওই যেইয়্যে!” জাহাজর্ আজল্ ধর্মগুরুগুন, পানি পধেদি যেইয়্যেগুন, নাবিক্কুন আর সাগরত্ যিগুনে বেবসা-বানিজ্য গরন তারা বেক্কুনে দূরোত্ থিয়্যেই থেলাক্।

ফগদাং পেইয়্যে 18:19

তারা তারার্ মাঢাত্ ধূল্যে দিইনে রঅ ছাড়া ধুরিবাক্ আর কানি কানি দুঘ্ পেইনে কবাক্, “হায়, সেই নাঙ্-গোজ্জ্যে শঅরান্, হায়! সাগরত্ যিগুনোর জাহাজ আঘে তারা তার্ ধনানিলোই থাগোয়্যে ওইয়োন; আর চঅ, চোগো জিমিদোত্ তে ভস্ত ওই গেলঅ!”