ফগদাং পেইয়্যে 16:21 - Chakma Bible

²¹ আগাজত্তুন্ মান্‌জ্য উগুরে দাঙর্ দাঙর্ পাত্তর ধোক্ক্যেন শিল পড়া ধুরিলাক্। সিগুনোর্ এক এক্কো মাবেদি এলাক্ ছত্রিশ কেজি। সেক্কে মানুচ্চুনে শিলো আঘাদত্তে গোজেনরে নিন্দে গরা ধুরিলাক্, কিয়া সেই শিলোর আঘাত্‌তো দর্‌গরেপারা এলঅ।

ফগদাং পেইয়্যে 16:21 ပူးပေါင်းရင်းမြစ်များ

ইয়োব 38:22

তুই কি তুষার ভান্ডালত্ চোমেয়োচ্ বা শিলোর কুড়্ দেখ্যচ্?

ইয়োব 38:23

সিয়েনি মুই দুঘো দিনুনোত্তে থুবেই রাগেয়োং, থুবেই রাগেয়োং যুদ্ধো আর লাড়ে বাজেবার দিনুনোত্তে।

যাত্রা 9:18

সেনত্যে এযেত্যেকেল্যে ঠিগ্ এ সময়োত্‌ মুই এন্‌ এক্কান অমকদ শিল্‌ পড়েদে-ঝর পাধেই দিম্‌ যিয়েন মিসর দেজর্‌ পৌইল্যাত্তুন্‌ ধুরি এজঅ সং আর কনদিন্অ ন-অয়।

যাত্রা 9:22

পরেদি লগেপ্রভু মোশিরে কলঅ, “আগাজ কিত্তেদি তঅ আত্তান্‌ বাবেই দে। সেক্কে গোদা মিসর্‌ দেজ মানুচ্চুনো উগুরে, য়েমান আর গাছ-পালাগুনো উগুরে শিল্‌ পড়িবাক্‌।”

যিশাইয় 30:30

লগেপ্রভু জদবদে রাগ্, পুড়ি ফেলাইদ্যে আগুন, অমকদ ঝড় আর শিল পড়ানার্ মাধ্যমে তার্ খেমতাবলা রবো মানুচ্চুনোরে শুনেব আর তা সাজা দিবার্ আঢ্‌‍‌তান দেগেব।

যিশাইয় 8:21

দুঘ্ আর পেট্‌‌পরা হেই হেই তারা দেজ ভিদিরে ঘুরিবাক্। পেট্‌‌পরার্ দুঘে তারা রাগ্ গুরিনে উগুরেদি রিনি চেইনে তারার্ রাজা আর তারার্ গোজেনরে অভিশাব্ দিবাক্।

যিহিষ্কেল 13:11

সেনত্তে যিগুনে এ কামানি গোজ্যন্ তুই তারারে কঅ, সে দেবালান্ ভাঙি পড়িবো। অমকদ ঝড় আর দাঙর্ দাঙর্ শিল্ পড়িবাক্ আর ঝড়ে-বোইয়্যেরে এবঅ।

যিহিষ্কেল 13:13

“‘মর্ রাগে মুই ঝড় বোইয়্যের্ খুলি দিম। মর্ অমকদ বেজারে মুই দাঙর্ দাঙর্ শিল্ আর ন-থামেয়্যে ঝড় দিইনে সিয়েন ভস্ত গুরি দিম।

যিহোশূয় 10:11

ইস্রায়েলীয়গুনো মুজুঙেত্তুন্‌ তারা যেক্কে বৈৎ-হোরোণ ছাড়িনে অসেকাত্‌ লামি এবার পথ্‌তান ধুরিনে ধেই যাদন্‌ সেক্কে লগেপ্রভু আগাজত্তুন দাঙর দাঙর শিল্‌ তারা উগুরে ফেলেল। সেনে ইস্রায়েলীয়গুনো সমারে যুদ্ধোত্‌ যিদুক্কুন্‌ মানুচ্‌ মুরিলাক্‌ তাত্তুন বেশ্‌ মুরিলাক্‌ এ শিলাত্‌।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।

ফগদাং পেইয়্যে 16:9

সেক্কে অমকদ গরমে মানুচ্চুনোর কিয়্যেগানি পুড়ি গেলঅ, আর এই আঘাত উগুরে যিবের খেমতা আঘে তারা সেই গোজেনরে নিন্দে গরা ধুরিলাক্, মাত্তর্ তো তারা তারার্ ভান্ন্যেই কামানিত্তুন্ মনানি ন-ফিরেলাক্।

ফগদাং পেইয়্যে 8:7

পত্তম স্বর্গদূত্‌তো তা তূরীবো বাজেইলে পরেদি লো মিজেইয়্যে শিল আর আগুন পিত্‌থিমীত ফেলা অলঅ। সেক্কে তিন ভাগর এক ভাগ পিত্‌থিমী, তিন ভাগর এক ভাগ গাজ্‌-বাজ্ আর বেক্‌ য়্যেল্‌ ঘাস্‌চানি পুড়ি গেলঅ।