ফগদাং পেইয়্যে 16:15 - Chakma Bible

¹⁵ যীশু কত্তে, “চঅ, মুই চুরো ধোক্ক্যেন এইম্। বর্‌পেইয়্যে সেই মানুচ্চো, যে জাক্ক্যে থায় আর নিজোর্ পোজাগ্‌কানি পিনি থায়, যেন তাত্তুন্ লাংদা ওইনে ঘুরো ন-পরে আর মান্‌জ্যে তার লাজানাগান ন-দেগন্।”

ফগদাং পেইয়্যে 16:15 ပူးပေါင်းရင်းမြစ်များ

যাত্রা 32:25

মোশি দেগিলোদে মানুচ্চুনে অমকদ বেশ্ ওইয়োন। তে বুঝি পারিলো হারোণে তারারে আঢ বারেদি যেবাত্তে দিয়্যে আর সেনত্যেই শত্রুগুনো ইদু তারা খুজির্‌ মানুচ্‌ ওইয়োন্‌।

যিশাইয় 47:3

তর্ লাঙ্‌‌তা অনাগান ফগদাং অবঅ আর তর্ লাজানাগান্ ঢাক্যে ন-থেবঅ। মুই হেনা সুজিম, কারঅ কোজোলিগান্ ন-মানিম‌।”

যিহিষ্কেল 16:37

সিয়েনত্তে মুই তর্ সেই বেক্ লাঙেগুনোরে এগত্তর্ গুরিম যিগুনো সমারে তুই ফুত্তি গোজ্যস্। যিগুনোরে তুই কোচ্‌পেইয়োচ্ আর যিগুনোরে ঈচ্ গোজ্যস্ তারারে বেক্কুনোরে মুই এগত্তর্ গুরিম। মুই চেরোকিত্তেত্তুন্ তঅ বিরুদ্ধে তারারে এগত্তর্ গুরিম আর তারা মুজুঙোত্ তর্ বেক্ কাবড়-চুগোড়ানি খুলি দিম যেনে তারা তর্ লাংটা-বাংটাগান দেগন্।

হোশেয় 2:3

আঃ ন-অলে মুই তারে লাংটা-বাংটা গুরি দিম আর তে তার্ জর্ম দিনোত্ যেবাবোত্যে লাংটা-বাংটা এলঅ সেবাবোত্যে গুরিম। মুই তারে ধূল্যেচর-চাগালা ধোক্ক্যেন গুরিম, উগুজ্যে ভূইয়ো ধোক্ক্যেন গুরি দিম আর পানি তিরেজে তারে মারে ফেলেম।

হবক্‌‌‌‌কূক 2:15

জাদ্‌তুনে কবাক্‌‌, অভিশাব্ দিই তারে, যে রাগ গুরিনে তা পাড়াল্যেগুনোরে দগ্ দগ্ মদ খাবায় আর মাত্তল্ গুরি ফেলায় যেনে তে তারারে লাংদা দেগে।

মথি লেখ্যে গম্ হবর্ 25:13

হিত্ত্যবোর্ শেজদি যীশু কলঅ, ইয়েনত্তে সজাক্ থাগঅ, কিয়া সেই দিন্নো বা সেই সময়বোর্ কধা তুমি হবর্ ন-পঅ।

মথি লেখ্যে গম্ হবর্ 26:41

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

মার্ক 14:38

জাগি থাগঅ আর তবনা গরঅ যেন পোরোক্ষ্যেত্ ন-পড়অ। আত্মায় আওজ্ আঘে ঠিগ্, মাত্তর্ কিয়্যেদি বল্‌পোজ্যে।”

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

প্রেরিত্‌ 20:31

ইয়েনত্তে তুমি উজিয়ার্ থাগঅ। ইদোত্ রাগেবা, তিন বজর্ সং দিন-রেদ্ চোগো পানিলোই মুই তমারে পত্তিজনরে উজিয়ার্ গোজ্জ্যং, কনদিন্অ জুরো গুরি ন-থাগঅ।

২ করিন্হীয় 5:3

কিয়া এ কধাগান সত্য যে, সেই কিয়্যেগান্ পানার্ পরেদি দেগা যেবদে যে, আমি লাংদা নয়।

১ থিষলনীকীয় 5:4

মাত্তর্ ভেইলগ, তুমি দঅ আন্ধারত্ বজত্তি ন-গরর্ যে, সে দিন্নো চুরো ধোক্ক্যেন তমা উগুরে এইনে লুমিবো। তুমি দঅ বেক্কুনে পহ্‌রর্ আর দিনোর্ মানুচ্‌। আমি রেদোর্ বা আন্ধারর মানুচ্‌ নয়।

১ থিষলনীকীয় 5:6

সেনত্যে অন্যগুনো ধোক্ক্যেন যেন আমি ন-ঘুমেই, বরং জাগি থেই আর নিজোরে দোঙেই রাগিই।

১ পিতর 4:7

ইক্কিনে বেক্কানির্ থুমো সময় ওইয়্যেগি। সেনত্যে তমা মনানি থির্ গরঅ আর নিজোরে দোঙেই রাগঅ যেন তবনা গুরি পারঅ।

২ পিতর 3:10

মাত্তর্ প্রভুর দিন্নো চুরো ধোক্ক্যেন গুরি এবঅ। সেই দিন্নো দাঙর্ আগাজ্‌চান হু হু রঅ গুরিনে শেজ্ ওই যেবঅ আর চানান-বেলান্-তারাগুন বেক্কুন পুড়িনে ভস্ত ওই যেবাক্। পিত্‌থিমীগান আর সিয়েন ভিদিরে যিয়েনি আঘে সিয়েনি বেক্কানি পুড়ি যেবঅ।

ফগদাং পেইয়্যে 22:7

যীশু কত্তে, “চঅ, মুই যাদিমাদি এজঙর্। এ বোইবোর বেক্ কধানি, অত্তাৎ গোজেনর্ কধানি যে পালায় তে বর্‌পেইয়্যে।”

ফগদাং পেইয়্যে 3:11

মুই সবরে এজঙর্। তর্ যিয়েনি আঘে সিয়েনি দরমর গুরি ধুরি থঅ, যেন কেঅ তর্ জিদেনার্ বক্‌শিজ্‌চান কাড়ি ন-লয়।

ফগদাং পেইয়্যে 3:18

সেনত্যে মুই তরে এ উপদেচ্‌‌চান দোঙর-তুই মত্তুন্ আগুনোত্ পুজ্জ্যে খাটি সনা কিনি লঅ যেন তুই থাগোইয়্যে ওই পারচ্। মত্তুন্ ধূব্ কাবর কিনিনে পিন্‌ যেন তর্ লাংদা থানার লাজ্‌চান দেগা ন-যায়। মত্তুন্ চোগোত্ দিবার মলম কিনি লঅ যেন তুই দেগচ্।