ফগদাং পেইয়্যে 14:8 - Chakma Bible

⁸ যেরেদি দ্বি-লম্বর আর এক্কো স্বর্গদূত তা পিজে পিজে এইনে কলঅ, “সেই নাঙ্-গোজ্জ্যে বাবিল শঅরান্ ভস্ত ওই যেইয়্যে। যে শঅরানে তার্ বেশ্যেগিরির্ মদ বেক্‌ জাদ্‌তুনোরে হাবেয়্যে সেই শঅরান্ ভস্ত ওই যেইয়্যে।”

ফগদাং পেইয়্যে 14:8 ပူးပေါင်းရင်းမြစ်များ

যিশাইয় 13:1

আমোস পুয়ো যিশাইয় বাবিল পৌইদ্যেনে দর্শন পেইয়্যে।

যিশাইয় 21:9

চঅ, জড়ায় জড়ায় ঘোড়া চালেয়্যে এজদন্।” সে পরেদি তে কবদে, “বাবিলোর পতন ওইয়্যে, পতন ওইয়্যে। তার বেক্ দেবেদাগুনোর মূত্তিগুন্ চুরমার ওইনে মাদিত্ পড়ি আগন্।”

যিরমিয় 50:1

বাবিল, অত্তাৎ বাবিলীয়গুনো দেজ পৌইদ্যেনে ভাববাদী যিরমিয় ভিদিরেদি লগেপ্রভু এ কধাগান কোইয়্যে,

যিরমিয় 51:64

সে পরেদি কবে, ‘এবাবোত্যেগুরি বাবিলান ডুবিবো, আর ন-উদিবো, কিত্যে লগেপ্রভু সিয়েন উগুরে দযা আনিবো। তে এক্কুবারে শেজ্ ওই যেবঅ।’ ” যিরমিয়র কধা ইয়োদোই থুম্ অলঅ।

নহূম 3:19

কন কিজুয়ে তর্ ঘা-গানরে গম্ গুরি ন-পারের্; তঅ আঘাত্‌তান সাংগাদিক্। যিগুনে তঅ হবরান্ শুন্ন্যন্ তারা পত্তিজনে তর্ পতনত্ আঢ্‌‌তালি দেদন্, কিত্যে তর্ অমকদ চিৎনপুজ্যে কামানি কন্না ন-ভুগের্?

ফগদাং পেইয়্যে 11:8

তারার্ প্রভুরে যে শঅরত্ ক্রুশোত দিয়্যে ওইয়্যে সেই দাঙর্ শঅরানর্ পধত্ তারার কিয়্যেনি পড়ি থেবঅ। সেই শঅরানর্ নাঙান্ সদোম আর মিসরঅ কুয়ো অয়।

ফগদাং পেইয়্যে 16:19

সেই নাঙ্-গোজ্জ্যে শঅরান তিন ভাগে ভাগ ওই গেলঅ আর নানান্ জাদর্ শঅরানি ভাঙি পড়ি গেলঅ। যেরেদি সেই নাঙ্-গোজ্জ্যে বাবিল কধা গোজেনর্ মনত্ পড়িলো, আর তে তার্ রাগে দর্‌গরেপারা মদ গলচ্চো ভোরেইনে বাবিলরে হেবাত্যে দিলো।

ফগদাং পেইয়্যে 17:18

যে মিলেবোরে তুই দেখ্যচ্ তে অলঅ সেই নাঙ্-গোজ্জ্যে শঅরান্, যে জগদর্ বেক্ রাজাগুনো উগুরে রাজাগিরি গরের্।”

ফগদাং পেইয়্যে 19:2

কিয়া তার্ বিচেরান সত্য আর ন্যায্য। যে তার্ পর্‌পাগোল্যেলোই গোদা পিত্‌থিমীগানরে অসিজি গোজ্জ্যে সেই দাঙর্ বেশ্যেবোরে গোজেনে সাজা দিয়্যে আর তা চাগরুনোর্ লোর্ হেনা সুজোনাগান তে তা উগুরে নেযেয়্যে।”