ফগদাং পেইয়্যে 14:16 - Chakma Bible

¹⁶ সেক্কে যিবে সেই মেঘ উগুরে বৈ এলঅ তে পিত্‌থিমীত তা চারিগান্ বাজেল, আর পিত্‌থিমীর শোজ্জ্যগুন কাবা অলঅ।

ফগদাং পেইয়্যে 14:16 ပူးပေါင်းရင်းမြစ်များ

মথি লেখ্যে গম্ হবর্ 16:27

মান্‌জ্য পুয়োবো তা স্বর্গদূত্তুনোরে সমারে নিইনে তা বাবর্ মহিমালোই এজের্। সেক্কে তে পত্তি মান্‌জ্যরে তারার্ কাম মজিম্ ফল দিবো।

ফগদাং পেইয়্যে 14:14

যেরেদি মুই রিনি চেইনে এক্কান্ ধূব্ মেঘ দেগিলুং, আর সেই মেঘ্‌কান উগুরে মান্‌জ্য পুয়োবো ধোক্ক্যেন কেঅ একজন বৈ এলঅ। তা মাঢাবোত্ জিদেনার্ সনার মুকুট এলঅ আর আঢত্ এলঅ ধার্‌বলা চারি।

ফগদাং পেইয়্যে 14:15

সে পরেদি আর এক্কো স্বর্গদূত্ উবোসনা-ঘরত্তুন্ নিগিলি এলঅ আর যিবে সেই মেঘ্‌কান উগুরে বৈ এলঅ তারে রঅ ছাড়িনে কলঅ, “তঅ চারিগান্ বাজা, শোজ্জ্য কাব্, কিয়া শোজ্জ্য কাবিবার অক্‌ত ওইয়্যে; পিত্‌থিমীর শোজ্জ্যগানি পুরোপুরি পাগি যেইয়্যে।”

ফগদাং পেইয়্যে 14:17

যেরেদি স্বর্গর্ উবোসনা-ঘরত্তুন্ আর এক্কো স্বর্গদূত্ নিগিলি এলঅ। তা ইধুয়ো এক্কান ধার্‌বলা চারি এলঅ।

ফগদাং পেইয়্যে 14:19

সেক্কে সেই স্বর্গদূত্‌তো পিত্‌থিমীত তার্ চারিগান্ বাজেল আর পিত্‌থিমীর আঙ্গুর গাজত্তুন্ বেক্‌ আঙ্গুরুন কাবিনে থুবেল। যেরেদি সিগুন আঙ্গুর মাড়িবার গাঢ ভিদিরে ফেলেই দিলো। এই আঙ্গুর মাড়িবার গাঢ্‌তো অলঅ গোজেনর্ দর্‌গরেপারা রাগ্।