ফগদাং পেইয়্যে 13:4 - Chakma Bible

⁴ দানপ্পো সেই য়েমান্নোরে খেমতা দিয়্যে বিলিনে মানুচ্চুনে সেই দানপ্পোরে গোজেনর্ সর্মান দিইনে সালাম গুরিলাক্, আর য়েমান্নোরেয়ো সেই এক্কুই ধগে সালাম গুরিনে কলাক্, “এই য়েমান্নো ধোক্ক্যেন কন্না আঘে? আর কন্না বা তা সমারে যুদ্ধো গুরি পারে?”

ফগদাং পেইয়্যে 13:4 ပူးပေါင်းရင်းမြစ်များ

যাত্রা 15:11

“ও লগেপ্রভু, দেবেদাগুনো ভিদিরে কন্না আঘে তঅ‌ ধোক্ক্যেন্? কন্না আঘে তঅ ধোক্ক্যেন এমন্‌ পবিত্রতালোয় দাঙর্ আর মহিমালোই দর্‌‌‌‌গরেপারা? এধোক্ক্যেন আমক্‌ কাম গুরিরার্‌ বল্‌ কার্‌ আঘে?

যিশাইয় 46:5

তুমি কা সমারে মরে তুলনা গুরিবে বা কা সং সং বিলিনে মরে ধুরিবা? কা লগে তুলনা গুরিলে আমা সং কুয়ো যেবঅ?

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

দ্বি’লম্বর বিররণ 9:2

সিদুগোর্‌ মানুচ্চুনে অনাকীয়; তারা লাম্বা আর বোলী। তুমি অনাকীয়গুনো পৌইদ্যেনে হবর্‌ পঅ; তারা পৌইদ্যেনে তুমি এ কধাগান্‌ কবাত্তে শুন্ন্য, অনাকীয়গুনোর্‌ বিরুদ্ধে যেই পারন্‌ এধোক্ক্যেন মানুচ্‌ কুদু?

২ থিষলনীকীয় 2:4

গোজেন বিলিনে যিয়েনি আঘে সিয়েনি বেক্কানির্ বিরুদ্ধে আর উবোসনা গরেদে ধোক্ক্যেন বেক্কানির্ বিরুদ্ধে থিয়্যেইনে তে নিজোরে দাঙর্ গুরি দেগেব; এমন্‌ কি, তে গোজেনর্ উবোসনা-ঘরত্ বৈইনে নিজোরে গোজেন বিলিনে দাবী গুরিবো।

ফগদাং পেইয়্যে 12:3

সে পরেদি স্বর্গত্ আর এক্কান চিহ্নো দেগা গেলঅ-আগুনো ধোক্ক্যেন রাঙা এক্কো দাঙর্ দানব্। তার্ সাত্‌টো মাঢা আর দশ্‌চো শিং, আর মাঢাগুনোত্ সাত্‌টো মুকুট এলাক্।

ফগদাং পেইয়্যে 12:4

তা লেজ্‌চান্দোই তে আগাজর্ তিন ভাগর্ এক ভাগ তারা টানি আনিনে পিত্‌থিমীত্ লুঙি মারি দিলো। যে মিলেবোর পুয়ো অদ যার্ দানপ্পো তা মুজুঙোত্ থিয়্যেই এলঅ যেন পুয়োবোর জর্ম অলে তে হেই ফেলেই পারে।

ফগদাং পেইয়্যে 13:11

ইয়েনর্ পরেদি মুই মাদিত্তুন্ আর এক্কো য়েমানরে উদি এত্তে দেগিলুং। ভেড়া ধোক্ক্যেন তার্ দ্বিবে শিং এলঅ, মাত্তর্ সেই দানপ্পো ধোক্ক্যেন তে কধা কদঅ।

ফগদাং পেইয়্যে 13:15

সেই মূর্ত্তিবোরে পরাণ দিবার্ খেমতায়ো তারে দিয়্যে অলঅ, যেনে সেই মূত্তিবো কধা কোই পারে আর যিগুনে সেই মূত্তিবোরে গোজেনর্ সর্মান দিইনে সালাম ন-গুরিবাক্ তারারে মারে ফেলেই পারে।

ফগদাং পেইয়্যে 13:2

সেই য়েমান্নো দেগদে হোক্ক্যেবাঘ ধোক্ক্যেন, আর তার্ টেঙানি এলদে ভালুগো টেঙ ধোক্ক্যেন আর মুয়োন এলদে সিংহ মুয়ো ধোক্ক্যেন। সেই দানপ্পো তার বল্, সিংহাসন আর খেমতা সেই য়েমান্নোরে দিলো।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 18:18

তারে পুড়িবার সময়োত্ ধূমো দেগিনে তারা রঅ ছাড়িনে কলাক্, “আর কন্ শঅরান এই নাঙ্-গোজ্জ্যে শঅরান ধোক্ক্যেন?”

ফগদাং পেইয়্যে 9:20

মাত্তর্ এই আঘাতর্ পরেদিয়ো যিদুক্কুন মানুচ্ বাঁজি এলাক্ তারা নিজো আঢে বানেয়্যে মূত্তিগুনোত্তুন মনানি ন-ফিরেলাক্, তারা ভান্ন্যেই আত্মাগুনোর আর যিগুনে ন-দেগন্, ন-শুনোন্ বা আঢি ন-পারন এবাবোত্যে বেক্ সনা, রূবো, পিদোল, পাথর্ আর গাজ্‌সোই বানেয়্যে মূত্তিগুনোরে পূজো গরানাত্ থেলাক্।

১ শমূয়েল 17:24

ইন্দি ইস্রায়েলীয় সৈন্যগুনে বেক্কুনে সেই মানুচ্চোরে দেগিনে অমহদ দোরেইনে তা মুজুঙোত্তুন্‌ ধেই গেলাক্।