ফগদাং পেইয়্যে 13:18 - Chakma Bible

¹⁸ ইয়েনি বুঝোদে বুদ্ধির্ দরকার। যিবের্ বুদ্ধি আঘে তে সেই য়েমান্নোর্ লম্বর্‌বো গুণি চোক্, কিয়া সিবে এক্কো মান্‌জ্যর নাঙর্ লম্বর্। আর সেই লম্বর্‌বো অলঅ ছয়শ ছয়ষট্টি।

ফগদাং পেইয়্যে 13:18 ပူးပေါင်းရင်းမြစ်များ

গীতসংহিতা 107:43

যে জ্ঞানী তে ইয়েনি পৌইদ্যেনে মনযোগ দোক্ আর লগেপ্রভুর অমকদ কোচ্‌পানার পৌইদ্যেনে গমেডালে খিয়েল্ গোরোদোক্।

দানিয়েল 12:10

ভালোক্ জনরে শুদ্ধো, থুদো নেইয়্যে আর খাটি গরা অবঅ, মাত্তর্ পাজিগুনে ভান্ন্যেই কাম্ গরা ধুরিবাক্। পাজিগুনে কনজনে বুঝি ন-পারিবাক্, মাত্তর্ জ্ঞানীগুনে বুঝিবাক্।

হোশেয় 14:9

জ্ঞানী কন্না? তে ইয়েনি বেক্কানি বুঝোক্। বুদ্ধিবলা কন্না? তে ইয়েনি পৌইদ্যেনে হবর্ পোক্। লগেপ্রভুর পথ্‌‌‌‌‌‌তান সততার্ পথ; গম্ মান্‌‌‌‌‌‌জ্যে সেই পধেদি আঢন্, মাত্তর্ অন্যেয়গুরিয়্যেগুনে উজোত্ হান্।

মার্ক 13:14

সর্বনাজ ঘিনাইদ্যে জিনিস যিয়েনত্ থানা উচিত নয়, তুমি যেক্কে সিয়েন থাগদে দেগিবা-যে পড়ে তে বুঝোক্-সে অক্তত্ যিগুনে যিহূদিয়াত্ থেবাক্ তারা মুড়োমুড়ি চাগালাত্ ধেই যাদোক্।

রোমীয় 3:5

মাত্তর্ আমা অন্যেয় কামানিত্তুন্ আরঅ গমেদালে বুঝো যায় যে, গোজেনে আমিযে ন্যায় কাম্ গরে। সালে আমি কি কবং যে, তে যেক্কে আমারে সাজা দে সেক্কে অন্যেয় গরে? খালিক্ কধাগান মুই মানুচ্ ইজেবে কঙর্, আজলে তে কনদিন্অ অন্যেয় ন-গরে।

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।

ফগদাং পেইয়্যে 1:3

গোজেনর্ কধানি যিয়েনি ইয়েনত্ লেগা ওইয়্যে, যিবে সিয়েনি পড়ে তে বর্‌পেইয়্যে আর যিগুনে সিয়েনি শুনোন্ আর পালন গরন সিগুনেয়ো বর্‌পেইয়্যে, কিয়া সময়ান কায়কুরে লুম্মেগি।

ফগদাং পেইয়্যে 15:2

সে পরেদি মুই আগুন মিজেয়্যে ফুদিগোর্ এক্কান সাগর ধোক্ক্যেন দেগিলুং, আর যিগুনে সেই য়েমান্নো আর তা মূত্তিবো আর তা নাঙানর্ লম্বর্‌‌বো উগুরে জিত্যন্ তারারেয়ো দেগিলুং। গোজেনর্ দিয়্যে বীণা আঢত্ গুরিনে তারা সেই ফুদিগোর্ সাগর পারত্ থিয়্যেই এলাক্।

ফগদাং পেইয়্যে 17:9

ইক্কিনে যিয়েন কুয়ো অবঅ সিয়েন বুঝিবাত্যে বুদ্ধির্ দরকার। সেই সাত্‌টো মাঢা অলঅ সাত্‌টো মূড়ো যিবে উগুরে মিলেবো বৈ আঘে। সেই সাত্‌টো মাঢা আরঅ সাতজন রাজায়ো ঠিগ্।

ফগদাং পেইয়্যে 21:17

যেরেদি তে দেবালান্ মাবিলে পরেদি সিয়েন অজলদি অলঅ একশ চৌচোল্লিশ্ আঢ্। মান্‌জ্যে যেধোক্ক্যেন গুরি মাবন্ সেই স্বর্গদূত্‌তো সেধোক্ক্যেন গুরি মাপ্প্যে।