ফগদাং পেইয়্যে 12:14 - Chakma Bible

¹⁴ সেক্কে সেই মিলেবোরে এক্কো দাঙর্ ঈগলর্ দ্বিয়েন দুয়ো দিয়্যে অলঅ যেন তে ধূল্যেচরত্ তা জাগানত্ উড়িনে যেই পারে। সিধু সেই সাব্‌পোর্ চোগো আন্দলে সাড়ে তিন বজর্ তারে যত্তন্ গরা অবঅ।

ফগদাং পেইয়্যে 12:14 ပူးပေါင်းရင်းမြစ်များ

গীতসংহিতা 55:6

মুই কোইয়োং, “হায়, যুনি পেগো ধোক্ক্যেন মর্ ডুয়ো থেদঅ! সালে মুই উড়ি যেইনে জিরেদুং।

যাত্রা 19:4

তারা নিজেই‌ দেখ্যন্‌, মিসরীয়গুনোর্‌ দশা মুই কি গোজ্যং। ঈগল পেগোর্‌ ডুয়োগানিলোই বুয়োই নেযাইদে ধোক্ক্যেন গুরি মুই ইস্রায়েলীয়গুনোরে নিজোর কায়-কুরে আন্যং।

যিশাইয় 40:31

মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

দানিয়েল 8:14

তে কোইয়্যেদে, “দ্বিআজার তিনশঅ সাজোন্যে আর বেন্যেমাদান ধুরি ইয়েনি চলিবো। সে পরেদি উবোসনা-ঘরান আরঅ সিজি গরা অবঅ।”

ফগদাং পেইয়্যে 12:6

আর সেই মিলেবো ধূল্যেচরত্ ধেই গেলঅ। গোজেনে সেই ধূল্যেচরত্ তাত্যে এক্কান জাগা থিক্ গুরি থোইয়্যে যেন এক আজার দ্বিশঅ ষায়েত দিন তে সিধু যত্তন্ পায়।

ফগদাং পেইয়্যে 17:3

সে পরেদি সেই স্বর্গদূত্‌তো মরে ধূল্যেচর চাগালাত্ নেযেল। সেক্কে মুই পবিত্র আত্মার্ অধিনোত্ এলুং। সিয়েনত্ মুই এক্কো মিলেরে এক্কো রাঙা রংয়র্ য়েমান উগুরে বৈ থাদে দেগিলুং। গোজেনরে অগমান গুরিবাত্যে ভালক্কানি নাঙ্ সেই য়েমান্নো উগুরে লেগা এলঅ। তার্ সাত্‌টো মাঢা আর দোচ্‌শো শিং।