ফগদাং পেইয়্যে 11:7 - Chakma Bible

⁷ তারার্ সাক্ষ্য দেনা থুম্ অলে পরেদি সেই গভিন্ গাঢ্‌তোত্তুন্ এক্কো য়েমান উদি এইনে তারা লগে যুদ্ধো গুরিবো আর তারারে অদেই দিইনে মারে ফেলেব।

ফগদাং পেইয়্যে 11:7 ပူးပေါင်းရင်းမြစ်များ

দানিয়েল 7:25

দাঙর্ গোজেন বিরুদ্ধে তে কধা কবঅ আর তা মানুচ্চুনো উগুরে অত্যেচার গুরিবো। সে ঠিগ্ গোজ্যে দিনুন্ আর রীদি-সুদোম বুদুলিবার চেট্ট্যা গুরিবো। গোজেনর সেই মানুচ্চুনোরে সাড়ে তিন বজরত্তে তা আঢত্ তুলি দিয়্যে অবঅ।‌‌‌‌‌‌‌‌‌‌

লূকে লেখ্যে গম্ হবর্ 13:32

যীশু তারারে কলঅ, তুমি যেইনে সেই শিয়েল্লোরে কঅ, আর কয়েকদিন মুই ভান্ন্যেই আত্মা ধাবেম্ আর পিড়েল্ল্যেগুনোরে গম্ গুরিম আহ্ সে পরেদি মঅ কামানি থুম্ গুরিম।

লূকে লেখ্যে গম্ হবর্ 8:31

সেক্কে সেই আত্মাগুনে যীশুরে কোজোলী গরা ধুরিলাক্ যেন তে তারারে তলা নেইয়্যে গাঢত্ ন-পাদায়।

যোহন 17:4

তুই যে কামানি মরে গুরিবাত্যে দুয়োচ্ সিয়েনি থুম্ গুরিনে এ জগদত্ মুই তর্ মহিমাগান্ ফগদাং গোজ্যং।

যোহন 19:30

যীশু সেই সিরকা হানার্ পরেদি কলঅ, “থুম্ অলঅ।” সিয়েন পরেদি তে মাঢা নিগিরিনে তা আত্মাগান্ গোজেই দিলো।

প্রেরিত্‌ 20:24

মাত্তর্ মইধু মঅ পরাণানর্ কনঅ দাম নেই। মর্ ইয়েন বানা এক্কান আওজ্, যেন মুই থুম্ সং যেই পারং, অত্তাৎ প্রভু যীশু যে কামর্ ভারান্ মরে দিয়্যে সিয়েন শেজ্ গুরি পারং, সে কামান্ অলঅ গোজেনর্ দোয়্যের্ গম্ হবরান পৌইদ্যেনে সাক্ষি দেনা।

২ তীমথিয় 4:7

খ্রীষ্টর্ পক্ষে মুই মনে-পরাণে যুদ্ধ গোজ্জ্যং, মত্যে ঠিগ্ গোজ্জ্যে পধ্‌তানর্ থুম্ সং ধাবা দুয়োং আর খ্রীষ্টীয় ধর্ম-বিশ্বেজ্‌চানরে ধুরি রাগেয়োং।

ফগদাং পেইয়্যে 11:3

মাত্তর্ মুই মর্ দ্বিজন সাক্ষীরে এন্‌ খেমতা দিম যে কারনে তারা বস্তা পিনিনে এক আজার দ্বিশ ষায়েট দিন সং ভাববাদী ইজেবে কধা কবাক্।”

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 13:11

ইয়েনর্ পরেদি মুই মাদিত্তুন্ আর এক্কো য়েমানরে উদি এত্তে দেগিলুং। ভেড়া ধোক্ক্যেন তার্ দ্বিবে শিং এলঅ, মাত্তর্ সেই দানপ্পো ধোক্ক্যেন তে কধা কদঅ।

ফগদাং পেইয়্যে 13:7

গোজেন মানুচ্চুনোর বিরুদ্ধে যুদ্ধো গুরিনে তারারে জিদিবার খেমতা তারে দিয়্যে অলঅ আর পত্তি বংশ, দেশ, ভাযা আর জাদ মানুচ্চুনো উগুরে তারে অধিকার দিয়্যে অলঅ।