ফগদাং পেইয়্যে 11:4 - Chakma Bible

⁴ সেই দ্বিজন সাক্ষী অলাক্ দ্বিবে জলপাই গাজ্ আর দ্বিবে চেরাগ টগ্, যিগুনে পিত্‌থিমীর প্রভুর মুজুঙোত্ থিয়্যেই আঘন।

ফগদাং পেইয়্যে 11:4 ပူးပေါင်းရင်းမြစ်များ

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

গীতসংহিতা 52:8

মাত্তর্ মুই গোজেনর ঘরত্ দাঙর্ ওইয়্যে জলপাই গাজ ধোক্ক্যেন্; মুই নিত্য গোজেনর গভিন্ কোচ্‌পানা উগুরে নির্ভর গুরি থাং।

যাত্রা 8:22

মাত্তর্‌ সেদিন্যে গোশন চাগালাগান্‌ মুই বাদ দিম, কিত্তে মঅ মানুচ্চুনে সিধু বজত্তি গত্তন্‌। সিদু কনঅ পুগোর্‌ তোষ্যে ন-থেবঅ। সিয়েনত্তুন্‌ তুমি জানি পারিবাদে, মুয়ই লগেপ্রভু এ দেজত্‌ আগং।

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিরমিয় 11:16

লগেপ্রভু এ জাদ্‌‍‍‌‌তোরে গুলোগুলিয়ে ভরা দোল্ এক্কো জলপাই গাজ বিলি ডাক্যে। মাত্তর্ জদবদে ঝড়র গুজুরোনিয়ে তে সিয়েনত্ আগুন ধোরেই দিবো আর সিয়েনত্ তা ডেলাগুন ভাঙি পড়িবাক্।

মীখা 4:13

লগেপ্রভু কত্তে, “ও সিয়োন-ঝিবো, তুই উদিনে শোজ্য মাড়্; মুই তরে লুয়োর্ শিং আর পিদোলর্ খুর্ দিম যেনে তুই ভালোক্ জাদরে চুরমার গুরি পারচ্। তুই তারার্ অন্যেয়গুরিনে পেইয়্যে পযাপিরা আর ধন-সোম্বোত্তিগানি মঅ নাঙে, বেক্ পিত্‌‌‌থিমীগানর্ প্রভুর নাঙে ভস্ত অনা অভিশাবর্ অধীন ইজেবে দি দিম‌।”

লূকে লেখ্যে গম্ হবর্ 11:33

“কনজনে চেরাগ জ্বালেইনে কনঅ গুমুরো জাগাত্ বা কাল্লোং তলে ন-থন্ বরং চেরাগ টগ উগুরে থন্, যেন ভিদিরে যিগুনে সমন্ তারা পহর্ দেগন্।

লূকে লেখ্যে গম্ হবর্ 21:36

সজাক্ থেয়ো আর নিত্য তবনা গরঅ যেন যিয়েনি ঘুদিবো সিয়েনি পার্ ওই যাদে আর মান্‌জ্য পুয়োবো মুজুঙোত্ যেইনে থিয়্যেবার্ তুমি বল্ পঅ।”

রোমীয় 11:17

যুনি সেই জলপাই গাজর্ কুদুক্কুন্ ডেলা ভাঙি ফেলেইনে সেই জাগানত্ তঅ ধোক্ক্যেন্ ঝার্‌বো জলপাই গাজর্ ডেলা জড়া দিয়্যে অয় আর তুই আজল্ জলপাই গাজর্ গড়াত্তুন্ রচ্‌ টানি লচ্,

দ্বি’লম্বর বিররণ 10:8

সে অক্তত্‌ লগেপ্রভু তার বেবস্থা-সুন্দুক্কো বুয়োই নেযেবাত্তে আর সেবা কামর্‌ নাঙে তা মুজুঙোত্‌ থিয়্যেবাত্তে আর তা নাঙে আশিদ্‌বাদ্ ফগদাং গুরিবাত্তে লেবীয়গুনোরে বেঈ লোইয়্যে। এ বেক্‌ কামানি তারা এজঅ গত্তন্‌।

ফগদাং পেইয়্যে 1:20

যে সাত্‌টো সনার চেরাগ টগ্ আর মঅ ডেন্ আঢেদি যে সাত্‌টো তারা তুই দেগিলে সিয়েনর্ গুমুরো অত্তগান ইয়েন-সেই সাত্‌টো তারা অলঅ সেই সাত্‌টো মন্ডলীর সাতজন দূত আর সাত্‌টো চেরাগ টগ্ অলঅ সেই সাত্‌টো মন্ডলী।