ফগদাং পেইয়্যে 10:5 - Chakma Bible

⁵ যে স্বর্গদূত্‌তোরে মুই দোজ্জ্যে সাগর আর মাদি উগুরে থিয়্যেই থাগদে দেক্ক্যং তে তার্ ডেন্ আঢ্‌তান স্বর্গর্ ইন্দি তুলিলো।

ফগদাং পেইয়্যে 10:5 ပူးပေါင်းရင်းမြစ်များ

পত্থম 14:22

জোবত্‌ অব্রামে সদোম রাজাবোরে কলঅ, “যে দাঙর আগাজ্‌চান আর পিত্‌থিমীগান বানেয়্যে সে দাঙর্‌ গোজেন লগেপ্রভুর নাঙে আত্‌ তুলিনে মুই শমত্ খেইনে কঙর্‌,

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

গীতসংহিতা 146:5

বর্‌পেইয়্যে সেই মানুচ্চো, যাকোবর গোজেন যিবের সাহায্যগুরিয়্যে, গোজেন লগেপ্রভু উগুরে যিবের্ আজা।

যাত্রা 20:11

লগেপ্রভু ছয়দিনোত্‌ দাঙর্‌ আগাজ্‌ছান, পিত্‌থিমীগান, বড়গাঙানি আর সিয়েনি ভিদিরে বেক্কানি বানেইয়্যে, মাত্তর্‌ সাত্‌ দিনোত্‌ সেই কামানি আর্‌ ন-গরে। সেনত্তে তে এই জিরেবার্‌ দিন্নোরে আশিদ্‌বাদ্‌ গুরিনে তার্‌ নিজোত্তেই যুদো গোজ্যে।

যাত্রা 6:8

যে দেজ্‌চান্‌ দিবার শমক্‌ মুই অব্রাহাম, ইস্‌হাক আর যাকোব ইধু গোজ্যং সে দেজ্‌চানত্‌ মুই তমারে নেযেম আর সে দেজ্‌চানর্‌ অধিকারান্‌ মুই তমারে দিম। মুয়ই লগেপ্রভু।’ ”

যিহিষ্কেল 20:15

ইয়েনিবাদেয়ো সেই ধূল্যেচর-চাগালাত্ তারা ইধু মুই শমক্ হেইয়োঙ্, মর্ দিয়্যে দেজ্-যে দেজত্ দুধ, মধু আর কনঅ কিজুর্ অভাব নেই, যে দেজ্‌‌‌‌‌চান বেক্ দেজ্‌‌‌‌‌চানিত্তুন সেরা-সে দেজত্ মুই তারারে ন-নেযেম।

যিহিষ্কেল 20:23

সিয়েন বাদেয়ো ধূল্যেচর-চাগালাত্ মুই তারা ইধু শমক্ হেইয়োং, নানান্ জাদ আর দেজ ভিদিরে মুই তারারে ছিদি দিম,

যিহিষ্কেল 20:28

যে দেজ্‌‌‌চান দিবার শমক্ মুই তারা ইধু গোজ্যং সিদু নেযানার পরেদি যেক্কে তারা কনঅ অজল্ মুড়ো বা ডেলা ছিদি পোজ্যে য়েল্ গাজ দেগিলাক্ সিয়েনত্ তারা তারার এ্যামানুন উৎসর্ব গরা ধুরিলাক্। সেই উৎসর্বর অনুষ্ঠানান্ গুরিনে তারা মর্ অহুজি অনাগান জাগেই তুলিলাক্। ইয়েনি বাদেয়ো তারা সিয়েনত্ তারার তুম্বাজ্-আগর্‌বাট্টি জ্বালেলাক্ আর পানীয় উৎসর্বর অনুষ্ঠানান্ গুরিলাক্।

যিহিষ্কেল 20:42

তমা পুরোণি মানুচ্চুনো ইধু যে দেজ্‌‌‌‌‌চান দিবার শমক্ মুই গোজ্যং সেই ইস্রায়েল দেজত্ তমারে নেযানার পরেদি তুমি হবর্ পেবা যে, মুয়ই লগেপ্রভু।

যিহিষ্কেল 20:5

তারারে কঅ, প্রভু লগেপ্রভু কোইয়্যেদে, যেদিন্যে মুই ইস্রায়েলরে বেঈ লোইয়োং সেদিন্যে যাকোব বংশর মানুচ্চুনো ইধু শমক্ হেইয়োঙ্ আর মিসরত্ তারা ইধু নিজোরে ফগদাং গোজ্যং। মুই শমক্ হেইনে তারারে কোইয়োং, মুয়ই তারার্ গোজেন লগেপ্রভু।

যিহিষ্কেল 36:7

সেনত্তে মুই শমক্ হেইনে কঙর্, তমা চেরোকিত্তে জাদ্‌‌‌‌‌‌‌তুনেয়ো অগমান ভুগিবাক্।

দানিয়েল 12:7

সেক্কে মুই শুনিলুং, গাঙ পানি উগুরে থেইয়্যে মসীনার কাবড়-উজ্যে সেই মানুচ্চো তার দ্বিআত্ স্বর্গ ইন্দি তুলিনে যিবে উমর সং জেদা তা নাঙে শমক্ হেইনে কলঅ, “সাড়ে তিন বজর্ লাগিবো। শেজদি গোজেনর মানুচ্চুনোর বলানি যেক্কে এক্কুবারে ভাঙি পড়িবো সেক্কে এই কধানি ভর্‌‌‌‌‌‌পুনং অবঅ।”

প্রেরিত্‌ 14:15

“সমাজ্যেগুন, তুমি কিত্তে ইয়েনি গরর্? আমি দঅ বানা মানুচ্‌, তমা ধোক্ক্যেন স্বভাব। আমি তমা ইধু গম্ হবরান্ ফগদাং গুরির্ যেন তুমি এ বেক্‌ বাজে জিনিচ্চানি ছাড়িনে জেদা গোজেন ইন্দি ফিরো। তেয়ই আগাজ্, পিত্‌থিমী, সাগর আর সিয়েনি ভিদিরে যেদক্কানি আঘে বেক্কানি বানেয়্যে।

প্রেরিত্‌ 17:23

কিয়া মুই ঘুরি বেড়েবার্ অক্তত্ তমা উবোসনার্ জিনিস্‌‌‌চানি যেক্কে চাঙর্ সেক্কে এমন্‌ এক্কো পূজো দেগিলুং যিবে উগুরে লেগা আঘে, অচিনে দেবেদার্ নাঙে। তুমি ন-চিনিনে যিবের্ উবোসনা গরর্ তা পৌইদ্যেনে মুই তমা ইধু প্রচার গরঙর্।

রোমীয় 1:20

গোজেনর্ যেদক্কানি গুণ চোগেদি দেগা ন-যায়, অত্তাৎ তার্ উমরর্ খেমতা আর গোজেনর গুণান্ সৃট্টির আরাম্ভত্তুন্ ধুরি গমেডালে ফুদি উঠ্যে। তার্ সৃট্টিত্তুন্ ধুরি মান্‌জ্যে সিয়েন গমেদালে বুঝি পারন্। ইয়েনর্ পরেদি মান্‌জ্যর্ আর কনঅ জোব্ দিবার নেই।

দ্বি’লম্বর বিররণ 32:40

মুই আত্‌ তুলিনে শমক্‌ হেইনে কঙর্, মর্‌ জীংকানির্ এগেম,

ইব্রীয় 6:13

গোজেনে যেক্কে অব্রাহাম ইধু এগেম্ গোজ্জ্যে সেক্কে তে নিজো নাঙেই শমক্ হেইয়্যে, কিয়া তাত্তুন্ দাঙর্ এন্‌ আর কেঅ নেই যিবের্ নাঙে তে শমক্ খেই পারে।

ফগদাং পেইয়্যে 1:18

মুয়ই উমরত্যে জেদা। মুই মোজ্জ্যং আর চঅ, ইক্কিনে মুই যুগ যুগ ধুরিনে উমরত্যে জেদা আঘং। মইধু মরণান্ আর মরণ জাগার চাবি আঘে।

ফগদাং পেইয়্যে 10:2

তা আঢত্ এক্কো মেল্ল্যে চিগোন বোই এলঅ। তে তার্ ডেন্ টেঙান দোজ্জ্যে সাগর উগুরে আর বাঙ্ টেঙান মাদি উগুরে থোইনে সিংহ গুজুরোনি ধোক্ক্যেন দাঙর্ গুরি রঅ ছাড়িলো। তার্ রঅ ছাড়ানার্ লগে লগে সাত্‌টো দেবা পেরাগ্ পড়েদে ধোক্ক্যেন রঅ অলঅ।

ফগদাং পেইয়্যে 14:7

তে জোরে জোরে এ কধাগান কত্তে, “গোজেনরে দরঅ আর তারে বাঈনী গরঅ, কিয়া বিচের্ গুরিবার সময়বো লুম্মেগি। যিবে আগাজ্, পিত্‌থিমী, সাগর আর পয়নালাগুন সৃট্টি গোজ্জ্যে সিবের্ উবোসনা গরঅ।”

ফগদাং পেইয়্যে 16:17

যেরেদি সাত-লম্বর দূত্‌তো তা কদরাবো বৈয়্যেরত্ উবোত্ গুরিলো। সেক্কে উবোসনা-ঘরর সিংহাসনানত্তুন্ জোরে এ কধানি কুয়ো অলঅ, “যিয়েন অবার সিয়েন ওই যেয়্যে।”

ফগদাং পেইয়্যে 4:11

“আমার প্রভু আর গোজেন, তুই বাঈনী, সর্মান আর খেমতা পেবার যগাজ্যে, কিয়া তুয়ই বেক্কানি সৃট্টি গোজ্জ্যস্; আর তরই আওজে সিয়েনি বেক্কানি সৃট্টি ওইয়্যে আর থিগি আঘে।”

ফগদাং পেইয়্যে 4:9

উমরত্যে জেদা প্রভু গোজেন, যিবে সিংহাসনত্ বৈ আঘে, এই জেদা পরাণবলাগুনে যেলক্কে তারে বাঈনী, সর্মান আর ভালেদি জানায়,